Hebraios 10:28 - Ashiri Aeuitaknup Iyohaichish Yona 1897

²⁸ Mose tuitak otereke ainu anak ne shomo aerampokiwen wa akore no tun ren paweteshu utara gusu rai ruwe ne:

Hebraios 10:28 ပူးပေါင်းရင်းမြစ်များ

Hebraios 2:2

Inambe gusu ne yakun, Kamui hauturumbe ani asange wa an itak aashtere wa an yak anak ne, aige, pishno an ehaitap newa shomo-itaknu ambe oupeka an no an pummaha akore yakun;

II Korintos 13:1

Tambe anak echi orota ku ek kuni re ikinne an ambe ne ruwe ne. Obitta no okai itak anak ne pishno tu paweteshu utara gusu hene re paweteshu utara gusu hene asonnere kusu ne.

Yoannes 8:17

Ruwe un, echi koro tuitak otta anak ne tu utara ki paweteshu ambe anak son no ambe ne, sekorʼambe chieshinnuye wa an ruwe ne.

Mattaios 18:16

Koroka, e ye itak nu shomoki yak anak ne tun hene ren hene paweteshu guru gusu obitta no okai itak asonnere kuni ne moshima shinen tun tura yan.

Yakob 2:13

Inambe gusu ne yakun, erampokiwen wa kore shomoki guru anak ne shomo aerampokiwen wa akoipishi kusu ne na: koipishi ambe anak ne rampoken gusu anrapoki akari kusu ne ruwe tapan na.

Roma 9:15

Ara shomo. Inambe gusu ne yakun, Shinuma Mose otta ene itak-hi :— Ku erampokiwen wa kore rusui guru gusu Ku erampokiwen wa kore kusu ne, orowa, chishildraine wa kore rusui guru gusu, Ku chishildraine wa kore kusu ne na.

Hebraios 12:25

Itak sange shiriki an guru iteki ekatupase kuni ne yaitubare yan. Inambe gusu ne yakun, moshiri kata an wa nei utara anak ne epakashnu guru ekatupase chiki shomo aohaitare yakun, naa eitasa no chi utara anak kando wano un epakashnu guru eyaishishire chiki shomo yaiohaitare ruwe ne: