Hebraios 10:34 - Ashiri Aeuitaknup Iyohaichish Yona 1897

³⁴ Inambe gusu ne yakun, echi utara anak ne atupetupe an utara erampokiwen wa kore hemhem ki yaikopuntek no yaikota korobe akoisamka ambe eshiporore hemhem ki nisa, echi utara yaikota naa pirika newa riya an okaibe echi koro ambe echi eraman ruwe ne gusu ne na.

Hebraios 10:34 ပူးပေါင်းရင်းမြစ်များ

Mattaios 19:21

Orota Yesu ene itak-hi :— Uhaita sak no an kuni e kon rusui chiki anak ne, oman wa e korobe eihok, orowa, irapokkari guru otta kore, yakun, kando oshiketa ikoro koro kusu ne: orowa, ek wa En osh ek yan.

Roukos 10:42

orowa, Maria anak ne orowa no auk shomoki pirika ushike numge nisa ruwe ne na.

Roukos 12:33

Echi korobe eihok wa eungeraitep kore yan; fushko ne shomo ki ichen o pukuru kara, ikka guru karange no ek shomoki, shish wende shomoki kando oshiketa okere shomoki aeoteknup ande yan.

Roukos 9:25

Ainu anak ne moshirʼebitta eyaiepirikare wa yaikota yai turainu hene ki eyaiwende hene ki yak anak ne nep ani aeyaiepirikarep an ruwe he an?

Apostoro ikip oma kambi 21:33

Tata otta tumi-koro utara ikiri esapane guru karange no ek wa shinuma kishima, aige, tu kani-shinkop ani atupetupe kuni ne ikashpaotte nisa ruwe ne; orowa, nekon a an ainu ne ya? hemanda iki guru ne ya? uwepekennu nisa ruwe ne.

Apostoro ikip oma kambi 28:20

Tambe gusu tan ikkewehe an gusu kuani echi nukara wa tura no ukoitak kuni ku koramkon nisa ruwe ne: inambe gusu ne yakun, Israeru un utara ki chipa-chipa arabe gusu tan shinkop ani a en tupetupe an ruwe ne gusu ne na.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

II Korintos 5:1

Chikoro kash ne toitoi oma chisei isam yakun, isam shomoki kando oshiketa Kamui orowa no akarape an, teke ani shomo akarape chisei an ari an ambe chi eraman ruwe ne gusu ne na.

Epesos 3:1

Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 6:20

nei ambe gusu shomo ehonnai no ku ki wa ku ye kusu ne ap korachi ku ye kuni ne, en gusu koramkoro yan; nei ambe gusu kani shinkop eok ateshkara guru ku ne ruwe ne na.

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Korosai 1:5

Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

I Timoteos 6:19

pirika iki ambe gusu nuye an no iki, eimek wa utara tura no koro hine iyoshi no ek kusu ne pakihi gusu, yaikota gusu pirika asamaha ande wa nei inotu, son no inotu, aeumashnure kuni ne kashpaotte yan.

II Timoteos 1:16

Onesiporos koro uni un utara Utarapa erampokiwen wa kore kuni ku koramkoro; inambe gusu ne yakun, shinuma anak ne kanna-kanna en sambe shiturire nisa, orowa,

II Timoteos 2:9

nei shongo gusu wen-buri ki guru korachi a en tupetupe wenbe eyairamshitne wa an na; koroka, Kamui itak anak ne atupetupe shomoki ruwe ne.

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Hebraios 11:16

Koroka, tane nei utara anak ne naa pirikap, kando ne an ap kon rusui: tambe gusu, koro Kamui ne aporose kuni ambe, Kamui nei utara gusu shomo eyainikoroshma shiriki: nei utara gusu Shinuma anak ne shine machiya kan nisa ruwe ne gusu ne na.

Hebraios 13:14

Inambe gusu ne yakun, teda anak ramma an kuni machiya shomo chi koro, koroka, ek kusu ne ambe chi hunara ash shiriki okai ruwe ne.

Hebraios 13:3

Tura no atupetupe korachi atupetupe wa okai utara eshkarun yan; echi utara ne yakka netobake ta okai wa okai gusu otta wen no iki an utara eshkarun yan.

Hebraios 9:15

Orowa, tambe gusu, Shinuma anak ne ashiri aeuitaknup gusu an eikotchane guru ne ruwe ne; atpake an aeuitaknup an ita hetuku katpak kikiraye kuni rai ambe an gusu, anishuk wa okai utara shashuishiri pakno an eitakamkirep eikeshkore kuni gusu ne na.

Yakob 1:2

Ku iriwak utara, echi koro eishokor-i auwande ambe anak yaiyupupu ambe hetukure ruwe ne sekoro eraman wa,

I Petros 1:4

kando oshiketa eumashnu wa an munin shomoki, turu-sak wa, shomo shumumge eikeshkorobe shikkashimare kuni ne, rai orowa no Yesu Kiristo hetopo-shiknure ambe ani koro poro rampoken gusu ishu chipachipa kuni ambe otta hetopo un shikore,

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.