Hebraios 13:4 - Ashiri Aeuitaknup Iyohaichish Yona 1897

⁴ Obitta no okai utara tumuta umurek guru nei-hi hemhem, akoatcha shomoki shotki hemhem kooripak yan: inambe gusu ne yakun, Kamui anak ne hoiyo utara newa omoinu koro utara koipishi kusu ne gusu ne na.

Hebraios 13:4 ပူးပေါင်းရင်းမြစ်များ

I Korintos 5:13

Aige, Kamui anak ne soita okai utara koipishi ruwe ne. Echi tumuge wano nei wen guru emaka wa en kore yan.

I Korintos 6:18

Hoiyo wano shaot yan. Ainu iki obitta no okai chikokatpak auak ne netobake soige an; koroka, hoiyo ki guru anak ne yaikota kon netobake epeka chikokatpak ki ruwe ne.

I Korintos 6:9

Samata, oupeka sak utara Kamui moshiri shomo eikeshkoro kusu ne ambe echi erampeutek ruwe he an? Iteki yaikokandama yan: hoiyo utara hene, potoki ko-ongami utara hene, omoinu ikichi utara hene, kuroma buri ki utara hene, okkai turu wen-buri iki utara hene,

I Korintos 7:38

Tambe gusu, aahupkara kuni gusu koro matnep kore gurʼanak ne pirikap ki; orowa, aahupkara kuni ne shomo kore gurʼanak ne naa kasu no pirikap ki ruwe ne na.

I Korintos 9:5

Samata, moshima okai apostoro utara iki korachi, Utarapa koro iriwak utara iki korachi, shui Kepas iki korachi eishokoro wa okai machihi ekeshne ani wa apkash kuni rengaine an mondum shomo chikon ruwe he an?

II Korintos 5:10

Inambe gusu ne yakun, chi utara anak ne netobake ani chi kichi okaibe gusu, pirikap hene wenbe hene, nei okaibe gusu a un koropare kunip uina kuni ne, pishno pishno Kiristo koro koipishi gusu an amset kotchaketa anukara kusu ne gusu ne na.

Garatea 5:19

Kain gusu iki ikip anak ne anukara wa an ruwe ne; aige, tapne an ruwe ne:— Hoiyop hene, ichakkere ambe hene, ramupelcerep hene, potoki ko ongami ambe hene,

Garatea 5:21

iku-sakayo hene, nei no okaibe anak kam gusu iki ikip ne ruwe ne: tap okaibe gusu etokota echi nure ash korachi, irammakaka echi nure na, nei okaibe iki utara anak ne Kamui moshiri eikeshkore shomoki kusu ne na.

Epesos 5:5

Echi utara pirika no tambe uonnere na, hoiyo ki guru hene, ichakkere guru hene, yaikoshipuinere ki guru hene, potoki ko-ongami guru hene, Kiristo newa Kamui moshiri oara eikeshkoro shomoki ruwe ne gusu ne na.

I Tessaronike 4:6

inan guru ne yakka tap ambe otta iteki eikaunu ki hine koro iriwak ika kokandama na: inambe gusu ne yakun, chi utara teeda anu no chi ye wa nure ash korachi, tap okaibe gusu Utarapa anak ikemnu ki ambe ne ruwe ne gusu ne na.

I Timoteos 3:12

Diakonos utara anak ne ouse shine mat koro wa irammakaka yaikota koro uni newa poho utara epungine.

I Timoteos 3:2

Tambe gusu episkopos anak ne aekot kuni ushike sak, ouse shine mat koro, yairamatte wayashnu keutum koro, irammakaka an, ikateomare ki, epakashnu eashkai, shomo iku-sakayo ki,

I Timoteos 3:4

pirika no yaikota kot chisei epungine hine nep yaikatanu ambe tura koro poho itaknure;

I Timoteos 4:3

nei utara matakore ambe hattoki hemhem ki, sonep eishokoro wa eraman utara iyaiiraige koro auina kuni Kamui kara aep gusu shomo ramnu ki ambe kashpaotte hemhem ki ruwe ne.

I Timoteos 5:14

Tambe gusu, upen shiwentep utara anak ne hoku koro wa poho shikore, orowa, epokba guru oitakushi gusu an ika shomo kore hine koro uni shikkashima kuni ku kon rusui ruwe ne;

Titus 1:6

nenka wen-buri sak, shine mat koro, rurisama eyanasapbe shomo ne, itakkashi shomo ne okai eishokor-i atte poho koro yakun.

Hebraios 12:16

orowa, hoiyo ki guru hene, yaikota koro kuni eikeshkorobe shine rai no an aep oro gusu ehok Esau nei no an shomo oripak an guru hene an ya isam ya ingara yan.

Ekambakbe 22:15

Soigeta anak seta okai, pon-itak ki utara okai, hoiyo utara okai, keuk utara okai, potoki-koongami utara okai, orowa, shunge omap wa shungep iki ambe koomap obitta no okai utara pishno an ruwe ne na.