Hebraios 1:6 - Ashiri Aeuitaknup Iyohaichish Yona 1897

⁶ Orowa shui, moshiri otta kiyanuepo ahunge chiki, ene itak-hi :— Obitta no okai Kamui uitekbe Shinuma koongamirero.

Hebraios 1:6 ပူးပေါင်းရင်းမြစ်များ

Iyohaichish 97:7

Notakup ari akara nokaha otta yaishieiwangere utara newa, Potoki gusu yaiomonnure utara kane ayainikorosh-mare na: Obitta no okai Kamui, Shinuma ko ongami yan.

Mattaios 24:14

Orowa, obitta no okai uirup utara orota an paweteshu ne gusu, ingi-nroshiri ta tan moshiri gusu an pirika orushpe aeupaskuma kusu ne; orowa, shiokere ambe anak ne ek tusu ne na.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 1:18

Hembara ne yakka Kamui nukan nisa guru isam, Michi upshoro ta an Shinen ne poho anak ne, Shinuma anak Kamui pita nisa ruwe ne.

Yoannes 3:16

Inambe gusu ne yakun, Kamui anak ne koro Shinen ne Poho koropare pakno moshiri omap ruwe ne, nen ne yakka nei Poho eishokoro guru obitta aisamka shomoki no nei pakno ne yakka ishu ramat koro kuni ne kore nisa ruwe ne.

Roma 8:29

Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

Korosai 1:15

Shinuma anak ne anukara eaikap Kamui koro nokaha ne, obitta no okai akarabe etoko hetukup ne; inambe gusu ne yakun, kando oshiketa okai yakka,

Korosai 1:18

Orowa, Shinuma anak ne nei netobake ne karisia koro sapaha ne: atpake an ap ne, rai-i orowa no hoshike hetukup ne ruwe ne; Shinuma obitta no okaibe gusu esapanep ne kuni gusu ne na.

Hebraios 1:5

Inambe gusu ne yakun, Kamui uitekbe utara tumugeta okai inambe otta hembara ta ene ene ye ya? Aokai anak ne Ku Poho ne, Tanto Kuani e hekature ash na. Orowa shui, Shinuma gusu Kuani Michi ku ne kusu ne, En gusu anak Shinuma Poho ne kusu ne na.

Hebraios 10:5

Tambe gusu, Shinuma moshiri otta ahun ita, ene itak-hi; — Ayange kunip newa aikrap shomo e kon rusui, Koroka, en gusu netobake E etoko-oiki nisa ruwe ne;

I Petros 3:22

Shinuma anak ne kando otta ahun wa Kamui shimon tek-samata an ruwe ne; orowa, Kamui hauturumbe hene, raondum korobe hene, kiroro umbe hene, Shinuma gusu akoitaknure an ruwe ne na.

I Yoannes 4:9

Shinuma rengap gusu chi utara ishu kuni ne Kamui anak ne yaikota koro Shinen ne Poho moshirʼotta sange nisa ruwe ne gusu, tambe ani chi utara gusu Kamui omap ambe anukare nisa ruwe ne na.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki: