Hebraios 10:23 - Ashiri Aeuitaknup Iyohaichish Yona 1897

²³ chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

Hebraios 10:23 ပူးပေါင်းရင်းမြစ်များ

Iyohaichish 26:1

AA Ehoba, oheuge sak no ku apkash gusu, en koipishi wa en kore; Utumashi shomoki no Ehoba gusu ku eyaikopashte nisa ruwe ne.

I Korintos 1:9

Kamui anak ne ikipniukeshbe ne, Shinuma ankushkerai koro Poho chikoro Utarapa ne Yesu Kiristo tura no iki kuni a un hotuyekara an na.

I Korintos 10:13

Ainu sei eaikap ikoramnukara-hi echi utara gusu isama; koroka, Kamui anak ne sonep ne, echi yaishiporore eashkai kasu no echi utara akoramnukara kuni ramuoshma shomoki kusu ne: koroka, echi yaishiporore eashkai kuni ne nei koramnukara-hi tura ohaitare kuni ushi kan ruwe ne gusu ne na.

II Korintos 9:13

nei utara anak ne tap an aeyaishieiwangere-hi uwande ankushkerai, Kiristo koro Pirika shongo gusu an eyaipushi-hi ekoitaknu ambe gusu hemhem, nei utara otta ne yakka obitta no okai utara otta ne yakka nuye an no tura no echi ikichi gusu hemhem Kamui koiramye shiriki okai an ruwe ne;

I Tessaronike 5:24

Echi nishukbe anak ne ikipniukeshbe ne, aige, nei no kara poka iki kusu ne na.

II Tessaronike 3:3

Koroka, Utarapa anak ne ikipniukeshbe ne hine echi roshkire hemhem ki, wenbe gusu echi koshiratki hemhem ki kusu ne na.

Titus 1:2

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

Hebraios 11:11

Eishokor-i an gusu Sara poka yaikota poro shukup ita shinnaikat iyeunu kuni kiroro akore, eitakamkire guru sonep ne sekoro esanniyo nisa ruwe ne gusu ne na:

Hebraios 3:1

Tata otta ashkanne iriwak utara, kando orowa no ahotuyepakara utara, chi eishokoro ash okaibe nei

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

Hebraios 3:6

koroka, Kiristo anak ne poho korachi Shinuma kora kenru esapanep ne; aige, chi utara anak ne okese pakno tumashnu no rametok koro wa chipachipa gusu an yaiyomonnure-hi shikkashima yakun, Shinuma kora kenru chi ne na.

Hebraios 4:14

Tambe gusu, kando oboso wa ahun Kamui otta yaishieiwangere iyotta pase guru ne Kamui koro Poho Yesu an gusu, chikoro eishokoro ambe shiyuppa no shikkashima anro.

Hebraios 6:18

tambe anak, gusu Kamui shunge eaikap tu itasare shomoki ambe ani, un kotchaketa aande wa an chipachipa ambe ashikkashimare gusu numne kuni ushike orun kokira chi utara anak ne shiyuppa no aonishnishi kuni gusu an ambe ne ruwe ne;

Yakob 1:6

Koroka, eishokor-i wa utumashi shomoki no koramkoro yan; inambe gusu ne yakun, yaiutumashire guru anak ne rera ani apata wa akaikaire an atui riri korachi ne ruwe ne.

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.