Hebraios 3:6 - Ashiri Aeuitaknup Iyohaichish Yona 1897

⁶ koroka, Kiristo anak ne poho korachi Shinuma kora kenru esapanep ne; aige, chi utara anak ne okese pakno tumashnu no rametok koro wa chipachipa gusu an yaiyomonnure-hi shikkashima yakun, Shinuma kora kenru chi ne na.

Hebraios 3:6 ပူးပေါင်းရင်းမြစ်များ

Iyohaichish 2:12

Poho irushka wa ru otta iteki echi isamka kuni ne Shinuma chopchopsekara yan, Inambe gusu ne yakun, tunashino Shinuma irushka kusu ne. Nen ne yakka Shinuma gusu eyaikopashte gurʼ anak ne anunuke ne ruwe ne na.

Mattaios 10:22

Orowa, echi utara anak ne Ku reihei ankushkeraipo obitta no okai utara orowa no aetunne kusu ne: koroka, okese pakno yaishiporore gurʼanak ne, nei gurʼanak kashiaobiuki kusu ne.

Mattaios 16:18

Orowa, tambe ka e otta Ku ye, Aokai anak ne Petros ne, orowa tan watara kata Ku karisia Ku ashte kusu ne; orowa, Hedes apa nei ambe annokara shomoki kusu ne ruwe ne.

Mattaios 24:13

Koroka, okese pakno yaishiporore gurʼanak ne kashi-a-obiuki kusu ne.

Roma 11:22

Tambe gusu, Kamui pirika irenga newa yupke irenga ingara: hachiripa utara epeka, yupke irenga; koroka, aokai epeka, Shinuma sange pirikap otta e an chiki, Kamui pirika irenga an na: shomo ne chiki aokai aotuye kusu ne na.

Roma 12:12

chipachipa wa nupetne; aeramchuptek ita yaiyupupu;

Roma 15:13

Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

Roma 5:2

Kamui epeka no Yesu Kiristo korʼirenga gusu itomo chi koro shiriki; Shinuma, gusu, eishokor-i ankushkerai, otta roshki wa okai irenga orun karange no arakire kuni ambe a un koropare nisa; orowa, Kamui nupeki gusu chipachipa ki wa yaiyomonnure chi ki ruwe ne.

I Korintos 3:16

Echi utara anak ne Kamui kora kenru echi ne wa Kamui Ramat echi oshiketa oshiroma ambe echi erampeutek ruwe he an?

I Korintos 6:19

Orosama, echi kon netobake anak ne Kamui orowa no akore echi onnaigeta an Ashkanne Ramat kora kenru ne ari an ambe echi erampeutek ruwe he an? Aige, echi utara anak ne yaikota yaikorobe shomo ne;

II Korintos 6:16

Orowa, Kamui kora kenru anak ne potoki-noka tura nepi uweramuoshmap an a? Inambe gusu ne yakun, chi utara anak ne ishu Kamui kora kenru chi ne; Kamui ene ye-hi poka korachi ne, — Kuani anak ne nei utara oshiketa Ku oshiroma, oshiketa Ku apkash kusu ne; aige, kuani nei utara koro Kamui ku ne kusu ne, orowa,

Garatea 6:10

Tambe gusu, ki kuni gusu an i an rapoketa obitta no okai utara gusu pirikap ki yanro; eishokor-i atte iri utara gusu makangane nei no ki yanro.

Garatea 6:9

Orowa, pirikap iki gusu iteki yaishingere; inambe gusu ne yakun, ramurai shomoki chiki, paha epa ita nanke kusu ne gusu ne na.

Epesos 3:12

chi utara anak ne Shinuma eishokoro gusu rametok koro wa ehonnai shomoki no Kamui otta karange no araki ruwe ne na.

