Garatea 6:3 - Ashiri Aeuitaknup Iyohaichish Yona 1897

³ Orowa, nen ne yakka nep aramu ka shomoki ita yaikota yaiokkainere guru an chiki, shinunra anak ne yaikokandama ruwe ne.

Garatea 6:3 ပူးပေါင်းရင်းမြစ်များ

Roukos 18:11

Nei Parisee un guru ash kane yai otta tap okaibe ani inonno-itak ki :— Kamui, kuani anak ne moshima okai utara korachi, niwen no iki guru, oupeka sakbe, omoinu koro guru shomo ku ne gusu, samata teda okai yaku-etaye guru poka ku koheraye shomoki gusu ku yaiiraige ash na.

Apostoro ikip oma kambi 5:36

Inambe gusu ne yakun, tap etokota Teudas hopuni wa yaikota nenka ne sekoro ye; aige, ine ashikne hotne utara shinuma otta kotuk: awa, nei guru araige; orowa, shinuma koitaknu utara obitta shitchari wa isam ruwe ne.

Roma 12:16

Uweutashpa chishineramkore yan. Iteki ri okaibe yainu yan, koroka, ra un okaibe ani yaiaturare yan.

Roma 12:3

Inambe gusu ne yakun, a en koropare irenga an gusu, echi tumugeta okai pishno an ainu otta ku ye-hi, yai-esanniyo kuni kunip kasu no iteki eikaunu no yai-esanniyo yan, Kamui anak ne pishno an ainu otta eishokor-i eimek wa kore nei no yairamatte wa esanniyo yan.

I Korintos 13:2

Orowa, uweingara ku ki, nep ne yakka okai mukkep newa aeramu kuni ambe ku eraman yakka; shui, nupuri moimoyegere pakno an obitta no okai eishokor-i ku goro yakka, omap ambe ku sak chiki, raka isambe ku ne ruwe ne.

I Korintos 3:18

Inan guru ne yakka, iteki yaikota yaikokandama yan. Tan moshirʼotta echi tumugeta nen ka wayashnu ne sekoro yaikota gusu yai-yainu guru an chiki, wayashnu guru ne kuni ne, ramu-isambe ne kuni gusu yai-kara yan.

I Korintos 8:2

Eramushbe anak ne pittarannere, koroka, omap ambe anak ne ashte ruwe ne. Nenka nepka eraman ari yainu guru an chiki shinuma anak ne eraman kuni kusu ne ap korachi naa erampeutek ruwe ne;

II Korintos 12:11

Ramat-sakbe ku ne okere: nei no ku an kuni ne echi ikichi okai; echi utara orowa no a en aashte kunip ku ne: inambe gusu ne yakun, kuani nep ka aeramu kunip shomo ku ne a yakka, iyotta pase apostoro utara pokashnu an ambe shomo ku ne ruwe ne gusu ne na.

II Korintos 3:5

eishokor-i atte keutum chikon ruwe ne: chi utara orowa no nep ka an sekoro aeyaiesanniyo upakbe shomo chi ne, koroka, chikoro upak no an ambe anak ne Kamui orowa no an ap ne:

Garatea 2:6

Koroka, pase ne aesanniyo utara orowa (nei utara anak nekon a ambe ne a yakka, en gusu isam korachi ne: Kamui anak ainu ne nep koro shomo uk ruwe ne); nei pase ne aesanniyo utara anak nep ne yakka en kore shomoki ruwe ne,

Garatea 2:9

orowa, en orun koropare an irenga nei utara nukara chiki, ikushpe ne aesanniyo wa an Yakob newa Kepas newa Yoannes anak ne iriwak ne kuni shimon tekehe en otta newa Barnabas otta koropare nisa ruwe ne, tambe anak nei utara okarituye buri akire utara otta paye, orowa, chi utara anak ne Oya utara otta paye ash kuni gusu an ambe ne:

II Timoteos 3:13

Koroka, wen utara newa tusu ikichi utara uwepaketa wen ne kusu ne, aine, moshima guru kokandama hemhem ki,

Yakob 1:22

Koroka, echi utara anak ne nei itak ki, iteki ouse nei ambe nu wa echi yaikota yaikokandama yan.

Yakob 1:26

Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

I Yoannes 1:8

Katpak chi sak sekoro chi itak chiki, yaikokandama ruwe ne, orowa, son-i anak ne un oshiketa isam ruwe ne na.