Hebraios 6:17 - Ashiri Aeuitaknup Iyohaichish Yona 1897

¹⁷ Tambe otta, Kamui anak ne aeitakamkirep eikeshkoro utara orota koro esanniyop shomo aitasare ambe naa eitasa no nukare kuni ne, shiyuppa no an itak ani iyuturu omare nisa ruwe ne:

Hebraios 6:17 ပူးပေါင်းရင်းမြစ်များ

Iyohaichish 110:4

Ehoba shiyuppa ekambakte wa eyaikokatpak shomoki, Aokai anak ne Merukisedek korachi Otusashuishiri pakno Kamui otta yaishieiwangere guru ne.

Iyohaichish 33:11

Ehoba ukoramkorobe anak ne ramma pakno tumashnu no ash, Shinuma koro keutum ta aesanniyo yainu-hi anak ne obitta no okai ainu ikiri pakno an kusu ne.

Iyohaichish 36:8

Nei utara anak ne E kora kenru ta an kiripu gusu nuye an no aeramushinne; Orowa, E koro nupetne pet otta Aokai nei utara ikure kusu ne na.

Yoannes 10:10

Ikka hemhem ki, ronnu hemhem ki, isamka hemhem ki kuni gusu moshima ikka guru anak ne ek shomoki ruwe ne; Ku ek ikkewehe anak ne echi utara inotu koro, nuye an no echi koro kuni gusu ne ruwe ne na.

Roma 11:29

Kamui eikrap newa konishuk ambe anak ne aeyaikokatpakbe shomo ne ruwe ne gusu ne na.

Roma 8:17

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

Garatea 3:29

Orowa, Kiristo korobe echi ne yakun, Abraham koro sanike echi ne, aige, eitakamkirep an korachi eikeshkoro utara echi ne ruwe tapan na.

Epesos 1:11

nep ne yakka yaikota rengaine ukoramkoro wa iki, aige, keutum an korachi etoko wano un esanniyo wa koro eikeshkorobe ne kuni un kara nisa ruwe ne;

Hebraios 11:7

Eishokor-i an gusu Noa anak ne naa shomo anukarabe epeka Kamui orowa no anure gusu Kamui kooripak an ishitoma keutum atte gusu, koro uni un utara shiknure kuni ne chip kan nisa ruwe ne; nei ambe ankushtapne shinuma moshiri kokatpakte, aige, eishokor-i kari an oupekap aeikeshkore guru ne akara.

Hebraios 11:9

Eishokor-i an gusu shinuma anak ne, yaikota korobe shomo ne an korachi nei aeitakamkire moshiri ta, payekai guru ne, aige, tura no nei heru aeitakamkirep uina Isaak newa Yakob korachi kash otta oshiroma;

Hebraios 6:12

toranne utara shomo ne, koroka, eishokor-i newa yaiyupupu ambe ankushkerai eitakamkirep eikeshkoro utara echi ikoisamba kuni akon rusui ruwe ne.

Hebraios 6:16

Inambe gusu ne yakun, ainu utara anak ne iyotta pase ambe epeka wa shiyuppa no ye; orowa, nep upaure ambe an a yakka nei utara ki shiyuppa itak anak ne okaibe sonnere kuni ambe ne aesanniyo gusu auk ruwe ne.

Hebraios 6:18

tambe anak, gusu Kamui shunge eaikap tu itasare shomoki ambe ani, un kotchaketa aande wa an chipachipa ambe ashikkashimare gusu numne kuni ushike orun kokira chi utara anak ne shiyuppa no aonishnishi kuni gusu an ambe ne ruwe ne;

Yakob 1:17

Obitta no okai pirika aikrap, obitta no okai aeramushinne an aikorep anak ne, rik orowa no an ap ne, yaiutasare shomoki, hosari gusu kurihi kara shomoki pekere koro Michi orowa no sap ruwe ne.

Yakob 2:5

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

I Petros 1:3

Okese an ita eishokor-i ani kashiaobiuki wa okai kunak anukara kuni ne aetoko-oiki wa okai Kamui kiroro ani aepungine echi utara,

I Petros 3:7

Tap korachi hoku ne echi utara, echi koro inonno-itak shomo aerannakbe ne kuni gusu, eraman no koro machi tura oshiroma, aige, echi utara ukotura shiknu irenga koro wa okai gusu, shinuma turasak awehe ne aesanniyo wa ko-oripak yan.