Korosai 1:23

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

I Tessaronike 5:16

Ramma nupetne yan; okere shomoki no inonno-itak ki yan;

II Tessaronike 2:16

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

I Timoteos 3:15

koroka, ohon no uturuta shomo ku ek yakun, Kamui kora kenru ta ainu utara anak ne nekon a iki yak pirika ya e eraman kuni gusu ne na, nei ambe anak ne ishu Kamui koro karisia ne, sonep gusu an ikushpe newa asamaha ne ruwe ne.

Hebraios 1:2

tan okese an toho ta obitta no okaibe eikeshkore kuni gusu atte, ani moshirʼebitta ne yakka kara poho teshkara wa un orota itak sange nisa ruwe ne;

Hebraios 10:19

Tambe gusu, iriwak utara, Yesu koro kem ani, chi utara gusu akara ashiri shiknu an ru kari,

Hebraios 10:21

samata, Kamui kora kenru esapane pase Kamui otta yaishieiwangere guru an gusu,

Hebraios 10:23

chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

Hebraios 10:35

Tambe gusu, shi no oro an no an pummaha koro echi koro rametokkorobe iteki osura yan.

Hebraios 11:1

Eishokor-i anak ne chipachipa kuni ambe ikkeu ne,

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

Hebraios 4:11

Tambe gusu, inan guru ne yakka iteki nei no an itakkashi ambe koikara wa hachiri kuni gusu, nei a shini-i otta ahup ash kuni ne shiarikiki no iki anro.

Hebraios 4:14

Tambe gusu, kando oboso wa ahun Kamui otta yaishieiwangere iyotta pase guru ne Kamui koro Poho Yesu an gusu, chikoro eishokoro ambe shiyuppa no shikkashima anro.

Hebraios 4:16

Tambe gusu, a un erampokiwen wa akore kuni ne, samata, aeishiramne an ita chikaobiuki gusu an irenga a un kore kuni ne, rametokkon no irenga koro araset otta karange no araki anro.

Hebraios 6:11

Orowa, okese pakno echi utara pishno pishno ukorachi an yuptek no aeshik no an chipachipa ambe ki kuni chi kon rusui ruwe ne:

Hebraios 6:18

tambe anak, gusu Kamui shunge eaikap tu itasare shomoki ambe ani, un kotchaketa aande wa an chipachipa ambe ashikkashimare gusu numne kuni ushike orun kokira chi utara anak ne shiyuppa no aonishnishi kuni gusu an ambe ne ruwe ne;

Hebraios 7:19

ikashpaotte anak ne aisamka an na (inambe gusu ne yakun, tuitak anak ne nep ne yakka eramushinnere eaikap), shui, gusu chi utara anak ne Kamui koehange hine nei kashita naa pirika no an chipachipa kunip aahunge ruwe ne.

I Petros 1:8

Shomo Shinuma echi nukara yakka ko-omap ruwe ne; tane shomo echi nukara yakka, Shinuma eishokoro wa nupeki ani aeshik aye eaikap pakno an nupetne ambe ani echi poron no enupetne ruwe ne: aige,

I Petros 2:5

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.

I Petros 4:17

Inambe gusu ne yakun, Kamui kora kenru ta akoipishi heashi kuni pakihi anak ne an; aige, hoshiki no un gusu aheashire chiki, Kamui pirika shongo koitak-nu shomoki utara okesehe anak ne nekon a ambe ne kusu ne ya?

Ekambakbe 2:18

Orowa, Tuateira kotan ta an karisia koro hauturumbe gusu ene nuye yan; Abe nui nepkoro an shiki koro, aturu-sakte shiuninkani nei no an kemaha koro Kamui Poho ene itak-hi:—

Ekambakbe 2:25

Yakka, echi koro wa an ambe Ku ek pakno shiyuppa no shikkashima yan.

Ekambakbe 2:26

Orowa, annokara ki wa okake an pakno Ku ikip shikkashima guru otta, shinuma otta moshiri uirup ok kashita mondum Ku kore kusu ne: aige,

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.