Hebraios 4:12 - Ashiri Aeuitaknup Iyohaichish Yona 1897

¹² Inambe gusu ne yakun, Kamui itak anak ne ishu wa iki kuni kiroroashnu, tu ibe oma rangetam kasu no eenbe ne, keutum newa ramat, ikra newa kiripu usaraye pakno kushna-otke, samata, sambe yainu newa ramepakari ambe esanniyo tunashbe ne ruwe ne.

Hebraios 4:12 ပူးပေါင်းရင်းမြစ်များ

Iyohaichish 110:2

Ehoba anak ne Zion wano e kiroro oma kanni turi kusu ne: E epokba utara tumugeta aokai epungine yan.

Iyohaichish 119:130

E koro itak sarare-i anak ne pekereka shiriki; Wayasap utara wayashnure ruwe ne.

Iyohaichish 139:2

Ku a shiri ash shiri-hi Aokai eraman, Ehangeko no an ushike wano Aokai anak ne ku yainu-hi ramepakari ruwe ne.

Iyohaichish 149:6

Pasetara Kamui ramye-hi nei utara paroho ta an, Koro teke ani tu ibe koro rangetam shikkashimare yan.

Iyohaichish 45:3

Aa kiroro-ashnu guru, e om kata rangetam kutpokechiu yan, E koro nupeki e koro araguru sange yan.

Roukos 8:11

Tan itak-maukushte-itak ene ani ne :— Piyehe anak ne Kamui itak ne ruwe ne.

Yoannes 12:48

En emaka wa Ku ye orushpe koro shomoki guru gusu anak ne shine koipishi ki guru an: Ku ye okere itak anak ne nei ambe okese toho ta shinuma koipishi kusu ne na.

Yoannes 6:51

Kando orowa no ran ishu aep Ku ne ruwe ne: tan aep ibe guru an chiki ramma pakno ishu kusu ne: ruwe un, moshiri inotu gusu Ku kore aep anak ne Ku kam ne ruwe ne na.

Apostoro ikip oma kambi 2:37

Aige, nei utara anakne tap an itak nu chiki, koro sarabe aotke-otke wa Petros newa moshima okai Apostoro utara otta, — Iriwak utara, nekon

Apostoro ikip oma kambi 4:31

Orowa, inonno-itak aokere chiki; otta uwekarapa wa okai ushike ashuyeshuye; aige, nei utara obitta Ashkanne Ramat ani aeshikte, orowa rametokkon no Kamui itak ye nisa ruwe ne na.

Apostoro ikip oma kambi 5:33

Koroka, nei utara anak ne tambe nu chiki, sambe aotte gusu, ronnu kuni yainu nisa ruwe ne.

Apostoro ikip oma kambi 7:38

Tan guru anak ne Sina nupuri kata otta ye hauturumbe tura hene, chikoro ekashi utara tura hene, nup otta an uwe-kari ta an gunʼne; un otta koropare kuni ne shinuma anak ne ishu shongo akore nisa:

Roma 1:16

Kuani anak ne pirika shongo gusu shomo yainikoroshma ruwe ne: inambe gusu ne yakun, nei ambe anak ne hoshiki no Yudea un guru gusu ne yakka, Herenes un guru gusu ne yakka, orowa, pishno pishno okai eishokoro guru gusu ne yakka kashiobiuki kuni gusu an Kamui kiroro ne ruwe ne gusu ne na.

I Korintos 1:24

koroka, anishuk wa okai utara gusu, Yudea un utara ne yakka Herenes un utara ne yakka, Kiristo anak ne Kamui koro kiroro ne, Kamui wayashnu ambe ne ruwe ne.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

Epesos 5:13

obitta no okaibe akoipishi wa aesanniyo chiki pekere gusu anukare ambe ne: inambe gusu ne yakun, nep ne yakka pekereka ambe

Epesos 5:26

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

Epesos 6:17

Orowa, kashiobiuki-hi ani kane pon kasa ne koro, samata, Kamui itak ari an Ramat un rangetam ne koro yan;

I Tessaronike 2:13

Orowa, echi utara anak ne nei a chi ye itak ambe, nei a Kamui korobe echi akore ita, ainu itak ambe nei no shomo auk, koroka, son no an arabe nei no, eisho-koro shiri echi utara onnaigeta iki poka ki Kamui itak nei no echi uk nisa ruwe ne, tan ikkewehe an gusu ne yakka okere shomoki no Kamui koyaiiraige ash ruwe ne.

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

Hebraios 13:7

Echi epungine utara, Kamui itak echi orun ye utara eshkarun yan; orowa, nei utara ene moshiri koapkash wa ikichi ambe esanniyo hine, koro eishokor-i koikara yan.

Hebraios 6:5

Ashkanne Ramat akore hemhem ki, Kamui pirika

Yakob 1:18

Shinuma yaikota irenga gusu chi utara anak ne Shinuma kara okaibe otta aro-ibehe ne kuni ne, son no an itak ani un hetukure nisa ruwe ne na.

I Petros 1:23

munin kuni piyehe ani shomo ne, koroka, shiknu wa okai Kamui itak ani munin shomoki piyehe ani echi hekatu wa an gusu, shiarikiki no ramuosshi wano utashpa uweomap yan.

Ekambakbe 1:16

Koro shimon tek oshiketa arawan nochiu akoro: koro paro wano een uren no notaku ibetam hetuku ruwe ne: koro nan-katu anak ne kiroroashnu no hereat tokap chup korachi ne ruwe ne na.

Ekambakbe 19:15

Aige, ani Shinuma anak ne moshiri uirup shirikik kuni ne Shinuma paroho wano een rangetam oashin ruwe ne: orowa, Shinuma anak yaiyan-kani kanni ani nei utara epungine kusu ne na: samata, Shinuma obitta no okai kiroro koro Kamui irushka ambe oma kinrakara tonoto nishu otereke ruwe ne.

Ekambakbe 19:21

orowa, nei umma kata o guru paroho wano oashin rangetam ani moshima okai utara anak aronnu nisa: aige, obitta no okai chikap anak ne nei utara koro kam gusu aeyai-kironnure nisa ruwe ne na.

Ekambakbe 2:16

Tambe gusu, yaikokatpak yan; shomo ne chiki tunashino e orun Ku ek wa Ku paro un rangetam ani nei utara epeka tumi-koro kusu ne na.

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.

Ekambakbe 20:4

Orowa, inne amset newa kashita rok shiri okai utara ku nukara, awa, nei utara koipishi iki kuni mondum akore nisa ruwe ne: samata. Yesu gusu an paweteshu iki ambe gusu hemhem, Kamui itak gusu hemhem, nei a chikoikip newa chikoikip koro noka shomo koongami ambe gusu hemhem, koro keputuru kata hene koro teke kata hene chikoikip koro shirosh shomo aomare ambe gusu hemhem sapa otuye utara kon ramat ku nukan nisa ruwe ne; aige, nei utara ishu wa ashikne shine wan hotne pa uturuta Kiristo tura epungine ruwe ne.