Hebraios 11:7 - Ashiri Aeuitaknup Iyohaichish Yona 1897

⁷ Eishokor-i an gusu Noa anak ne naa shomo anukarabe epeka Kamui orowa no anure gusu Kamui kooripak an ishitoma keutum atte gusu, koro uni un utara shiknure kuni ne chip kan nisa ruwe ne; nei ambe ankushtapne shinuma moshiri kokatpakte, aige, eishokor-i kari an oupekap aeikeshkore guru ne akara.

Hebraios 11:7 ပူးပေါင်းရင်းမြစ်များ

Mattaios 2:12

Koroka, iteki Herod otta hoshippa yan, sekoro wendarap ani akashpaotte wa gusu, nei utara oya ru kari koro kotan un hekomba nisa ruwe ne na.

Mattaios 24:15

Tambe gusu uweingara guru ne Danieru ani ayere aetunne iwendep nei ashkanne ushita ash shiri echi

Mattaios 24:25

Ingarʼan, etoko wano tap echi nure ash na. Tambe gusu, shinuma anak ne nupuri kata an sekoro nei utara echi otta ye chiki:

Mattaios 24:38

Inambe gusu ne yakun, pe-san etokota Noa chip otta ahun pakno utara anak ne ibe wa okai iku wa okai,

Mattaios 3:7

Koroka, Baptisma akore kuni ne Parisee un utara newa Saddokai un utara inne no araki shiri nukara chiki, orota ene hawe okai-hi :— Raskuru tokkoni koro sanike ne echi utara, iyoshi no ek irushka ambe orowa no echi kira kuni, inan guru echi epakashnu ruwe he an?

Roukos 17:26

Orowa no, Noe okai rapoketa an korachi, nei ambe nei no Ainu Poho pakita ne yakka an kusu ne.

Roma 1:17

Nei oshiketa eishokor-i wano eishokor-i pakno Kamui oupeka-hi aekambakte wa an ruwe ne: ene chieshinnuye wa an korachi ne :— Koroka, oupeka utara anak ne eishokor-i atte gusu ishu kusu ne gusu ne na.

Roma 10:6

Koroka, eishokor-i gusu an oupeka-hi anak ne ene itak-hi :— Kando orun rikin kusu ne guru hunna ruwe he an? (nei ambe anak ne Kiristo range kuni gusu ne) ari an itak ani iteki keutum ta ye yan:

Roma 3:22

nei ambe anak Yesu Kiristo eishokor-i ani obitta no okai eishokor-i atte utara gusu an Kamui oupeka ambe ne; uweshinnai no an ambe isam ruwe ne gusu ne na;

Roma 4:11

orowa, shinuma anak ne okarituye-buri an shirosh koro, nei ambe anak ne shinuma naa shomo okarituye-buri akire etokota okai koro eishokor-i gusu an oupeka ne kuni han aomarep ne ruwe ne: tambe anak shinuma obitta no okai eishokoro utara koro michi ne kuni gusu an ambe ne; shui, nei utara okarituye-buri akire shomoki yakka, otta oupeka ambe aesanniyo kuni gusu an ambe ne ruwe ne;

Roma 4:13

Inambe gusu ne yakun, Abraham moshiri eikeshkoro kuni ari an eitakamkire ambe anak, Abraham otta hene, koro sanikehe otta hene tuitak an gusu aki shomo ne, koroka, eishokor-i gusu an oupeka ambe an gusu aki ruwe ne na.

Roma 9:30

Yakun, hemanda chi ye kusu ne ya? Oupekap shomo keseamba Oya un utara anak ne, oupeka ambe, eishokor-i gusu an nei oupeka ambe, kon nisa ruwe ne sekoro chi ye kusu ne ya?

Garatea 5:5

chi utara anak ne chipachipa ki hine eishokor-i ani Ramat gusu oupeka ambe untere ruwe ne gusu ne na.

Piripoi 3:9

tambe anak ne Kiristo ku epirikare wa Shinuma oshiketa a en nukara, samata, tuitak gusu hetuku yaikota koro oupeka ambe koro shomoki, koroka, Kiristo otta an eishokor-i gusu hetuku oupeka ambe, — eishokor-i gusu Kamui orowa no hetuku oupeka

Hebraios 11:1

Eishokor-i anak ne chipachipa kuni ambe ikkeu ne,

Hebraios 12:25

Itak sange shiriki an guru iteki ekatupase kuni ne yaitubare yan. Inambe gusu ne yakun, moshiri kata an wa nei utara anak ne epakashnu guru ekatupase chiki shomo aohaitare yakun, naa eitasa no chi utara anak kando wano un epakashnu guru eyaishishire chiki shomo yaiohaitare ruwe ne:

Hebraios 5:7

Shinuma anak ne kam netobake koro ita, rai-i orowa ohaitare eashkaibe otta, rui-chish newa nupe tura, inonno-itak newa koramkorope yange okere chiki, orowa, oripak an no ishitoma gusu anu okere chiki,

Hebraios 8:5

nei utara anak ne kando oshiketa an okaibe koro kochihi newa kurihi gusu yaishieiwangere, Mose anak tane nei kash kara kushki ita Kamui orowa no aepakashnu poka korachi nep: inambe gusu ne yakun, ene Shinuma itak-hi :— Ingarʼan, nei nupuri kata e nukare an okaibe katuhu nei no kara yan, ani itak.

I Petros 3:20

nei ramat anak ne fushkotoita, Noa okai wa shinuma kara chip aetokooiki wa an Kamui ramushiporore ki wa untere rapoketa itakkashi utara ne; nei chip otta moyo utara, tupesan niu ne utara wakka gusu kashiaobiuki nisa ruwe ne na;

II Petros 1:1

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

II Petros 2:5

orowa, fushko moshiri honnere shomoki koroka, shomo Kamui ko-oripak raoshiri uirup gusu pesambe hetukure ita, oupekap eupaskuma Noa newa tura no okai ara wa niu ne utara shiknure chiki; samata,

II Petros 3:6

nei okaibe ari nei rapoketa an raoshiri anak ne wakka ani akamure wa aisamka: