Hebraios 11:26 - Ashiri Aeuitaknup Iyohaichish Yona 1897

²⁶ samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.

Hebraios 11:26 ပူးပေါင်းရင်းမြစ်များ

Iyohaichish 37:16

Inne wen utara koro nuye an no an okaibe kasu no Oupeka utara pon no patek koro ambe anak ne naa pirika ruwe ne.

Iyohaichish 69:20

Aesapse ambe anak ne ku keutum iuninka, ok ani ku eshik ruwe ne, En chishikiraine kuni guru ku hunara, koroka, isam ruwe ne; En omaoma kuni utara ku hunara, koroka, ku nukara shomoki nisa ruwe ne.

Iyohaichish 69:7

Aokai gusu kuani anak ne a en esapse nisa; Yashitoma ambe anak ne ku nanuhu kamure nisa ruwe ne.

Mattaios 10:41

Uweingara guru ne gusu uweingara guru uk gurʼanak ne uweingara guru koro pummaha uk kusu ne; orowa oupeka guru ne gusu oupeka guru uk gurʼanak ne oupeka guru koro pummaha uk kusu ne ruwe ne.

Mattaios 5:12

Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.

Mattaios 6:1

Anukara kuni gusu moshima guru tek samata echi oupekap iteki kara yan, anukara kuni gusu oupekap echi ki yakun, kando otta an echi koro michi anak ne pummaha shomo kore ruwe ne.

Roukos 14:14

yak anak ne aokai anunuke an kusu ne; inambe gusu ne yakun, nei utara anak ne eani gusu yaiyattasa eaikap: orowa, oupeka utara hetopo-shiknu ita, eani aeyaiyattasa an kusu ne gusu ne na.

Roukos 14:33

Tambe gusu, tap korachi echi utara tumuge an nen ne yakka obitta no okai yaikota korobe emaka shomoki yakun, En koikara guru ne eaikapbe ne ruwe ne.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

II Korintos 12:10

Tambe gusu, Kiristo korʼirenga ankushtapne kuani katchakbe gusu, aeiwendep gusu, aeishiramnep gusu, aepokbap gusu, yairamkoiki ambe gusu ku enupetne ruwe ne: inambe gusu ne yakun, katchak no ku an ita, nei ita anak ku kiroroashnu ruwe ne gusu ne na.

II Korintos 6:10

apakashnu yakka, shomo aronnu; oknatara korachi ne a yakka, ramma nupetne, oteksak korachi ne a yakka, inne utara oteknure; nep ne yakka sak no an korachi ne a yakka, obitta no okaibe kon ruwe ne na.

Epesos 1:18

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Piripoi 3:7

Yakka, en epirikare ambe anak ne Kiristo gusu so-no-ki ambe ne sekoro ku esanniyo nisa ruwe ne na.

Hebraios 10:33

oattekeheta, aesapsep gusu ne yakka aeramchuptekbe gusu ne yakka aeiyoroingara utara ne akara; shui oattekeheta, nei no akara utara ukotura utara echi ne ruwe ne gusu ne na.

Hebraios 10:35

Tambe gusu, shi no oro an no an pummaha koro echi koro rametokkorobe iteki osura yan.

Hebraios 11:6

orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

Hebraios 13:13

Tambe gusu chi utara ne yakka Shinuma gusu an aesapse ambe sei wa kash-tai soigeta an Shinuma orun paye anro.

Hebraios 2:2

Inambe gusu ne yakun, Kamui hauturumbe ani asange wa an itak aashtere wa an yak anak ne, aige, pishno an ehaitap newa shomo-itaknu ambe oupeka an no an pummaha akore yakun;

I Petros 1:11

etoko wano Kiristo ayairamshitnere ambe hene, okaketa an kusu ne nupeki ambe paweteshu ki ita nekon a paha epeka ruwe he an? nei utara chimchimi nisa ruwe ne.

I Petros 4:14

Echi utara anak ne Kiristo reihei gusu akosakayokara an chiki, echi anunuke ne; inambe gusu ne yakun, nupeki Ramat newa Kamui Ramat anak ne echi kashiketa okai shiri ne gusu ne na.

Ekambakbe 2:9

Atpake an, iyoshi no an, rai okere wa ishu ambe ene itak-hi: E ki eramchuptekbe newa e irapokkari an ambe Ku eraman (koroka oteknu ambe e ne), samata, Yudea un utara ne ari yaikota ye a koroka Yudea un utara shomo ne Satan uwekari un utara ne sekorʼan utara iki koatcha ambe Ku eraman.

Ekambakbe 3:18

oteknu guru e ne kuni ne abe ani aturu-sakte kongani en orowa no hok kuni; samata, eani yaimire wa e atusa yainikoroshma ambe shomo anukara kuni ne retara amip hok kuni; samata, ingara kuni ne e koro shiki eushi gusu an shik kusuri hok kuni ne e onishnishi ash ruwe ne.