Hebraios 4:15 - Ashiri Aeuitaknup Iyohaichish Yona 1897

¹⁵ Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.

Hebraios 4:15 ပူးပေါင်းရင်းမြစ်များ

Mattaios 12:20

Epuipuise hai ushka ka shomoki. Orowa, Oya moshirʼun utara nei ainu kon reihei ankushkerai chipachipa kusu ne,

Mattaios 4:1

Nei oro Yesu anak ne nitne kamui orowa no akoramnukara kuni ne Ramat ani nupuri orota atura nisa ruwe ne na.

Roukos 22:28

Koroka, echi utara anak ne a en koramnukara rapoketa En tura no okai utara echi ne.

Roukos 4:2

Shinuma nei toho rapoketa nep ne yakka ibe shomoki: awa, nei toho epa okere chiki sambe-tasaske nisa ruwe ne.

Yoannes 8:46

Echi utara tumugeta katpak an sekoro En esanniyo guru anak ne nen ne ruwe he an? sonep Ku ye yakun, hemanda gusu echi En eishokoro shomoki ya?

Roma 8:3

Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

Hebraios 4:14

Tambe gusu, kando oboso wa ahun Kamui otta yaishieiwangere iyotta pase guru ne Kamui koro Poho Yesu an gusu, chikoro eishokoro ambe shiyuppa no shikkashima anro.

Hebraios 5:2

nei guru yaikota ne yakta katchakbe ani aokarire wa an gusu, eramsatbe newa ohaita utara eramu-haugere eashkaibe ne;

Hebraios 7:26

Inambe gusu ne yakun, nei no an, ashkanne, wen-buri isam, turu-sak, chikokatpak utara wano shinnai no aande wa kando kasu no eetasa ri no akara Kamui otta yaishieiwangere iyotta pase guru un gusu aatte ruwe ne;

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

I Petros 2:22

Shinuma anak ne katpak seenne ki, koro paro otta kokandama ambe ne yakka anukara shomoki nisa ruwe ne:

I Yoannes 3:5

Orowa, Shinuma anak ne katpak sei kuni gusu anukan nisa ruwe ne sekoro echi eraman; orowa, Shinuma oshiketa katpak isam ruwe ne.