Hebraios 3:1 - Ashiri Aeuitaknup Iyohaichish Yona 1897

¹ Tata otta ashkanne iriwak utara, kando orowa no ahotuyepakara utara, chi eishokoro ash okaibe nei

Hebraios 3:1 ပူးပေါင်းရင်းမြစ်များ

Iyohaichish 110:4

Ehoba shiyuppa ekambakte wa eyaikokatpak shomoki, Aokai anak ne Merukisedek korachi Otusashuishiri pakno Kamui otta yaishieiwangere guru ne.

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Yoannes 20:21

Orowa, shui nei utara otta Yesu ene itak-hi :— Echi otta itomo anro; Michi anak ne En omande korachi, Kuani echi payere ash ruwe ne, sekoro itak.

Yoannes 20:27

Echi otta itomo anro, ani itak. Orowa, Tomas otta Shinuma ene itak-hi :— Eteun e koro ashikipet turi wa Ku teke ingara; e koro teke turi wa Ku ut otta omare yan; orowa, iteki eishokor-i sak no an, eishokoro yan, ani itak.

Apostoro ikip oma kambi 1:15

Orowa, nei toho ta Petros anak ne iriwak utara tumugeta ash wa ene itak-hi (nei ita inne utara uwekarapa wa okai, iwan hotne niu pakno ehange ruwe ne) :—

Roma 11:17

awehe ne yakka ne ruwe ne na. Koroka, okai sereke awehe okayepa hine, aige, nupuri ta an kanran chikuni ne aokai anak ne nei uturuta aukonishishkere wa tura no nei kanran gusu an shinrit oma mimi echi koro yakun;

Roma 15:27

ruwe un, tambe anak nei utara pirika irenga ne; aige, nei utara ashosere utara ne ruwe ne. Inambe gusu ne yakun, Oya un utara anak ne tura no nei utara koro kuni ramat gusu an okaibe akore utara ne akan nisa yakun, itasa netobake gusu an okaibe shinuma utara gusu ka eiwangere kuni utara ne ruwe ne na.

Roma 15:8

Inambe gusu ne yakun, ene ku ye-hi :— Kamui son-i gusu Kiristo anak ne Okarituye-buri gusu aeyaisbieiwangerep ne akara,

Roma 9:24

Ouse Yudea an utara wano patek shomo ne, koroka, Oya un utara wano ne yakka Shinuma nishuk utara, chi utara kata yakka koro nupeki oma oteknu ambe eramande kuni gusu ne chiki, nekon a?

I Korintos 1:2

Kiristo Yesu otta aashkannere, ashkanne utara ne kuni gusu anishuk, inan ita ne yakka nei utara newa chikoro Utarapa ne Yesu Kiristo konishuk utara orun:

I Korintos 10:17

Chi utara inne a yakka, shine pantak ne, shine netobake ne ruwe ne: inambe gusu ne yakun, chi utara obitta shine pantak eimek wa ibe ruwe ne gusu ne na.

I Korintos 9:23

Orowa, pirika shongo gusu nep ne yakka ku ki, nei ambe uweukouk kuni gusu ne na.

II Korintos 1:7

echi utara gusu chi iki chipachipa ambe anak ne tumashnu ne; echi utara utura aeyairamchuptekka an korachi aomaoma kusu ne sekorʼambe eraman ruwe ne gusu ne na.

II Korintos 9:13

nei utara anak ne tap an aeyaishieiwangere-hi uwande ankushkerai, Kiristo koro Pirika shongo gusu an eyaipushi-hi ekoitaknu ambe gusu hemhem, nei utara otta ne yakka obitta no okai utara otta ne yakka nuye an no tura no echi ikichi gusu hemhem Kamui koiramye shiriki okai an ruwe ne;

Epesos 3:6

Oya utara anak ne pirika shongo gusu uko eikeshkoro utara ne, ukotura shine netobake un awehe ne, Kiristo Yesu koro eitakamkire ambe uko-uina utara ne ruwe ne;

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 4:4

Echi utara poka atak wa okai wa nei atak ambe gusu shine chipachipap an korachi, shine netobake, shine Ramat an;

Piripoi 3:14

aige, Kiristo Yesu oshiketa Kamui rik oro atak kuni aoshkorobe ari an oshikpekarep orun ku keshke ruwe ne.

Korosai 1:12

orowa, pekere otta okai ashkanne utara tura aeikeshkoro kuni an ambe chi uina kuni ne un kopakeatte Michi otta koyaiiraige ki;

Korosai 1:22

Shinuma kotchaketa ashkanne newa turu-sak newa wen-buri sak no echi roshkire kuni ne, tane, Shinuma rai arabe koro kara netobake oshiketa irenga usaraye nisa ruwe ne:

Korosai 3:12

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

II Tessaronike 1:11

Chikoro Kamui anak ne gusu echi anishuk ambe epeka oupak no an utara echi ne hunak sanniyo hine kiroro ani obitta no okai pirikap kon-rusuibe newa eishokor-i iki ikip uweomare kuni ne, ramma-kane echi utara gusu chi utara ne yakka inonno-itak ash ruwe ne;

II Tessaronike 2:14

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

I Timoteos 6:12

ramushiroma ambe keseamba yan. Eishokor-i gusu an pirika tumi iki yan, otusashuishiri pakno an inotu shikkashima yan, nei ambe gusu e nishuk an okere, samata, inne utara shik-samata pirika paweteshu ambe e ki nisa ruwe ne.

