Hebraios 1:14 - Ashiri Aeuitaknup Iyohaichish Yona 1897

¹⁴ Nei okaibe anak ne kashichiobiuki ambe eikeshkoro kushki utara rengap gusu auitek kuni ne aomande yaishieiwangere ramat shomo ne ruwe he an?

Hebraios 1:14 ပူးပေါင်းရင်းမြစ်များ

Iyohaichish 104:4

Bera ani uitekbe ne akara; Koro yaishieiwangere utara paraparase abe ne:

Iyohaichish 34:7

Ehoba ko-oripak utara okari ta Shinuma koro uitekbe anak ne roshki wa okai,

Mattaios 1:20

Aige, tap ambe eyaikoshiramse rapoketa heta, ingarʼan Utarapa uitekbe wendarap ani Yosep orota ek hine ene itak-hi; — Dabid sanike ne Yosep, e kon machi honkoro katuhu anak ne Ashkanne Ramat an ambe ne gusu, e koro machi koro kuni iteki ishitoma.

Mattaios 13:41

Ainu Poho anak ne koro uitek utara payere wa koro moshiri orowa no nep ne yakka

Mattaios 18:10

Tap pon utara tumuge un shinen ka iteki etunne:

Mattaios 2:13

Nei utara paye wa isam okaketa, ingarʼan, Kamui uitekbe wendarap ani Yosep orota ek hine ene itak-hi :— Herod anak ne aiai raige kuni ne hunara kusu ne gusu, hopuni wa aiai unuhu tura Echipt moshirʼotta ekira, Kuani Ku yep e nure kuni pakno nei kotan ta okai yan, sekoro itak.

Mattaios 24:31

Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Mattaios 4:11

Orowa no, nitne kamui Shinuma ekohopi, awa, Kamui hauturunbe araki wa Shinuma otta yaishieiwangere nisa ruwe ne na.

Markos 10:17

Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu.

Roukos 1:19

onne ruwe ne na. Orota hauturumbe ese wa ene itak-hi :— Kuani Kamui teksamata ash Gabrieru ku ne ruwe ne; orowa, e otta itak wa tap pirika shongo e nure ash gusu e otta a en omande nisa ruwe ne.

Roukos 1:23

Awa, Kamui kora kenru ta yaishieiwangere pakihi okere chiki anak ne koro uni un hoshipi nisa ruwe ne.

Roukos 16:22

Okaketa, nei iyahupkara guru anak ne rai, orowa, Kamui uitekbe shinuma koro wa paye hine Abraham upshoro ta ande nisa ruwe ne: orowa, nei oteknu guru ne yakka rai wa tushiri oro aomare nisa ruwe ne.

Roukos 2:13

Tata otta, ekushkonna nei hauturumbe tura inne kando un topaha okai hine Kamui ramye wa ene itak-hi :—

Roukos 2:9

Awa, Utarapa koro shine hauturumbe i samaketa ash, aige, Utarapa nupeki i pishkanike ta atte nisa luwe ne: awa, nei utara toiko ishitoma nisa ruwe ne.

Apostoro ikip oma kambi 11:22

Orowa, nei utara gusu an pahau anak ne Yerusarem kotan ta okai karisia koro kisara otta anu nisa ruwe ne, awa, nei utara Antiok kotan pakno Barnabas omande:

Apostoro ikip oma kambi 12:23

Orowa nani Utarapa hauturumbe shinuma kokik, Kamui koarakure shomoki nisa ruwe ne gusu ne na: orowa, tonin ani ae wa ramat koropare nisa ruwe ne.

Apostoro ikip oma kambi 12:7

Orowa, ingarʼan, Utarapa hauturumbe shinuma samaketa ash, aige, nei tumbu upshorota pekere at nisa ruwe ne: awa, shinuma Petros koro ut kashike shirikik wa mososo hine, tunashi no hopuni yan, ari an itak ani itak nisa ruwe ne. Orowa, nei kani-shinkop shinuma koro tekehe wano epichi.

Apostoro ikip oma kambi 13:2

Awa, nei utara Utarapa otta yaishieiwangere wa shomo ramnu ki rapoketa, Ashkanne Ramat ene itak-hi :— Gusu Ku hotuyekara wa tak moni otta Barnabas newa Sauros shinnai no ande yan, ari itak.

Apostoro ikip oma kambi 16:26

aige, ekushkonna poro shirishimoye an, nei upakashnu chisei asamaha amoimoigere pakno an ruwe ne: orowa, nani apa-ushta obitta makke; samata, obitta no okai utara koro atupepeok-tep apita nisa ruwe ne.

Apostoro ikip oma kambi 27:23

Tan ukuran otta ku yaishieiwangere poka en koro Kamui koro hauturumbe anak ne en samaketa ash wa ene itak-hi :—

Apostoro ikip oma kambi 5:19

Koroka, Utarapa uitekbe anchikara ta ipakashnu chisei koro apa maka wa nei utara soyumbare hine ene itak-hi :—

Roma 11:14

nei uni poka, nekon a ka kam gusu ku iri utara aeyaitunnapte hine sereke utara kashiobiuki kuni gusu ne na.

