Hebraios 12:10 - Ashiri Aeuitaknup Iyohaichish Yona 1897

¹⁰ Son no newa, nei utara kata rengaine irukai un pakashnu, koroka, Shinuma anak un pirikare gusu, Shinuma koro oupeka ambe a un koropare kuni gusu un orun iki nisa ruwe ne na.

Hebraios 12:10 ပူးပေါင်းရင်းမြစ်များ

Iyohaichish 119:75

Aa Ehoba, E koro aesanniyo-hi anak ne oupekap ne sekoro ku eraman,

Iyohaichish 17:15

Kuani anak ne oupeka wa E nanuhu ku nukara kusu ne: Ku mosh ita E katuhu ku nukara wa ku eramushinne kusu ne na.

Epesos 4:24

oupekap gusu hemhem, son no unbe newa turu-sakbe otta hemhem akara ashiri ainu yaimire kuni ambe ne ruwe ne na.

Korosai 1:22

Shinuma kotchaketa ashkanne newa turu-sak newa wen-buri sak no echi roshkire kuni ne, tane, Shinuma rai arabe koro kara netobake oshiketa irenga usaraye nisa ruwe ne:

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 12:14

Obitta no okai utara epeka itomo noshpa yan, samata, sak no ne yakun nen ne yakka Utarapa shomo nukara aeashkamrere ambe noshpa yan:

I Petros 2:5

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

II Petros 1:4

tambe gusu, Shinuma anak ne koro aoshkoro newa shi no poro uitaknup un koropare nisa; tap okaibe ani, echi utara anak ne ibeporore ambe gusu moshiri otta okai muninbe orowa no ohaita okere wa, Kamui oma oibe echi orota akoropare kuni gusu an ambe ne ruwe ne.