Hebraios 12:2 - Ashiri Aeuitaknup Iyohaichish Yona 1897

² aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

Hebraios 12:2 ပူးပေါင်းရင်းမြစ်များ

Iyohaichish 110:1

EHOBA anak ne ku goro Utarapa otta ene itak-hi:— E epokba utara ani e chikiri andep ne ku kara pakno, Ku shimon tek-samata a yan, ari itak.

Iyohaichish 138:8

En gusu an orushpe anak ne Ehoba okere kusu ne: Aa Ehoba, E koro rampoken otusashuishiri pakno an; Yaikota E teke ki ikip iteki emaka wa en kore.

Mattaios 16:21

Nei i orowa no Yesu anak ne Yerusarem kotan orota oman wa ekashi orowa no hemhem Kamui kora kenru esapane utara orowa no hemhem, kambi-nuye utara orowa no hemhem inne okaibe gusu ramuashitnere, aige, araige hine rere-ko an ita hetopo-a-shiknure kusu ne ari an ambe koro koikara utara otta epakashnu heashi nisa ruwe ne.

Mattaios 20:28

tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.

Markos 14:36

Awa, ene itak-hi :— Abba, Michihi, Aokai ki eaikapbe nep ne yakka isama: tan itangi En orowa no uk wa En kore; koroka, Ku rengaine korachi shomo ne, E rengaine nei no ki wa En kore, ari itak.

Markos 15:28

guru shinen Shinuma shimon tek samata, shinen Shinuma hariki tek samata akungi kokikkik nisa ruwe ne.

Markos 16:19

Tambe gasu, Utarapa ne Yesu anak ne ntara otta itak okere chiki kando otta auk wa Karaui sbiiiion tek samata a nisa ruwe ne.

Markos 9:12

Orota, Shinuma ene itak-hi :— Son no ka un, Ericha hoshiki no ek wa nep ne yakka iki: orowa, Ainu Poho hemanda okaibe ani ayairamshitnere wa otta shomo yaikatanu aki katu chieshinnuye wa an a?

Markos 9:24

Nani nei michi anak ne hawe ashte wa, ku eishokon ruwe ne, ku eishokor-i sakbe kashiobiuki wa en kore.

Roukos 17:5

Orowa, Apostoro utara anak ne Utarapa otta ene itak-hi :— Chikoro eishokor-i naa porore wa

Roukos 23:11

Orowa, Herod anak ne tumi-koro utara tura Shinuma pange wa eoya-itak, orowa, chitomte mipihi mire wa Pirato otta hoshipire nisa ruwe ne.

Roukos 24:26

Kiristo anak ne tap okaibe gusu aeramushitnere wa nupeki otta ahun kuni gusu ne ap shomo ne ya? sekoro itak.

Yoannes 1:29

Nei shimge toho ta orota Yesu ek-i shinuma nukara, awa, ene itak-hi :— Ingarʼan, Moshiri katpak sei Kamui Pon-hitsuji!

Yoannes 12:24

Son no, son no, echi otta Ku ye, munge piye num anak ne toi tumu hachiri wa munin shomoki yakun, yaikota shinep ne a an ruwe ne; koroka, munin yak anak ne poron no ibehe o ruwe ne.

Yoannes 12:32

Orowa, Kuani anak ne shiri wano a en ayange yakun, yaikota orun ingi-utara Ku nimba kusu ne na, ari itak.

Yoannes 13:3

samata, koro tekehe otta Michi anak ne nep ne yakka koropare an, orowa, Shinuma Kamui orowa no ek hine Kamui orota oman sekoro eraman wa,

Yoannes 6:40

Inambe gusu ne yakun, Ku Michi irenga anak ne tapne ne; nen ne yakka Poho nukara wa eishokoro guru anak ne ramma okere shomoki inotu koro kunip ne; orowa, okese an toho ta Kuani anak ne shinuma hetopo Ku shiknure kusu ne na.

Yoannes 8:56

Echi koro michi Abraham anak ne Ku toho nukara kuni enupetne ruwe ne; orowa, shinuma nei toho nukara wa yaikopuntek nisa ruwe ne.

Apostoro ikip oma kambi 2:36

Israeru ikiri un utara obitta utura ashi shomoki no tambe uonnere yan, Kamui anak ne, tan echi utara utasa chikuni otta raige Yesu ani Utarapa newa Kiristo ne kan nisa ruwe ne na.

Apostoro ikip oma kambi 3:15

Kamui anak ne rai orowa no Shinuma hetopo-shiknure, aine, chi utara anak ne Shinuma gusu an paweteshu ki utara chi ne ruwe ne.

Apostoro ikip oma kambi 5:31

Shinuma anak ne Sapane guru newa kashiobiukip ne kuni ne koro shimon tek sam un Kamui riknare nisa; nei ambe anak ne Israeru un utara ayaikokatpakte wa koro chikokatpak atusare kuni ne aki ruwe ne. Awa, chi

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

I Korintos 1:18

Inambe gusu ne yakun, utasap gusu an itak anak ne aisamka korʼan utara gusu haita ambe ne; koroka, kashiaobiuki korʼan chi utara gusu anak Kamui koro kiroro ne ruwe ne.

