Hebraios 10:11 - Ashiri Aeuitaknup Iyohaichish Yona 1897

¹¹ Orowa, Kamui otta yaishieiwangere pishno okai uitek guru anak ne son no kesto ash wa iki hine kannakanna ukorachi an ayange kunip yange ruwe ne; nei ambe oara katpak isamka eaikapbe ne ruwe tapan na:

Hebraios 10:11 ပူးပေါင်းရင်းမြစ်များ

Hebraios 10:1

Inambe gusu ne yakun, tuitak anak ne okaketa ek kushki pirikap koro kurihi ne wa, nei okaibe son no nokaha shomo ne gusu, nei utara anak ne kespa range ramma ukorachi an ayangep ani karange no araki utara oara eramushinnere eaikap ruwe ne gusu ne na.

Hebraios 10:4

Inambe gusu ne yakun, pinne beko newe yangi koro kem anak ne oara katpak isamka eaikap ruwe ne gusu ne na.

Hebraios 5:1

Inambe gusu ne yakun, pishno okai Kamui otta yaishieiwangere iyotta pase guru anak ne, ainu utara tumuge wa auk hine Kamui gusu an okaibe gusu ainu utara ankushkerai aatte ruwe ne, nei ambe anak chikokatpak gusu akorep newa ayangep yange kuni gusu ne na:

Hebraios 7:27

Shinuma anak ne hoshike no yaitota koro chikokatpak gusu, orowa no nei okaketa utara korobe gusu, nei Kamui otta yaishieiwangere iyotta pase utara korachi kesto range ayange kunip yange tuni guru shomo ne; inambe gusu ne yakun, Shinuma yaikota yaiyange ita arashui patek iki nisa ruwe ne gusu ne na.

Hebraios 8:2

orosama, Shinuma ashkanne okaibe gusu ainu ashte shomo ne, Kamui ashte son no an kash gusu yaishieiwangere ruwe ne.

Hebraios 8:4

Aine, Shinuma anak ne kanna moshiri ta an yakun,. Kamui otta yaishieiwangere guru shomo ne, inambe gusu ne yakun, tuitak nei no akorep yange kuni utara okai;