Hebraios 12:3 - Ashiri Aeuitaknup Iyohaichish Yona 1897

³ Echi utara anak ne iteki echi keutum ta ramu-rai hine echi shingi kuni ne, yaikota gusu chikokatpak utara iki ene upaure ambe eyaishiporore guru esanniyo yan.

Hebraios 12:3 ပူးပေါင်းရင်းမြစ်များ

Mattaios 11:19

Ainu Poho anak ne ibe hemhem ki iku hemhem ki koro ek, awa, ingara, ibe rui tonoto iku rui ainu, chikokatpak utara newa yaku etaye koro katairotke guru ne — ari utara ye ruwe ne. Wayashnu ambe anak ne yaikota ki ambe gusu oupeka no aattere ruwe ne.

Mattaios 12:24

Koroka, Parisee un utara nei ambe nu, aige, ene itak-hi :— Tan guru anak ne ouse Beeruzeboru ani aporose nitne kamui esapanep ani nitnep soyumbare ruwe ne, ari itak.

Mattaios 15:2

Hemanda gusu E koro koikara utara anak ne ekashi oina ohaita ruwe he an? Inambe gusu ne yakun, ibe etokota shomo tekehe furaye ruwe ne gusu ne na, sekoro itak.

Mattaios 21:23

Orowa, Shinuma Kamui kora kenru orun ahun chiki nei kenru esapane utara hemhem utara koro ekashi utara hemhem Shinuma epakashnu wa an rapoketa orota araki wa ene itak-hi :— Nep mondum e koro gusu tap okaibe e iki ya? Tan mondum e kore guru nen ne ruwe he an? ari itak.

Mattaios 21:46

Orowa, Shinuma kishima kuni hunara chiki, inne utara koishitoma ruwe ne, inambe gusu ne yakun, Shinuma anak ne uweingara guru ne sekoro esanniyo nisa ruwe ne na.

Mattaios 22:15

Orowa no Parisee un utara paye wa Shinuma ye itak ani oitaksakte kuni eukoramkon nisa ruwe ne.

Roukos 14:1

Orowa, Shinuma anak ne Shini toho ta aep ibe gusu Parisee un utara koro shine esapane guru kot chisei ta an, awa, utara anak Shinuma orun oshit-kurukote nisa ruwe ne.

Roukos 15:2

Awa, Parisee un utara newa kambi-nuye utara newa oromam wa ene itak-hi :— Tan guru anak ne chikokatpak utara tura wa ukoiram no ibe ruwe ne, sekoro itak.

Roukos 16:14

Orowa, ichen omap Parisee un utara anak ne obitta no okai tap orushpe nu, awa, Shinuma emina esapse nisa ruwe ne.

Roukos 2:34

Simeon nei utara nunuke, orowa, koro habo Maria otta ene itak-hi :— Ingarʼan, tan aiai anak ne Israeru un inne utara hachiripa hemhem ki hopumba hemhem ki, samata, gusu sempirike-oitak shirosh ne kuni ne aande ruwe ne;

Roukos 5:21

Tata otta, Parisee un utara newa kambi-nuye utara upaore heashi wa ene itak-hi :— Tan Kamui koatchap ye guru nen ne ya? Kamui moshima anak chikokatpak tusare eashkaibe inan guru ne ruwe he an? ani itak.

Yoannes 10:20

Shinuma anak ne nitne kamui shikatkare wa chiitasare an; Nep gusu Shinuma otta echi nu ya? ani an itak ani inne utara ye ruwe ne.

Yoannes 18:22

Orowa, Shinuma tan okaibe ye okere chiki; samaketa ash wa an shine uitek guru anak ne kuwa ani Yesu shirikik hine ene itak-hi :— Nei no Eani Kamui kora kenru iyotta esapane guru ko-ese ya?

Yoannes 5:16

Aige, tan ikkewe gusu, Shini toho ta tap okaibe kara gusu, Yudea un utara Yesu keshke shiri an nisa ruwe ne.

Yoannes 7:12

Awa, inne utara tumugeta Shinuma gusu poron no oromam an ruwe ne: Shinuma pirika guru ne, ani ye utara okai, shomo, inne utara shiren ruwe ne, ani ye utara okai.

Yoannes 8:13

Tambe gusu, Shinuma otta Parisee un utara ene itak-hi :— Eani anak ne yaikota gusu paweteshu ki; E ki paweteshu ambe anak son no ambe shomo ne, ari itak.

Yoannes 8:52

Orota Yudea un utara ene itak-hi :— Eani anak ne nitne kamui, ituren wa an sekoro tane chi eraman, Abraham hemhem uweingara utara hemhem rai wa isam; orowa, Ainu anak ne Ku ye itak shikkashima yakun, ramma pakno rai-i sapke shomoki, sekoro Eani itak.

Yoannes 8:59

Okai utara anak ne tambe gusu Shinuma-ko-piyekara gusu shuma uina nisa ruwe ne: koroka, Yesu anuina wa an wa Kamui kora kenru orowa no soine nisa ruwe ne na.

Yoannes 9:40

Tura no okai Parisee un utara tap okai itak nu wa Shinuma otta, Chi utara ne yakka shiknakbe ne ruwe he an?

I Korintos 15:58

Tambe gusu, ku omap an iriwak ne utara, kiroro atte wa moimoyege shomoki no okai yan, ramma Utarapa gusu ki kuni ikip kara yan; Utarapa gusu ki kuni ikip shomo raka-sakbe ne sekoro ku eraman ruwe ne gusu ne na.

II Korintos 4:1

Tambe gusu, chi utara anak ne tan yaishieiwangere gusu an kunip koro wa okai gusu, aerampokiwen wa akore korachi shomo ramurai ruwe ne:

II Korintos 4:16

Tambe gusu chi utara shomo ramu-rai; koroka, chikoro soige an ainu anak ne munin koran a yakka, onnaigeta an ainu anak ne to pishno ashirikara an ruwe ne.

Garatea 6:9

Orowa, pirikap iki gusu iteki yaishingere; inambe gusu ne yakun, ramurai shomoki chiki, paha epa ita nanke kusu ne gusu ne na.

II Tessaronike 3:13

Koroka, echi utara gusu anak, iriwak utara, pirikap iki gusu iteki shingi yan.

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

Hebraios 12:5

samata, poho utara tura eukoyupekere korachi echi tura iki onishnishi ambe echi oira okere :— Ku poho, Utarapa sange shirikik ambe iteki isaika no esanniyo yan, Shui, Shinuma orowa no apakashnu chiki iteki ramurai yan;

Hebraios 3:1

Tata otta ashkanne iriwak utara, kando orowa no ahotuyepakara utara, chi eishokoro ash okaibe nei

I Petros 2:23

Shinuma, aiyoitakushi ita, shomo tasa oitakushi ki; ayairamshitnere ita kosakayokara shomoki; koroka, oupeka no koipishi guru otta yaikoropare nisa ruwe ne:

Ekambakbe 2:3

aige, eani yaiyupupu an wa Ku reihei gusu yaishiporore hine shomo tumutui ruwe ne.