Hebraios 2:9 - Ashiri Aeuitaknup Iyohaichish Yona 1897

⁹ Koroka, Kamui irenga ankushkeraipo pishno pishno okai ainu shirihine hauturumbe kasu no pon no pokashnu no akara hine rai ambe sapke wa, rai-i oma aeyairamshitnere ambe gusu araguru newa aeoripakbe ani sapa aunure Yesu chi nukara ash ruwe ne.

Hebraios 2:9 ပူးပေါင်းရင်းမြစ်များ

Mattaios 16:28

Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.

Mattaios 6:28

Hemanda gusu echi rai kunip enishomap ya? Nupuri kata an nonno nekon ne wa hetuku ya, sekoro esanniyo yan:

Markos 9:1

Orowa, orota Shinuma ene itak-hi :— Son no echi otta Ku ye, tan okai utara tumugeta teda roshki wa okai utara anak ne Kamui moshiri auak ne kiroro ani ek shiri nukara pakno oara rai ambe sapke' katap shomoki kusu ne na, sekoro itak.

Roukos 9:27

Son no newa, echi otta Ku ye; — Kamui moshiri shomo nukara pakno rai-i sapke shomoki utara tane teda ash wa okai ruwe ne, ari itak.

Yoannes 1:29

Nei shimge toho ta orota Yesu ek-i shinuma nukara, awa, ene itak-hi :— Ingarʼan, Moshiri katpak sei Kamui Pon-hitsuji!

Yoannes 10:17

Tambe gusu, Ku Michi anak ne En omap ruwe ne, shui nei ambe ku uk kuni gusu ku ande ruwe ne gusu ne.

Yoannes 12:32

Orowa, Kuani anak ne shiri wano a en ayange yakun, yaikota orun ingi-utara Ku nimba kusu ne na, ari itak.

Yoannes 3:16

Inambe gusu ne yakun, Kamui anak ne koro Shinen ne Poho koropare pakno moshiri omap ruwe ne, nen ne yakka nei Poho eishokoro guru obitta aisamka shomoki no nei pakno ne yakka ishu ramat koro kuni ne kore nisa ruwe ne.

Yoannes 8:51

Son no, son no, echi otta Ku ye, Ainu anak ne Ku ye itak shikkashima yakun, ramma pakno rai-i shomo nukara kusu ne na.

Yoannes 8:52

Orota Yudea un utara ene itak-hi :— Eani anak ne nitne kamui, ituren wa an sekoro tane chi eraman, Abraham hemhem uweingara utara hemhem rai wa isam; orowa, Ainu anak ne Ku ye itak shikkashima yakun, ramma pakno rai-i sapke shomoki, sekoro Eani itak.

Apostoro ikip oma kambi 2:33

Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.

Apostoro ikip oma kambi 3:13

Echi utara ekoshi wa Pirato anak ne Shinuma honnere kusu ne sekoro esanniyo ita, nei kotchaketa echi eshikeshke okere, Abraham newa Isaak newa Yakob koro Kamui, chikoro ekashi koro Kamui anak ne koro poho ne Yesu nupekte nisa ruwe ne.

Roma 5:18

Tambe gusu, shine ohaitap ankushkerai obitta no okai utara akokatpakte korachi, tambe nei no shine aoupekarep ankushkerai obitta no okai utara ashiknure gusu aoupekare ruwe ne.

Roma 5:8

Koroka, chi utara anak ne katpak koro utara ne wa okai rapoketa Kiristo un gusu rai nisa ruwe ne a ambe ani Kamui un epeka no sange omap ambe ashte nisa ruwe ne.

Roma 8:3

Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

Roma 8:32

Yaikota koro Poho shihopinupka shomoki, koroka, un gusu Shinuma ekoshi gurʼanak ne, nekon a iki wa Shinuma tura oro-isam no obitta no okaibe un koropare ne yakka shomoki ruwe he an?

II Korintos 5:15

awa, shiknu wa okai utara anak ne tewa no yaikota gusu ishu shomoki, koroka, nei utara kotchane rai wa hetopo-shiknu guru gusu ishu kuni ne Shinuma anak obitta no okai utara kotchane rai nisa ruwe ne.

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

Garatea 4:4

Kamui anak ne koro Poho sange; Shinuma shiwentep orowa no hekatu, tuitak otta hekatu;

I Timoteos 2:6

Kiristo Yesu ne, Shinuma anak ne obitta no okai utara kikiraye gusu yaikota yaiyange nisa ruwe ne; aige, yaikota koro pakihi ta aepaweteshu an ambe ne na;

Hebraios 1:9

Tambe gusu, Kamui anak ne, E koro Kamui anak e koro utara akkari wa Yaikopuntek oma shum ani E kashiota nisa ruwe ne na.

Hebraios 10:5

Tambe gusu, Shinuma moshiri otta ahun ita, ene itak-hi; — Ayange kunip newa aikrap shomo e kon rusui, Koroka, en gusu netobake E etoko-oiki nisa ruwe ne;

Hebraios 11:5

Eishokor-i an gusu Enok anak ne rai ambe shomo nukara kuni ne eishokor-i gusu auk nisa; awa, shinuma shomo anukara, Kamui shinuma uk nisa ruwe ne gusu ne na: inambe gusu ne yakun, shinuma auk etokota, Kamui aenupetne ruwe ne sekorʼan paweteshu ambe an ruwe ne gusu ne na:

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

Hebraios 2:7

Aokai ouse pon no patek hauturumbe kasu no shinuma pokashnure, Aige, araguru newa nupeki ani sapa unure ruwe ne, Orowa E teke ani akarape nei guru esapanere:

Hebraios 7:25

Tambe gusu, Shinuma anak ne utara gusu koramkoro kuni ne ramma ishu shiriki, aine, Shinuma kari Kamui koehange no araki utara earikinne kaobiuki eashkai ruwe ne na.

Hebraios 8:3

Inambe gusu ne yatun, Kamui otta yaishieiwangere obitta no okai iyotta pase guru anak ne akorep newa ayangep yange kuni aatte ruwe ne; tambe gusu, Kamui otta yaishieiwangere tan guru ne yakka nep ka yange kunip koro kuni ambe ne.

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Yoannes 2:2

Shinuma anak ne chikoro katpak gusu an imommuyep ne ruwe ne; ouse chikoro katpak gusu patek shomo ne, koroka, ingi-nroshiri gusu an ap gusu ne yakka ne ruwe ne na.

Ekambakbe 19:12

Shinuma koro shikihi anak ne abe-nui nepkorʼambe ne, koro sapa kata inne inaoru aunu; samata, yaikota moshima nen nen ne yakka erampeutek anuye reihei kon ruwe ne.

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,