Roma 13:6

keutum gusu ne yakka itaknu kusu ne ap Tambe gusu echi utara yaku ne yakka sange ruwe ne; nei utara anak ne tap ambe gusu ramma Kamui mongo ki uitek utara ne ruwe ne gusu ne na.

Roma 15:16

Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

Roma 15:27

ruwe un, tambe anak nei utara pirika irenga ne; aige, nei utara ashosere utara ne ruwe ne. Inambe gusu ne yakun, Oya un utara anak ne tura no nei utara koro kuni ramat gusu an okaibe akore utara ne akan nisa yakun, itasa netobake gusu an okaibe shinuma utara gusu ka eiwangere kuni utara ne ruwe ne na.

Roma 8:17

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

I Korintos 1:21

Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

II Korintos 9:12

Inambe gusu ne yakun, tap an moni gusu yaishieiwangere ambe anak ne ashkanne utara eishiramne-i umomare patek shomo ne, koroka, Kamui otta inne no okai koyaiiraige ambe hetukure poka ki ruwe ne:

Garatea 3:29

Orowa, Kiristo korobe echi ne yakun, Abraham koro sanike echi ne, aige, eitakamkirep an korachi eikeshkoro utara echi ne ruwe tapan na.

Garatea 3:7

Tambe gusu, tambe uonnere yan, eishokoro ki utara anak ne, nei utara anak Abraham poho utara ne ruwe ne.

Garatea 3:9

Tambe gusu, eishokor-i atte utara anak ne nei eishokoro ki Abraham tura anukannukara ruwe ne Inambe gusu ne yakun,

Epesos 3:6

Oya utara anak ne pirika shongo gusu uko eikeshkoro utara ne, ukotura shine netobake un awehe ne, Kiristo Yesu koro eitakamkire ambe uko-uina utara ne ruwe ne;

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Piripoi 2:25

Koroka, ku iriwak ne guru, tura no monraige, tura no tumikoro guru ne, echi orowa no aette wa ku eishiramnep gusu yaishieiwangere an Epaproditus echi orota nekon a ka aomande kunip ne sekoro ku esanniyo nisa ruwe ne;

II Tessaronike 1:7

koitaknu shomoki utara koikemnu hine paraparase abe oma koro kiroro un hauturumbe utara tura kando wano ek Utarapa ne Yesu anukara ita echi ramuchuptekka

Titus 3:7

tambe anak ne chi utara Shinuma koro irenga gusu aoupekare wa otusashuishiri pakno an inotu echipachipa ambe an korachi eikeshkoro utara ne akara kuni gusu an ambe ne ruwe ne.

Hebraios 10:11

Orowa, Kamui otta yaishieiwangere pishno okai uitek guru anak ne son no kesto ash wa iki hine kannakanna ukorachi an ayange kunip yange ruwe ne; nei ambe oara katpak isamka eaikapbe ne ruwe tapan na:

Hebraios 2:3

ene poro kashiobiuki-hi ikorampoktuye chiki, nekon a ahonnere ash kusu ne ya? Nei ambe anak ne atpaketa Utarapa orowa no aye, awa, nei ambe nu utara ani un orun sonnere nisa ruwe ne;

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

Hebraios 6:12

toranne utara shomo ne, koroka, eishokor-i newa yaiyupupu ambe ankushkerai eitakamkirep eikeshkoro utara echi ikoisamba kuni akon rusui ruwe ne.

Hebraios 6:17

Tambe otta, Kamui anak ne aeitakamkirep eikeshkoro utara orota koro esanniyop shomo aitasare ambe naa eitasa no nukare kuni ne, shiyuppa no an itak ani iyuturu omare nisa ruwe ne:

Hebraios 8:6

Koroka, tane Shinuma anak ne gusu naa eitasa pirika yaishieiwangere kuni ambe akore Shinuma naa pirika aeitakamkire ambe gusu aki eitasa pirika euitaknup gusu an iyuturu oma guru poka pakno ne ruwe ne na.

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

Yakob 2:5

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

I Petros 1:12

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.

I Petros 1:4

kando oshiketa eumashnu wa an munin shomoki, turu-sak wa, shomo shumumge eikeshkorobe shikkashimare kuni ne, rai orowa no Yesu Kiristo hetopo-shiknure ambe ani koro poro rampoken gusu ishu chipachipa kuni ambe otta hetopo un shikore,

I Petros 3:7

Tap korachi hoku ne echi utara, echi koro inonno-itak shomo aerannakbe ne kuni gusu, eraman no koro machi tura oshiroma, aige, echi utara ukotura shiknu irenga koro wa okai gusu, shinuma turasak awehe ne aesanniyo wa ko-oripak yan.

Youdas 1:14

Tan utara gusu, Adam orowa no arawan ikinne an ainu ne Enok anak ne uweingara ki wa ene itakhi:— Ingara yan, Utarapa anak ne koro turu-sak inne topaha tura wa ek hine,

Ekambakbe 5:6

Orowa, nei amset tumta, nei ine shiknu okaibe tumta, nei ekashi tumta araige okere korachi an Pon-hitsuji chikoikip ku nukara, aige, Shinuma arawan kirawe koro, arawan shikihi koro, nei ambe anak ingi-moshiri ta apayere an Kamui koro arawan Ramat ne ruwe ne.