Hebraios 6:12 - Ashiri Aeuitaknup Iyohaichish Yona 1897

¹² toranne utara shomo ne, koroka, eishokor-i newa yaiyupupu ambe ankushkerai eitakamkirep eikeshkoro utara echi ikoisamba kuni akon rusui ruwe ne.

Hebraios 6:12 ပူးပေါင်းရင်းမြစ်များ

Mattaios 22:32

Kuani anak ne Abraham koro Kamui ne, Isaak koro Kamui ne, Yakob koro Kamui Ku ne ruwe ne, ari Kamui ye itak echi oro-oitak shomoki ruwe he an? Kamui anak ne rai guru koro Kamui shomo ne, koroka, ishu guru koro Kamui ne ruwe tapan na.

Mattaios 25:26

Koroka, otta kon nishpa ese wa ene itak-hi :— Wen newa toranne usshiune guru, ku etoita shomoki ushike wa ku nange, orowa, ku chari shomoki ushike wa ku umomare sekoro e eramu an,

Roukos 16:22

Okaketa, nei iyahupkara guru anak ne rai, orowa, Kamui uitekbe shinuma koro wa paye hine Abraham upshoro ta ande nisa ruwe ne: orowa, nei oteknu guru ne yakka rai wa tushiri oro aomare nisa ruwe ne.

Roukos 8:15

Orowa, pirika toi otta okaibe anak ne, oheuge-sak newa pirika keutura koro wa itak nu hine yupke no shikkashima wa yaishiporore wa ibehe hetubare utara ne ruwe ne.

Roma 12:11

monraige otta iteki etoranne yan; keutum nuwashnu wa Utarapa otta yaishieiwangere yan;

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 4:12

orowa shui, ouse okarituye-buri akire utara koro michi ne kuni gusu shomo ne, koroka, akoro michi Abraham naa shomo okarituye-buri akire etokota eishokoro ki korachi, obitta no okai eishokoro ki utara koro michi ne kuni gusu an ambe ne ruwe ne na.

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

II Tessaronike 1:4

obitta no okai echi eyaishiporore aekeshke arabe newa aerarachuptekbe uturu echi ki yaiyupupu arabe newa eishokor-i gusu Kamui karisia tumta echi utara gusu chi utara yaiomonnure ash pakno ne ruwe ne;

Hebraios 1:14

Nei okaibe anak ne kashichiobiuki ambe eikeshkoro kushki utara rengap gusu auitek kuni ne aomande yaishieiwangere ramat shomo ne ruwe he an?

Hebraios 10:36

Inambe gusu ne yakun, yaiyupupu ambe anak echi koro kunip ne, Kamui irenga echi ki okere chiki, nei eitakamkirep koro kuni gusu ne na.

Hebraios 11:33

nei utara anak ne eishokor-i ankushkerai moshiri annokara, oupekap iki, eitakamkirep akore,

Hebraios 12:1

Tambe gusu, chi utara ne yakka, tap korachi an nishkuru nepkoro inne paweteshu ki utara koro wa okai gusu, ene irammakaka un nikkotama obitta no okai aeoshirokokbap newa chikokatpak oyakta ande hine, yaishiporore wa un kotchaketa aatte wa an uwetushmak kuni ambe otta hoyuppa anro,

Hebraios 13:7

Echi epungine utara, Kamui itak echi orun ye utara eshkarun yan; orowa, nei utara ene moshiri koapkash wa ikichi ambe esanniyo hine, koro eishokor-i koikara yan.

Hebraios 5:11

Nei ambe gusu aye kuni ambe poron no okai, awa, echi utara nu e wen utara ne ruwe ne gusu, apita kuni hokamba ruwe ne.

Hebraios 6:15

Aige, tap korachi yaiyupupu wa yaishiporore gusu, shinuma nei aeitakamkirep akore nisa ruwe ne.

Yakob 1:3

chi utara usa okai akoramnukar-i koekari chiki aenupetne gusu an ambe ne sekoro esanniyo yan.

II Petros 1:10

Tambe gusu, iriwak utara, echi atak an ambe newa anumge an ambe anak ne atumashnure kuni ne naa shiarikiki no kara yan: inambe gusu ne yakun, tap okaibe echi kara chiki, ramma pakno shomo echi ureepetchiu kusu ne na:

I Yoannes 2:25

Un gusu Shinuma eitakamkire uitaknup anak ne shiokere shomoki inotu ne ruwe ne.

Ekambakbe 13:10

Teke pashte guru an yakun, teke apashte kusu ne: rangetam ani raige guru an yakun, rangetam ani araige kusu ne. Tata otta ashkanne utara iki yaiyupupu ambe newa eishokor-i an ruwe ne.