I Korintos 1:23

koroka, chi utara anak ne utasa chikuni otta akungi-kokikkik Kiristo eupaskuma ash, tambe anak Yudea un utara gusu aureepetchiurep ne, orowa, Oya utara gusu aeramusambe ne ruwe ne;

Epesos 2:16

orowa shui, nei ambe ani nei uwe-epokba ambe araige wa, utasa chikuni gusu, nei tup shine netobake koro hine Kamui tura irenga aratchire kuni gusu an ambe ne ruwe ne;

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Piripoi 1:6

echi oshiketa pirika ikip heashire Kamui anak ne Yesu-Kiristo koro toho pakno nei ambe eramushinnere kusu ne a ambe,

Piripoi 3:20

Chikoro moshiri anak ne kando otta an; nei i wano Utarapa ne Yesu Kiristo ari aye kashiobiukip ek kuni poka chi ehuye wa okai ruwe ne:

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Hebraios 1:13

Koroka, koro hauturumbe utara tumugeta okai inambe orun hembarata ene ene ye ya? E epokba utara ani e chikiri andep ne ku kara pakno, Ku shimon tek-samata a yan.

Hebraios 1:3

Shinuma anak ne Kamui nupeki oma tomtep ne, Kamui katuhu oma son no nokaha ne, koro kiroro an itak ani obitta no okaibe nitatpa ruwe ne; Shinuma anak ne chikoro katpak gusu furaye ambe ki okere chiki, rik un pasep shimon samata a nisa ruwe ne;

Hebraios 10:14

Inambe gusu ne yakun, Shinuma anak ne shine ayange kunip ani aashkannere utara ramma pakno eramushinnere nisa ruwe ne na Orowa,

Hebraios 10:33

oattekeheta, aesapsep gusu ne yakka aeramchuptekbe gusu ne yakka aeiyoroingara utara ne akara; shui oattekeheta, nei no akara utara ukotura utara echi ne ruwe ne gusu ne na.

Hebraios 11:36

orowa, moshima okai utara anak ne auwande wa aeoyaitak hine akoshirikik an, ruwe ne wa, nei a moshima, atupetupe hemhem aki, ipakashnu chisei ta ahupte hemhem aki ruwe ne:

Hebraios 12:3

Echi utara anak ne iteki echi keutum ta ramu-rai hine echi shingi kuni ne, yaikota gusu chikokatpak utara iki ene upaure ambe eyaishiporore guru esanniyo yan.

Hebraios 13:13

Tambe gusu chi utara ne yakka Shinuma gusu an aesapse ambe sei wa kash-tai soigeta an Shinuma orun paye anro.

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

Hebraios 7:19

ikashpaotte anak ne aisamka an na (inambe gusu ne yakun, tuitak anak ne nep ne yakka eramushinnere eaikap), shui, gusu chi utara anak ne Kamui koehange hine nei kashita naa pirika no an chipachipa kunip aahunge ruwe ne.

Hebraios 8:1

Tane aye an orushpe ikkeu anak ne ene ani ne: Nei no an Kamui otta yaishieiwangere iyotta pase esapane guru un gusu an, aige, Shinuma anak kando oshiketa pasep koro am-set kata a,

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

Yakob 2:1

Ku iriwak utara, ainu yaikoramu ki wa gusu iteki chikoro Utarapa ne nupeki koro Yesu Kiristo gusu an eishokor-i shikkashima yan.

I Petros 1:11

etoko wano Kiristo ayairamshitnere ambe hene, okaketa an kusu ne nupeki ambe paweteshu ki ita nekon a paha epeka ruwe he an? nei utara chimchimi nisa ruwe ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

I Petros 3:22

Shinuma anak ne kando otta ahun wa Kamui shimon tek-samata an ruwe ne; orowa, Kamui hauturumbe hene, raondum korobe hene, kiroro umbe hene, Shinuma gusu akoitaknure an ruwe ne na.

Youdas 1:21

Kamui omap-i otta yaishikkashima, shiokere shomoki inotu gusu an chikoro Utarapa ne Yesu Kiristo koro rampoken etere hine, echi koro iyotta turu-sak an eiskokorope kata yaiashtere yan.

Ekambakbe 1:11

aige, ene itak-hi :— E nukarape kambi-sosh kata nuye hine nei arawan karisia orun omande yan; Epesos otta, Sumurna otta, Pergamos otta, Tuateira otta, Sardeis otta, Piradarpeia otta, Raodikeia otta omande yan.

Ekambakbe 1:17

Awa, Shinuma ku nukara chiki rai guru nepkoro an no koro chikiri samta ku hachiri nisa ruwe ne. Aige, Shinuma anak ne en kashiketa koro teke ande wa ene itak-hi :— Iteki ishitoma yan; Kuani anak ne atpake an ap ne, iyoshi no an ap ne,

Ekambakbe 1:8

Kuani anak ne, An wa an, an nisa, ek kusu ne, nep ne yakka ki eashkai, Arupa newa Omega Ku ne ruwe ne, sekoro, Utarapa ne Kamui ye ruwe ne.

Ekambakbe 2:8

Orowa, Sumurna kotan ta an Karisia koro hauturumbe gusu ene nuye yan;