Garatea 6:9 - Ashiri Aeuitaknup Iyohaichish Yona 1897

⁹ Orowa, pirikap iki gusu iteki yaishingere; inambe gusu ne yakun, ramurai shomoki chiki, paha epa ita nanke kusu ne gusu ne na.

Garatea 6:9 ပူးပေါင်းရင်းမြစ်များ

Iyohaichish 104:27

Nei okaibe anak ne pakihi epa ita ae kuni aep uk gusu. Aokai otta eyaikopashte ruwe ne.

Iyohaichish 126:5

Nupe yaikorange wa piyehe etoita utara anak ne nupetne no nange kusu ne.

Iyohaichish 145:15

Obitta no okai utara koro shiki E orun ingara; Aige, auk kuni ita Aokai nei utara orun aep koropare ruwe ne.

Mattaios 10:22

Orowa, echi utara anak ne Ku reihei ankushkeraipo obitta no okai utara orowa no aetunne kusu ne: koroka, okese pakno yaishiporore gurʼanak ne, nei gurʼanak kashiaobiuki kusu ne.

Mattaios 24:13

Koroka, okese pakno yaishiporore gurʼanak ne kashi-a-obiuki kusu ne.

Mattaios 25:17

Tup akore guru ne yakka oman wa naa tup epirika nisa ruwe ne.

Mattaios 9:19

Orowa, Yesu hopuni wa koikara utara tura no nei guru osh oman ruwe ne.

Markos 3:3

Orowa, Shinuma teke shipeshte guru otta, — Utara tumugeta ash yan, ari itak.

Roukos 18:1

Orowa, utara anak ne ramma inonno-itak ki wa iteki ramu-rai kuni gusu shine itak-maukushte-itak ye wa ene itak-hi :—

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

I Korintos 15:58

Tambe gusu, ku omap an iriwak ne utara, kiroro atte wa moimoyege shomoki no okai yan, ramma Utarapa gusu ki kuni ikip kara yan; Utarapa gusu ki kuni ikip shomo raka-sakbe ne sekoro ku eraman ruwe ne gusu ne na.

II Korintos 4:1

Tambe gusu, chi utara anak ne tan yaishieiwangere gusu an kunip koro wa okai gusu, aerampokiwen wa akore korachi shomo ramurai ruwe ne:

II Korintos 4:16

Tambe gusu chi utara shomo ramu-rai; koroka, chikoro soige an ainu anak ne munin koran a yakka, onnaigeta an ainu anak ne to pishno ashirikara an ruwe ne.

II Korintos 9:6

Koroka, tambe ku ye-hi :— Shihopinupka wa etoita gurʼanak ne shihopinupka no nange kusu ne, eikanno etoita gurʼanak ne eikanno nange kusu ne na.

Epesos 3:13

Tambe gusu, echi utara gusu ku ki aerarachuptekbe gusu iteki echi ramurai kuni ku koramkoro; nei ambe anak ne echi gusu an nupeki ne ruwe ne gusu ne na.

II Tessaronike 3:13

Koroka, echi utara gusu anak, iriwak utara, pirikap iki gusu iteki shingi yan.

Hebraios 12:3

Echi utara anak ne iteki echi keutum ta ramu-rai hine echi shingi kuni ne, yaikota gusu chikokatpak utara iki ene upaure ambe eyaishiporore guru esanniyo yan.

Hebraios 12:5

samata, poho utara tura eukoyupekere korachi echi tura iki onishnishi ambe echi oira okere :— Ku poho, Utarapa sange shirikik ambe iteki isaika no esanniyo yan, Shui, Shinuma orowa no apakashnu chiki iteki ramurai yan;

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

Hebraios 3:6

koroka, Kiristo anak ne poho korachi Shinuma kora kenru esapanep ne; aige, chi utara anak ne okese pakno tumashnu no rametok koro wa chipachipa gusu an yaiyomonnure-hi shikkashima yakun, Shinuma kora kenru chi ne na.

Yakob 5:7

Tambe gusu, ku iriwak utara, Utarapa an pakno ramushiporore yan. Ingarʼan, toita guru anak ne aro-apto okake apto ek pakno ramushiporore wa toi wano an nupuru ibehe untere ruwe ne.

I Petros 2:15

Inambe gusu ne yakun, echi utara anak ne pirikap ki-hi ani ramu-sak utara erampeutekbe raore kuni ambe anak ne, Kamui irenga ne ruwe ne:

I Petros 3:17

Kamui rengaine nei no esanniyo chiki, echi utara wenbe echi ki gusu aeramshitnere kasu no, pirikap echi ki wa gusu aeramshitnere-hi anak ne naa pirika ruwe ne.

I Petros 4:19

an? Tambe gusu, Kamui irenga gusu ayairamshitnere utara poka pirikap iki wa ikipniukesh moshiri kara Kamui otta koropare yan.

Ekambakbe 2:17

Kisara koro gurʼanak ne karisia utara orun Ramat ye itak ambe nu yan. Annokara iki guru otta, Shinuma otta anuina wa an manna Ku ibere kusu ne, orowa, retara shuma Ku kore, nei shuma kata akore guru moshima eraman guru isam no an ashiri reihei chieshinnuye wa an na.

Ekambakbe 2:3

aige, eani yaiyupupu an wa Ku reihei gusu yaishiporore hine shomo tumutui ruwe ne.

Ekambakbe 2:7

Kisara koro guru anak ne karisia utara orun Ramat ye itak ambe nu yan. Annokara guru otta Kamui Paradeisos ta an inotu oma chikuni nikaop shinuma Ku ibere kusu ne na.