Garatea 5:7 - Ashiri Aeuitaknup Iyohaichish Yona 1897

⁷ Echi utara anak ne pirika no hoyuppa nisa, awa, son no ambe shomo echi ki kuni shinnetush guru nen ne ruwe?

Garatea 5:7 ပူးပေါင်းရင်းမြစ်များ

Mattaios 13:21

orowa, nani yaikopuntek hine kon ruwe ne; yakka koro keutum ta shinrit isamma gusu, irukai-tomta yaishiporore; aige, nei itak gusu aeramchuptekbe hene aepokbap hene hetuku yakun, nani epetchiu ruwe ne.

Apostoro ikip oma kambi 6:7

Orowa, Kamui itak shipiraspa; shui, koikara utara anak ne Yerusarem kotan ta shi no ainnere nisa; samata, Kamui kora kenru esapane utara tumuge un shiri inne utara nei eishokor-i koitaknu nisa ruwe ne.

Roma 10:16

Koroka, nei utara obitta anak ne pirika shongo otta shomo inu. Awa, Isaya ene itak-hi :— Utarapa, chikoro shongo eishokoro guru nen ne ruwe he an? sekoro itak.

Roma 15:18

Kuani anak ne, itak otta, ikip otta, shirosh newa iyokunnurep kiroro ani,

Roma 16:26

tane uweingara utara nuye kambi ani nukare anuinap aekambakte-i nei no, otusashuishiri wano otusashuishiri pakno an Kamui ikashpaotte gusu moshiri uirup eishokor-i atte wa aitaknure kuni gusu an ambe nei no echi ashte eashkaibe otta;

Roma 2:8

koroka, sakayo ki wa sonep itakkashi, aige, oupeka sakbe koitaknu utara otta,

Roma 6:17

Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;

I Korintos 9:24

Hoyuppa uwetushmak ushiketa hoyuppa utara anak ne obitta hoyuppa, koroka, ouse Shinen aungeraitere ari an ambe shomo echi eraman ya? Echi utara eungeraitep aukte kuni ne hoyuppa yan.

II Korintos 10:5

aesanniyo ambe newa nep ne yakka Kamui eramushbe epokba ariknare an ri ambe obitta hokushte, samata, obitta no okai yainu-hi Kiristo otta koitaknure kuni ne usshiunere ruwe ne;

Garatea 2:2

Awa, ku oraan-i anak ne a en nukare gusu ku oman nisa ruwe ne; aige, Oya utara tumugeta ku eupaskuma pirika shongo nei utara otta ku nure, koroka, pase ne aesanniyo utara otta arorokishne no ku nure, ikineipeka tambe anak kuani raka sak no shomo hoyupu korʼan hene ki, raka sak no shomo hoyupu okere hene ki gusu ne na.

Garatea 3:1

Ramu-isambe Garatea un utara, echi koro shik samata Yesu Kiristo aande wa anukan no utasa chikuni otta araige, awa, echi shiren guru nen ne ruwe he an?

Garatea 5:10

Echi utara anak ne shinnai no esanniyo shomoki kusu ne sekoro Utarapa gusu ku yainu ruwe ne; koroka, nen ne yakka echi chiukopo-yere gurʼanak ne nei akoipishi ambe sei kusu ne na.

II Tessaronike 1:8

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

Hebraios 11:8

Eishokor-i an gusu Abraham anak ne anishuk ita, aeikeshkoro kuni ushike orun arapa kuni koitaknu nisa; awa, nei oro arapa ya eramushkare no shinuma oman nisa ruwe ne.

Hebraios 12:1

Tambe gusu, chi utara ne yakka, tap korachi an nishkuru nepkoro inne paweteshu ki utara koro wa okai gusu, ene irammakaka un nikkotama obitta no okai aeoshirokokbap newa chikokatpak oyakta ande hine, yaishiporore wa un kotchaketa aatte wa an uwetushmak kuni ambe otta hoyuppa anro,

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,