I Timoteos 6:2

Orowa, eishokor-i atte nishpa utara koro utara anak ne, iteki nei utara pange yak pirika, iriwak utara ne ruwe ne gusu ne na; torota, makangane otta yaishieiwangere yak pirika, inambe gusu ne yakun, nei pirika ikip koro utara anak ne eishokoro utara ne, omap ki utara ne ruwe ne. Tap okaibe epakashnu wa onishnishi yan.

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

II Timoteos 2:7

Ku ye itak esanniyo yan; nep ne yakka gusu Utarapa anak ne e eramande kusu ne gusu ne na.

Hebraios 10:19

Tambe gusu, iriwak utara, Yesu koro kem ani, chi utara gusu akara ashiri shiknu an ru kari,

Hebraios 10:21

samata, Kamui kora kenru esapane pase Kamui otta yaishieiwangere guru an gusu,

Hebraios 10:23

chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

Hebraios 13:22

Koroka, iriwak utara, onishnishi an itak echi inu kuni echi onishnishi ash na: moyo no an itak ani echi orun ku nuye nisa ruwe ne gusu ne na.

Hebraios 2:11

Inambe gusu ne yakun, aturu-sakte shiriki utara newa turu-saktep anak ne obitta shinep orowa no an ambe ne: tambe gusu. Shinuma anak ne nei utara iriwak

Hebraios 2:17

Tambe gusu, Shinuma anak ne nep ne yakka gusu koro iriwak utara nei no akara kuni oupakbe ne; tambe anak Shinuma utara koro katpak gusu imommuye kara kuni ne erampokiwen wa kore ikipniukesh Kamui korope gusu yaisbieiwangere esapane guru ne kuni gusu an ambe ne ruwe ne.

Hebraios 3:12

Iriwak utara, ikineipeka nenka echi tumugeta an guru anak eishokor-i sak wen keutum koro bine ika ishu Kamui wano eyaishishire kuni ne yaitubare yan: koroka,

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

Hebraios 6:20

Yesu anak ne Merukizedek ikiri nei no an korachi otusashuishiri pakno an Kamui otta yaishieiwangere iyotta pase guru ne akara wa chi utara gusu nei oshike un ahun nisa ruwe ne na.

Hebraios 7:26

Inambe gusu ne yakun, nei no an, ashkanne, wen-buri isam, turu-sak, chikokatpak utara wano shinnai no aande wa kando kasu no eetasa ri no akara Kamui otta yaishieiwangere iyotta pase guru un gusu aatte ruwe ne;

Hebraios 7:28

Tuitak anak ne katchak wa okai utara ani Kamui otta yaishieiwangere iyotta pase utara ne atte; koroka, tuitak okake an shiyuppa no ye itak anak ne ramma pakno aeramushinne an Poho atte ruwe ne.

Hebraios 9:11

Koroka, Kiristo anak ne hetuku kusu ne pirikap gusu Kamui otta yaishieiwangere utara Esapanep ne hine, kasu no poro naa aeramushinne an kash ani, teke ani shomo akara, shomo tan moshitʼta akara kash,

Hebraios 9:15

Orowa, tambe gusu, Shinuma anak ne ashiri aeuitaknup gusu an eikotchane guru ne ruwe ne; atpake an aeuitaknup an ita hetuku katpak kikiraye kuni rai ambe an gusu, anishuk wa okai utara shashuishiri pakno an eitakamkirep eikeshkore kuni gusu ne na.

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

I Petros 3:5

Inambe gusu ne yakun, tap korachi fushkotoi ta okai Kamui gusu chipachipa ashkanne shiwentep utara anak ne yaikota koro hoku otta ko-itaknu wa yaitomte kan nisa ruwe ne:

I Petros 5:1

Tura no iki ekashi, samata, Kiristo iki yairamshitnere-hi gusu paweteshu ki, samata anukara kusu ne nupeki ne yakka tura no koro guru ku ne anak ne, tambe gusu,

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

I Yoannes 1:3

chi nukarabe hemhem, chi nup hemhem echi otta ne yakka nure ash; echi utara ne yakka un tura no shine-ikinne okai kuni gusu ne na: ruwe newa, chi utara anak ne Michi tura hemhem, Michi koro poho Yesu Kiristo tura hemhem shine-ikinne okai ruwe ne:

Youdas 1:1

Yesu Kiristo koro usshiune guru ne Yakob koro iriwak Youdas anak ne, ahotuyekara wa okai, Michi ne Kamui otta aomap, Yesu Kiristo gusu ashikkashima wa okai utara otta kambi omande na:

Ekambakbe 17:14

Tan utara anak ne nei Pon-hitsuji chikoikip epeka tumi-koro kusu ne, aige, Pon-hitsuji chikoikip anak nei utara anrapokikara wa annokara kusu ne, Shinuma anak ne Utarapa utara koro Utarapa ne, moshiri shikkashima utara koro Moshiri Shikkashima Kamui ne ruwe ne gusu ne na; orowa, Shinuma tura no okai utara anak ne anishuk wa an, anumge an, ikipniukesh utara ne ruwe ne.

Ekambakbe 18:20

Kando ne Aokai hemhem, ashkanne utara ne echi utara hemhem, Apostoro utara ne echi utara hemhem, uweingara utara ne echi utara hemhem shinuma okkeukashi nupetne yan; inambe gusu ne yakka aokai utara gusu an esanniyo ambe Kamui esanniyo nisa ruwe ne gusu ne na.