Hebraios 4:2 - Ashiri Aeuitaknup Iyohaichish Yona 1897

² Inambe gusu ne yakun, son no poka nei utara otta korachi un otta ne yakka pirika orushpe aeupaskuma an na: koroka, anu itak anak ne nei utara pirikare shomoki, eishokor-i ani nei utara anak ne anure utara tura shomo ukopoye nisa ruwe ne gusu ne na.

Hebraios 4:2 ပူးပေါင်းရင်းမြစ်များ

Apostoro ikip oma kambi 13:46

Orowa, Pauros newa Barnabas anak ne rametokkon no ye wa ene itak-hi :— Iyotta hoshiki no Kamui itak echi orun anure kuni ambe anak aki kunip ne. Aige, echi utara anak ne nei ambe emaka wa otusashuishiri pakno an inotu uk kuni utara shomo echi ne sekoro esanniyo gusu, ingarʼan, Oya uirup orun chi paye ash na.

Apostoro ikip oma kambi 3:26

Kamui anak ne koro Poho hetopo-shiknure wa echi utara pishno koro wen-buri wano shiknure an ambe ani echi nunuke kuni ne, hoshiki no echi orota Shinuma omande nisa ruwe ne na.

Roma 2:25

Aokai anak ne tuitak iki chiki okarituye buri anak epirikare ruwe ne: koroka, tuitak e otereke yakun, e ki okarituye buri anak ne shomo okarituye buri anere ruwe ne.

Roma 3:3

Nei utara tumugeta eishokoro shomoki utara okai a yakka nekon a? Nei eishokor-i sakbe anak ne Kamui eishokor-i raka-sakte kusu ne ya?

I Korintos 13:3

Orowa, utara ibere gusu obitta no okai ku korobe ku sange hene ki, auhuyeka gusu ku netobake kore hene ki yakka, omap ambe ku sak chiki, en epirikare shomoki ruwe ne.

Garatea 3:2

Tambe patek echi otta ku nu rusui, tuitak ikip gusu nei Ramat echi akore ruwe he an? Eishokoro

Garatea 3:8

Orowa, Kamui anak ne eishokor-i an ambe ani Oya utara oupekare kusu ne sekoro Kamui kambi-sosh teeda wano nukara gusu, — Aokai gusu obitta no okai moshiri uirup ikiri anak ne annkannukara kusu ne, — sekorʼan pirika shongo ani etoko wano Abraham otta eupaskuni a ki nisa ruwe ne.

Garatea 4:13

koroka, ku kara otta katchak ushike an gusu, atpaketa echi otta pirika shongo ku eupaskuma nisa ruwe ne sekoro echi eraman:

I Tessaronike 1:5

inambe gusu ne yakun, chikoro pirika shongo anak ne ouse itak ani patek echi otta ek ka shomoki, koroka, kiroro ani ne yakka, Ashkanne Ramat ani ne yakka, shi no aeshikno an ambe ani ne yakka ek nisa ruwe ne; echi tumugeta chi okai rapoketa echi rengap gusu echi epeka no nekon a ainu chi ne ya echi eraman poka korachi ne ruwe ne na.

I Tessaronike 2:13

Orowa, echi utara anak ne nei a chi ye itak ambe, nei a Kamui korobe echi akore ita, ainu itak ambe nei no shomo auk, koroka, son no an arabe nei no, eisho-koro shiri echi utara onnaigeta iki poka ki Kamui itak nei no echi uk nisa ruwe ne, tan ikkewehe an gusu ne yakka okere shomoki no Kamui koyaiiraige ash ruwe ne.

I Timoteos 4:8

Orowa, Kamui kooripakbe ani yaikota yairiterite yan: inambe gusu ne yakun, netobake gusu an yairiterite ambe anak ne pon no ka epirikare kunip ne, koroka, Kamui kooripak ambe anak ne nep ne yakka gusu epirikare kunip ne, aige, tane an inotu gusu ne yakka, okaketa an inotu gusu ne yakka eitakamkire aeoma an ambe ne ruwe ne gusu ne na.

Hebraios 11:6

orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

Hebraios 3:12

Iriwak utara, ikineipeka nenka echi tumugeta an guru anak eishokor-i sak wen keutum koro bine ika ishu Kamui wano eyaishishire kuni ne yaitubare yan: koroka,

Hebraios 4:6

Tambe gusu, nei ambe otta ahup kuni ambe an gusu, samata, etoko wa otta pirika shongo aeupaskuma utara itakkashi gusu ahup shomoki sekorʼambe anukara gusu,

Yakob 1:21

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.

I Petros 1:12

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.