Hebraios 13:1 - Ashiri Aeuitaknup Iyohaichish Yona 1897

¹ Iriwak utara koomap ambe ramma-kane an kuni ki yan.

Hebraios 13:1 ပူးပေါင်းရင်းမြစ်များ

Iyohaichish 133:1

INGARʼAN, shine keutum koro wa uiriwak utara oshiroma-hi anak ne, Nep pirika wa eramasure ambe humi!

Yoannes 15:17

Echi utara utashpa uweomap gusu, tap okaibe echi kashpaotte ash na.

Apostoro ikip oma kambi 2:1

Orowa, Pentekoste toho tane auweomare shiri an ita anak ne, nei utara obitta shineanda uwekarapa wa okai.

Apostoro ikip oma kambi 4:32

Orowa, eishokoro wa okai nei inne utara anak ne shine sambe shine keutura koro; aige, nen ne yakka koro wa an okaibe anak ne yaikota korobe ne ari shomo itak ruwe ne, koroka nep nep ne yakka utura ouse no kon nisa ruwe ne na.

Garatea 5:13

Iriwak utara, echi utara anak ne rengaine an nrondum akore kuni ne ahotuyekan nisa ruwe ne; awa, kam irenga gusu iteki nei a echi akore rengaine an nrondum eiwange yan, koroka, omap ki wa gusu uweutashpa uweyaiusshiunere yan.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Epesos 4:3

samata, itomo ari an kut ani akutkoro hine, shiarikiki no Ramat gusu an shinep ne ambe shikkashima hene echi ki kuni echi onishnishi ash na.

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

II Tessaronike 1:3

Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

Hebraios 10:24

orowa utashpa pirika ikip kire hemhem ki, omap hemhem kire kuni gusu uwe-esanniyo yanro;

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 2:17

Obitta no okai utara ko-oripak yan. Iriwak ne utara omap yan. Kamui koishitoma yan. Ahekote nishpa ko-oripak yan.

I Petros 3:8

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,

I Petros 4:8

makangane ara uweomap ki yan; inambe gusu ne yakun, onrap ambe anak ne uwatte no okai katpak

II Petros 1:7

orowa, Kamui ko-oripak ambe otta iriwak utara kokatairotke ambe iyo; orowa iriwak utara katairotke ambe otta omap ambe iyo yan.

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 4:20

Koro iriwak etunne wa Kamui ku omap ari ye guru an chiki anak ne, shunge itak ki gunʼne: inambe gusu ne yakun, nukara a-hi iriwak shomo ko-omap chiki, shomo nukara Kamui omap eaikap ruwe ne gusu ne na.

Ekambakbe 2:4

Koroka, aokai anak ne atpaketa e iki omap ambe eyaikoemaka gusu, e eiyonnuppa kunip an ruwe ne na.