Garatea 6:1 - Ashiri Aeuitaknup Iyohaichish Yona 1897

¹ Iriwak utara, nen ka katpak ani aoshkoni guru an chiki, echi tumugeta an Ramat oma guru ramushiroma hine shinuma oupekare yan; yaikota iteki akoramnukara kuni ne yai yaitubare no ki yan.

Garatea 6:1 ပူးပေါင်းရင်းမြစ်များ

Iyohaichish 141:5

Oupeka guru en shirikik chiki, ramuhaugep ne; Shinuma en pakashnu yakun, ku sapa kata shum aota korachi ne; Ku sapa anak ne shomo nei ambe eshishi: Inambe gusu ne yakun, tane ne yakka ku ki inonno-itak nei wenbe gusu an na.

Mattaios 11:29

Kuani anak ne ramu-shiroma wa keutum yaieoripakka ambe Ku ne ruwe ne gusu, Ku rekuchi orunbe uk wa En orowa no eyaihannokkara yan; yak anak ne echi keutum gusu shini ushi apa kusu ne.

Mattaios 26:69

Orowa, Petros anak ne nei ipishi tumbu soige wa an ushike ta a wa an ruwe ne: awa, otta shine matkachi ek wa ene itak-hi :— Eani ne yakka Gariraya un Yesu tura no an gun ne, sekoro itak.

Mattaios 26:75

Orowa, Petros anak ne niwatori chikap hau koro shomoki pakno, eani re shui ne En eshina kusu ne, sekoro Yesu ye itak an a-i eshkarun nisa ruwe ne. Aige, shinuma soine wa shi no chish nisa ruwe ne na.

Mattaios 9:13

Koroka, Kuani rampoken Ku kon rusui wa ayange kunip kon rusui shomoki na, sekorʼan itak ambe nekon a ikkewehe an itak ne ya? ani echi paye wa ramepakari yan: Kuani oupeka utara hotuyekara kuni gusu ek ka shomoki, katpak koro utara hotuyekara gusu Ku ek nisa ruwe ne gusu ne na.

Roma 14:1

Eishokor-i tum-sak guru uk yan, koroka, utumashire kuni upaore gusu shomo ne.

Roma 15:1

Tumashnu wa okai utara anak ne yaikota yainupetnere shomoki no, turu-sakbe koro katchakbe sei kunip ne.

Roma 8:6

Inambe gusu ne yakun, kam nei no an keutum anak ne rai ambe ne; ramat nei no an keutum anak ne inotu ne, itomo ne ruwe ne gusu ne na:

I Korintos 10:12

Tambe gusu, ash korʼan sekoro yainu guru, iteki hachiri kuni ne yaitubare yan.

I Korintos 14:37

Koroka, nenka uweingara guru hene ne, ramat un guru hene ne kuni yaiyainu guru an chiki, echi orun ku nuye okaibe anak Utarapa ikashpaotte ne sekoro eraman no an yak pirika.

I Korintos 2:15

Koroka, ramat, oma gurʼanak ne obitta no okaibe koipishi; aige, shinuma yaikota inan guru orowa no ne yakka akoipishi shomoki ruwe ne.

I Korintos 3:1

Orowa, iriwak utara, kuani anak ne ramat oma utara otta korachi echi otta ku ye eaikap, koroka, kam oma utara otta korachi Kiristo gusu aiai utara otta korachi ku ye nisa.

I Korintos 4:21

koroka, kiroro gusu an ambe ne ruwe ne. Nepi echi kon rusui ya? Kuwa ku koro wa echi orun ku ek ambe echi kon rusui hene ya? Ramu-shiroma keutum koro hine omap ki wa ku ek ambe echi kon rusui ruwe he an?

I Korintos 7:5

Ouse iruka an pakihi gusu inonno-itak gusu moshima iteki utashpa uwe ehunara yan, orowa, echi yai-yaishik-kashima eaikapbe gusu Satan anak ne iteki echi koramnukara gusu kanna-shui ukotura koan yan.

II Korintos 10:1

Echi tumugeta an ita yaieoripakka, koroka, tane oyakta an wa echi epeka rametokkoro Pauros ne kuani anak ne, Kiristo gusu an ramushiroma ambe newa rotcha ambe gusu echi onishnishi ash na:

II Korintos 2:7

tambe gusu, echi utara anak ne shinnai-kane nei guru tusare wa omaoma yak pirika, ikineipeka ika nei no an guru ramusarak kashpa wa okere na.

II Korintos 2:8

Tapne ne wa gusu, kuani anak ne echi utara nei guru epeka no an omap ambe tumashnure ash

Garatea 5:23

ramushiroma ambe hene, yaishikkashima ambe hene ne ruwe ne: nei okaibe epokba tuitak isam ruwe ne.

Garatea 6:18

Iriwak utara, chikoro Utarapa ne Yesu Kiristo korʼirenga echi kon ramat tura no an kuni ku koramkon na. Amen.

I Tessaronike 4:1

Orosama iriwak utara echi utara, nekon a arabe ani apkash wa Kamui nupetnere kusu ne a ambe ne ya, un otta echi nu a gusu, nei no korachi echi apkash kuni ne — naa naa echi nuye an no okai kuni gusu — Utarapa ne Yesu Kiristo gusu koramkoro wa echi onishnishi ash ruwe ne.

II Tessaronike 3:15

Yakka aepokba kuni guru ne sekoro iteki esanniyo, koroka, iriwak ne guru nei no epakashnu yan.

II Timoteos 2:25

ramu-shiroma no yaiatte wa epokba utara pakashnu kuni an guru ne kunip ne ruwe ne; Kamui anak ne nei utara yaikokatpakte wa sonep eramande, orowa,

Hebraios 12:13

tusushke kokkasap ne yakka; orowa, hera ambe anak ne ru ohaita shomoki no aiwangere an kuni gusu, echi kemaha gusu kuwanno no an ruhu kara yan.

Hebraios 13:3

Tura no atupetupe korachi atupetupe wa okai utara eshkarun yan; echi utara ne yakka netobake ta okai wa okai gusu otta wen no iki an utara eshkarun yan.

Yakob 3:13

Echi tumta wayashnu wa eramush guru nen ne ruwe? Nei guru ishu wa pirika buri koro hine ramurotcha an wayashnu ikip nukare yan.

Yakob 3:2

Inambe gusu ne yakun, inne no okaibe gusu chi utara obitta ureepetchiu ruwe ne gusu ne na. Itak gusu ureepetchiu shomoki guru an chiki, shinuma anak aeramushinne ainu ne, kon netobake ne yakka ebitta shikkashima eashkaibe ne.

I Petros 3:15

Kiristo anak ne Utarapa ne sekoro echi keutura ta esanniyo yan: echi oshiketa okai chipachipa ambe ikkewehe ramu-rotcha wa ishitoma an no nen ne yakka otta ese-itak sange kuni ne ramma-kane etokooiki wa okai yan:

I Yoannes 5:16

Nen ne yakka shomo gusu rai kuni katpak koro iriwak ki-hi nukara, orowa, koramkoro yakun, nei shomo gusu rai kuni katpak ki utara akore kuni ne Shinuma nei utara otta inotu koropare kusu ne na Gusu rai kuni katpak an: nei ambe gusu shinuma koramkoro kuni shomo ku ye ruwe ne.