Hebraios 4:11 - Ashiri Aeuitaknup Iyohaichish Yona 1897

¹¹ Tambe gusu, inan guru ne yakka iteki nei no an itakkashi ambe koikara wa hachiri kuni gusu, nei a shini-i otta ahup ash kuni ne shiarikiki no iki anro.

Hebraios 4:11 ပူးပေါင်းရင်းမြစ်များ

Mattaios 11:12

Orowa, Baptisma kore Yoannes an toho wano tane pakno kando moshiri aeyaikoniwen ruwe ne, awa, niwen no iki utara anak ne nei ambe kon ruwe ne.

Mattaios 7:13

Hutne apa kari ahup yan: aisamka an i orun arapa ru anak ne sep, orowa apa poro, te oro ahup utara inne ruwe ne gusu ne na.

Roukos 13:24

Orowa, utara otta Shinuma ene itak-hi :— Hutne apa otta ahup kuni etushmak yan: inambe gusu ne yakun, echi otta Ku ye, inne utara ahup kuni hunara kusu ne, koroka, ahup eaikap.

Roukos 16:16

Tuitak newa uweingarape anak ne Yoannes pakno an; nei ita wano Kamui moshiri gusu an Pirika shongo eupaskuma a an, orowa, obitta no ahup utara anak ne yaikoniwen wa ahup ruwe ne.

Yoannes 6:27

Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.

Apostoro ikip oma kambi 26:19

Tambe gusu Moshiri shikkashima guru Agrippas, nei kando orowa no an anukarabe gusu seenne shomo koitaknu ku ki ruwe ne;

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Epesos 5:6

Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

Piripoi 2:12

Tambe gusu, ku omap an utara, echi utara anak ne ramma kane itaknu ki wa ouse ku an rapoketa korachi shomo ne no, koroka, naa kasu no ku isam ita ne yakka ishitoma wa tusushke hine kashiaobiuki kuni gusu ki yan;

Korosai 3:6

tap okaibe rengap gusu itakkashi poho utara otta Kamui irushka ambe ek ruwe ne;

Titus 1:16

Nei utara anak ne Kamui eamkiri ari itak; koroka, aetunnep ne, itakkashi utara ne, nep pirika ikip gusu ne yakka aemakbap ne wa gusu koro iki ikip ani Shinuma eshikeshke utara ne ruwe ne.

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Hebraios 3:12

Iriwak utara, ikineipeka nenka echi tumugeta an guru anak eishokor-i sak wen keutum koro bine ika ishu Kamui wano eyaishishire kuni ne yaitubare yan: koroka,

Hebraios 3:18

Orowa, hunna epeka no koro shini-i otta ahup shomoki kusu ne sekoro shinuma shiyuppa no ye ya? Itakkashi utara epeka gusu shomo ne ruwe he an?

Hebraios 4:6

Tambe gusu, nei ambe otta ahup kuni ambe an gusu, samata, etoko wa otta pirika shongo aeupaskuma utara itakkashi gusu ahup shomoki sekorʼambe anukara gusu,

Hebraios 6:11

Orowa, okese pakno echi utara pishno pishno ukorachi an yuptek no aeshik no an chipachipa ambe ki kuni chi kon rusui ruwe ne:

II Petros 2:6

shomo Kamui ko-oripak no moshiri koishu utara pakashnu gusu Sodom newa Gomorra kotan uina ne kara hine wentoikantoi akokiru wa panakte; aige,