Hebraios 11:6 - Ashiri Aeuitaknup Iyohaichish Yona 1897

⁶ orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

Hebraios 11:6 ပူးပေါင်းရင်းမြစ်များ

Iyohaichish 106:24

Bu we ne wa, nei utara nei pirika moshiri etunne nisa, Shinuma koro itak eumbipka nisa ruwe ne;

Iyohaichish 119:10

Kuani ramu-osshi wano E hunara ash nisa: Neum poka, E koro ikashpaotte iteki ku ehaita kuni ne kara wa en kore.

Iyohaichish 58:11

Yakun, utara ene itak kusu ne, “Son no newa, oupeka utara gusu iwayehe an: Son no newa, moshiri koipishi Kamui an ruwe ne”, ari itak kusu ne na.

Iyohaichish 73:28

Koroka, Kamui orun karange no ku arapa-hi anak ne en gusu pirikap ne ruwe ne: Utarapa ne Ehoba ani ku numne ushi ku kan nisa, Nei ambe anak ne obitta no okai E ki ikip utara otta nure kusu ne gusu an ambe ne ruwe ne na.

Iyohaichish 78:22

Nei utara anak ne Kamui eishokoro shomoki, Shinuma koro kashiobiuki-hi shomo eyaikopashte nisa ruwe ne gusu ne na.

Iyohaichish 78:32

Yakka nei utara naa katpak ki, Aige, Shinuma iki iyokunnure ambe shomo eishokon nisa ruwe ne.

Mattaios 11:26

ruwe ne wa, Michi, tap korachi E ki kuni ambe anak ne e esanniyop ne ruwe ne gusu ne na.

Mattaios 5:12

Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.

Mattaios 6:16

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne.

Mattaios 6:33

Koroka iyotta hoshiki no Shinuma moshiri hemhem, Shinuma oupeka-i hemhem hunara yan: yakun, tapan okaibe obitta echi akore kusu ne.

Mattaios 6:5

Orowa inonno-itak echi ki chiki kankpakapeka utara nei no iteki ki yan: shinuma utara anak ne moshima utara orowa no anukara kuni ne, uwekarapa chisei ta hene machiya ututta hene roshki koro, inonno-itak ki-hi nupure ruwe ne. Son no echi orota Ku ye, nei utara anak ne pummaha koro okere ruwe ne.

Markos 16:17

Orowa, tap okai shirosh anak ne eishokoro guru oshi araki kusu ne;

Roukos 12:31

Yakka Shinuma koro moshiri hunara yan, orowa, tap okaibe obitta echi otta kashi akore kusu ne na.

Roukos 6:35

Koroka, echi pokba utara omap wa epirikare yan; echi korobe erusa wa iteki nei ambe gusu nishomap yan; yak anak ne echi pummaha porobe ne kusu ne; Iyotta Rikumbe poho echi ne kusu ne na; Shinuma anak ne wen utara otta ne yakka yaiiraige eramushkare utara otta ne yakka e ramu-hauge ruwe ne.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 8:24

Tambe gusu echi utara anak ne yaikota echi ki katpak echi koro wa rai kusu ne, sekoro Ku itak nisa ruwe ne: inambe gusu ne yakun, Kuani anak ne Shinuma ne sekoro echi eishokoro shomoki yakun, koro katpak echi koro wa echi rai kusu ne gusu ne na.

Roma 10:14

Yakun, nekon a iki wa shomo eishokorobe otta nei utara ko-nishuk kusu ne ya? Samata, nekon a iki wa gusu shomo anu ambe eishokoro kusu ne ya? Shui, eupaskuma ki guru isam chiki nekon a iki wa nu eashkai ya?

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Hebraios 11:26

samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.

Hebraios 3:12

Iriwak utara, ikineipeka nenka echi tumugeta an guru anak eishokor-i sak wen keutum koro bine ika ishu Kamui wano eyaishishire kuni ne yaitubare yan: koroka,

Hebraios 4:2

Inambe gusu ne yakun, son no poka nei utara otta korachi un otta ne yakka pirika orushpe aeupaskuma an na: koroka, anu itak anak ne nei utara pirikare shomoki, eishokor-i ani nei utara anak ne anure utara tura shomo ukopoye nisa ruwe ne gusu ne na.

Hebraios 4:6

Tambe gusu, nei ambe otta ahup kuni ambe an gusu, samata, etoko wa otta pirika shongo aeupaskuma utara itakkashi gusu ahup shomoki sekorʼambe anukara gusu,

Hebraios 7:19

ikashpaotte anak ne aisamka an na (inambe gusu ne yakun, tuitak anak ne nep ne yakka eramushinnere eaikap), shui, gusu chi utara anak ne Kamui koehange hine nei kashita naa pirika no an chipachipa kunip aahunge ruwe ne.

Hebraios 7:25

Tambe gusu, Shinuma anak ne utara gusu koramkoro kuni ne ramma ishu shiriki, aine, Shinuma kari Kamui koehange no araki utara earikinne kaobiuki eashkai ruwe ne na.

II Petros 1:10

Tambe gusu, iriwak utara, echi atak an ambe newa anumge an ambe anak ne atumashnure kuni ne naa shiarikiki no kara yan: inambe gusu ne yakun, tap okaibe echi kara chiki, ramma pakno shomo echi ureepetchiu kusu ne na:

II Petros 1:5

Ruwe newa, tapan ikkewehe an gusu obitta no okai yuptek-hi echi kashiomare yan, echi ki eishokor-i otta pirika ambe iyo; orowa, pirika ambe otta eraman-i iyo;

II Petros 3:14

Tambe gusu, aomap an utara, tap okaibe echi ehuye wa okai gusu, echi utara anak ne Shinuma tek-samata echi sak no, piri isam no, itomo an no anukara kuni ne shiarikiki no kara yan.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.