Hebraios 10:38 - Ashiri Aeuitaknup Iyohaichish Yona 1897

³⁸ Koroka, ku goro oupeka guru eishokor-i gusu shiknu kusu ne: Aige, Shinuma yaishietaye yakun, Shinuma gusu shomo ku keutum enupetne ruwe ne.

Hebraios 10:38 ပူးပေါင်းရင်းမြစ်များ

Iyohaichish 147:11

Ehoba koishitoma Shinuma enupetne; Shinuma koro rampoken gusu chipachipa utara enupetne ruwe ne na.

Iyohaichish 149:4

Ehoba anak ne koro utari enupetne: Shinuma anak ne kashiobiuki-hi ani ramu-rotcha utara tomtere kusu ne.

Iyohaichish 5:4

Aokai anak ne wen-buri enupetne Kamui shomo ne, Wenbe anak E samata an eaikap kusu ne gusu ne na.

Iyohaichish 85:8

Ehoba ne Kamui hemanda ye kusu ne ya sekoro ku nu kusu ne: Koro ashkanne utara otta, koro utara otta, itomo ye kusu ne gusu ne na: Koroka, iteki raka-sakbe otta ihoshipi yan.

Mattaios 12:18

Nei guru etushmak shomoki, rui hau sange ka shomoki: Orowa machiya otta koro hau nen ne yakka orowa no ami ka shomoki kusu ne

Mattaios 13:21

orowa, nani yaikopuntek hine kon ruwe ne; yakka koro keutum ta shinrit isamma gusu, irukai-tomta yaishiporore; aige, nei itak gusu aeramchuptekbe hene aepokbap hene hetuku yakun, nani epetchiu ruwe ne.

Roma 1:17

Nei oshiketa eishokor-i wano eishokor-i pakno Kamui oupeka-hi aekambakte wa an ruwe ne: ene chieshinnuye wa an korachi ne :— Koroka, oupeka utara anak ne eishokor-i atte gusu ishu kusu ne gusu ne na.

Garatea 3:11

Kamui teksamata tuitak gusu nen ne yakka shomo aoupekare ari an ambe anak ne anukarape ne: inambe gusu ne yakun, aoupekare utara anak ne eishokor-i gusu ishu kusu ne;

I Tessaronike 2:15

nei utara anak ne Utarapa ne Yesu newa uweingara utara ronnu, orowa, un okeuba hemhem ki, shomo Kamui nupetnere hemhem ki, obitta no okai utara epokba hemhem ki;

Hebraios 10:39

Koroka, chi utara anak ne aisamka kuni-hi pakno yaishietaye utara shomo chi ne; aine, ramat epirikare gusu eishokor-i atte utara tura ikichi utara chi ne ruwe ne.

Yakob 5:6

Katpak kore wa oupeka guru echi raige; shinuma eshishire shomoki ruwe ne na.

I Yoannes 2:19

Nei utara anak ne un orowa no soyumba, koroka un tura no okai utara shomo ne; inambe gusu ne yakun, nei utara anak ne un tura no okai utara ne ruwe ne a chiki, un tura no ramma okai kusu ne gusu ne na: koroka, nei utara un tura no okai utara shomo ne sekoro aeraman kuni gusu an okaibe ne ruwe ne na.