Hebraios 4:3 - Ashiri Aeuitaknup Iyohaichish Yona 1897

³ Eishokoro okere utara anak ne nei shini-i otta ahup ruwe ne; shinuma ye korachi poka ne, Nei utara ku shini-i otta ahup shomoki kusu ne, Sekoro, Ku irushka wa shiyuppa no Ku ye nisa ruwe ne: moshiri asamaha aande paki wano nei iki ikip aokerepa yakka ne.

Hebraios 4:3 ပူးပေါင်းရင်းမြစ်များ

Iyohaichish 95:11

Ene itak-hi:— Keutum ta ohaitap ki utara ne, Ku kan ruhu erampeutek utara ne ruwe ne:

Mattaios 13:35

tambe anak, Itak-maukushte-itak gusu ku paroho ku maka kusu ne, Moshiri heashi-i wano anuina wa an orushpe Ku ye kusu ne, sekoro uweingara guru ye itak auweomare kuni gusu an ap ne ruwe ne na.

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Epesos 1:4

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

Hebraios 3:11

Aige, nei utara Ku shini-i otta ahup shomoki kusu ne, Sekoro, Ku irushka wa shiyuppa no ku ye nisa ruwe ne.

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

Hebraios 9:26

Shinuma kanna-kanna yaiyange shomoki ruwe ne; shomo ne yakun, moshiri akara wano tane pakno Shinuma kanna-kanna ayairamshitnere nangoro: koroka, tane moshiri paha okese an paha ta Shinuma yaikota yaiyange wa kat-pak isamka kuni ne arashui no anukan nisa ruwe ne na.

I Petros 1:20

Shinuma anak ne moshiri asama aande etoko wano aeramu ambe ne, koroka, echi utara gusu pakihi okeseketa anukare nisa ruwe ne;