Hebraios 5:7 - Ashiri Aeuitaknup Iyohaichish Yona 1897

⁷ Shinuma anak ne kam netobake koro ita, rai-i orowa ohaitare eashkaibe otta, rui-chish newa nupe tura, inonno-itak newa koramkorope yange okere chiki, orowa, oripak an no ishitoma gusu anu okere chiki,

Hebraios 5:7 ပူးပေါင်းရင်းမြစ်များ

Iyohaichish 22:24

Shinuma anak ne otek sak guru koro ramusarakbe esapse bene ki etunne bene ki shomoki; Shui, nei guru otta koro nanuhu nuina shomoki: Koroka, Shinuma konishuk ita anu nisa ruwe ne gusu ne na.

Iyohaichish 69:1

AA Kamui, en kashiobiuki wa en kore; Wakka anak ne ku ramat otta ahun nisa ruwe ne gusu ne na.

Iyohaichish 88:1

AA Ehoba ne en kashiobiuki Kamui, Tokap-to ta ne yakka kunne-to ta ne yakka E kotchaketa hawe ku ashte nisa:

Mattaios 27:46

Orowa, shinepesan ikinne an pakihi pakita Yesu rui hau sange wa ene itak-hi :— Eri, Eri, rama sabaktani? sekoro itak. Tan itak eepaketa aye yakun, “Ku goro Kamui, ku goro Kamui, nep gusu Aokai en ande ya?” sekorʼan itak ne.

Mattaios 27:50

Orowa, Yesu shui rui hawe sange, orowa no, ramat arapare nisa ruwe ne.

Markos 15:34

Awa, shinepesan pakihi ta Yesu rui hau sange wa ene itak-hi:— Eroi, eroi, rama sabaktani? ari itak. Tan itak eepaketa yakun, — Ku goro Kamui, Ku goro Kamui, nep gusu E en emaka ya? sekorʼan itak ne.

Markos 15:37

Orowa, Yesu rui hawe sange wa ramat arapare nisa ruwe ne.

Roukos 23:46

Orowa, Yesu rui hau ani hawe sange okere chiki ene itak-hi :— Michi, E teke otta Ku ramat Ku ande na, ari itak: orowa, tambe ye okere chiki Shinuma kon ramat arapare nisa ruwe ne.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 11:35

Tambe gusu, Ingara, nep katairotke ki gusu Shinuma ikatairotke humi! ari Yudea un utara ye nisa ruwe ne.

Yoannes 11:42

Aokai ramma En nu shiri Ku eraman: koroka, okari ta roshki wa okai utara gusu Ku ye, nei utara anak ne Kuani E orowa no aomande guru Ku ne sekorʼi eishokoro kuni ne tap Ku ye nisa ruwe ne.

Yoannes 17:1

Yesu tap okaibe ye; orowa, kando orun shikihi hepuni wa ene itak-hi :— Michi, pakihi ek an; Poho anak ne E ko-oripak kuni ne E koro Poho ko-oripak wa En kore:

Roma 8:3

Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

Garatea 4:4

Kamui anak ne koro Poho sange; Shinuma shiwentep orowa no hekatu, tuitak otta hekatu;

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

Hebraios 10:10

Tap ambe ani Yesu Kiristo kon netobake arashui no ayange okere gusu, chi utara anak ne aashkannere nisa ruwe ne na.

Hebraios 10:5

Tambe gusu, Shinuma moshiri otta ahun ita, ene itak-hi; — Ayange kunip newa aikrap shomo e kon rusui, Koroka, en gusu netobake E etoko-oiki nisa ruwe ne;

Hebraios 11:7

Eishokor-i an gusu Noa anak ne naa shomo anukarabe epeka Kamui orowa no anure gusu Kamui kooripak an ishitoma keutum atte gusu, koro uni un utara shiknure kuni ne chip kan nisa ruwe ne; nei ambe ankushtapne shinuma moshiri kokatpakte, aige, eishokor-i kari an oupekap aeikeshkore guru ne akara.

Hebraios 12:28

Tambe gusu, ashimoyere eaikap moshiri a un kore gusu, kooripak ambe newa ishitoma ambe tura, ani Kamui nupetnere yaishieiwangere iyaiiraige an keutum koro anro:

Hebraios 13:20

Orosama, nei hitsuji chikoikip koro pase epungine guru ne Yesu Kiristo, otusashuishiri pakno an aeuitaknup gusu an kemihi ankushkerai, rai-i orowa no hetopo-shiknure irenga koro Kamui anak ne,

Hebraios 2:14

Poho utara anak ne kem newa kam utura kon ruwe ne gusu, Shinuma yaikota ne yakka shem korachi nei ambe kon ruwe ne; tambe anak Shinuma rai ambe ani nitne kamui ari aye rai-i kiroro korobe isamka kuni gusu ne na;

I Yoannes 4:3

orowa, Yesu pushpusu shomoki nep ramat ne yakka Kamui orowa no an ambe shomo ne ruwe ne: orowa, ek kusu ne sekoro echi nu anti-kiristo korobe anak tambe ne ruwe ne; tane ne yakka nei ambe mosbirʼotta an ruwe ne.

II Yoannes 1:7

Inne no okai kokandama ki utara anak ne moshiri orota araki wa okai, Yesu Kiristo ainu netoba koro wa ek sekoro ambe shomo pushpusu utara tambe ne ruwe ne. Tambe anak kokandama ki guru ne, nei a anti-kiristo ne ruwe tapan na.