Hebraios 2:3 - Ashiri Aeuitaknup Iyohaichish Yona 1897

³ ene poro kashiobiuki-hi ikorampoktuye chiki, nekon a ahonnere ash kusu ne ya? Nei ambe anak ne atpaketa Utarapa orowa no aye, awa, nei ambe nu utara ani un orun sonnere nisa ruwe ne;

Hebraios 2:3 ပူးပေါင်းရင်းမြစ်များ

Mattaios 23:33

Okotko utara, paskuru tokkoni koro sanike ne echi utara, Gehenna oma aesanniyop nekon a echi ehaita kusu ne ya?

Mattaios 4:17

Tande oro Yesu upaskuma ki kuni heashi wa ene itak-hi :— Echi yaikokatpak yan; kando moshiri ehange no an ruwe ne gusu ne na, ani itak.

Markos 1:14

Yoannes aekoshi okaketa Yesu anak ne Gariraya moshiri orota ek, aige, Kamui pirika shongo eupaskuma wa ene itak-hi :—

Roukos 1:2

inne utara nei orushpe ene ene koracki nuye kuni yainu wa kambi nuye nisa ruwe ne gusu,

Roukos 1:69

Koro poho Dabid ikiri tumugeta Un kashiobiuki Kirau chi utara gusu hopunire uisa ruwe ne.

Roukos 24:19

Orota, Shinuma anak ne, nep orushpe ne ya, ani itak. Orota nei utara ene itak-hi :— Kamui tek samata hemhem, obitta no okai utara tek samata hera hera, itak otta hene, ki okaibe otta hene eashkai uweingara guru ne, Nazaret un Yesu gusu an orushpe ne ruwe ne:

Yoannes 15:27

orowa, echi utara ne yakka atpake wano En tura no okai nisa ruwe ne gusu, paweteshu echi ki kusu ne na.

Apostoro ikip oma kambi 1:22

no an teda okai utara otta shinen anak ne Shinuma hetepo-a-shiknure ambe gusu un tura paweteshu ki kuni kusu ne na, sekoro itak.

Apostoro ikip oma kambi 2:22

Israeru un echi utara tap an itak nu wa ikore yan: Echi utara yaikota echi eraman korachi, ari Kamui anak ne echi tumugeta iki ari Kamui sonnere kiroro an ikip newa iyokunnurep newa shiroshi newa kara Nazaret un Yesu anak ne;

Apostoro ikip oma kambi 4:12

Shinuma gusu shomoki yakun kashiobiuki ambe isam ruwe ne: inambe gusu ne yakun, kando choropoketa utara tumta akore nei reihei moshima un kashiobiuki kuni reihei isam ruwe ne gusu ne na.

Roma 11:14

nei uni poka, nekon a ka kam gusu ku iri utara aeyaitunnapte hine sereke utara kashiobiuki kuni gusu ne na.

Roma 2:3

Shui, tap okaibe ki utara koipishi, aine, yaikota nei ambe ki ainu aokai anak ne Kamui koipishi-hi eyaishishire kusu ne sekoro e esanniyo ya?

I Korintos 1:21

Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

I Tessaronike 5:3

Itomo an, aeyaikikipbe isam, sekoro nei utara ye ita anak, nei ita po shikore shiwentep gusu ikoni an korachi, ekushkonna nei utara epeka isamka ambe hetuku kusu ne, aige, oara nei utara yaiohaitare shomoki kusu ne na.

I Timoteos 1:15

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

Titus 2:11

Inambe gusu ne yakun, Kamui irenga hetuku an wa obitta no okai utara eun kashichiobiuki ambe kore ruwe ne,

Hebraios 1:1

Fushkotoita poron no ausarayep newa usa okai katuhu ari, uweingarape ani ekashi otta itak ye Kamui anak ne,

Hebraios 1:14

Nei okaibe anak ne kashichiobiuki ambe eikeshkoro kushki utara rengap gusu auitek kuni ne aomande yaishieiwangere ramat shomo ne ruwe he an?

Hebraios 1:2

tan okese an toho ta obitta no okaibe eikeshkore kuni gusu atte, ani moshirʼebitta ne yakka kara poho teshkara wa un orota itak sange nisa ruwe ne;

Hebraios 12:25

Itak sange shiriki an guru iteki ekatupase kuni ne yaitubare yan. Inambe gusu ne yakun, moshiri kata an wa nei utara anak ne epakashnu guru ekatupase chiki shomo aohaitare yakun, naa eitasa no chi utara anak kando wano un epakashnu guru eyaishishire chiki shomo yaiohaitare ruwe ne:

Hebraios 4:1

Tambe gusu, ikineipeka Shinuma koro shini-i otta chi ahup ash kuni gusu an aeitakamkirep ahoppa wa, nei ambe epa kuni shomo nep ne echi anukara an sekorobe ishitoma anro.

Hebraios 4:11

Tambe gusu, inan guru ne yakka iteki nei no an itakkashi ambe koikara wa hachiri kuni gusu, nei a shini-i otta ahup ash kuni ne shiarikiki no iki anro.

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

I Yoannes 1:1

Atpake wano an, chi utara nu, shikihi ani chi nukara, ingara wa koro teke ani chi tomooshma inotu an Itak gusu an ap;

Youdas 1:17

Koroka, aomap an echi utara, chikoro Utarapa ne Yesu Kiristo koro Apostoro utara ye okere itak eshkarun yan;

Ekambakbe 7:10

orowa, nei utara poro hawe ashte wa ene itak-hi :— Nei amset kata rok chikoro Kamui otta hemhem, Pon-hitsuji otta hemhem kashiobiuki ambe an na, ari itak.