Garatea 5:17 - Ashiri Aeuitaknup Iyohaichish Yona 1897

¹⁷ Inambe gusu ne yakun, kara anak ne ramat gusu ibeporore ki, orowa, ramat anak ne kam gusu ki ruwe ne gusu ne na; nei okaibe utashpa uweepokba ruwe ne gusu, echi ki rusuibe echi kara eaikap ruwe ne.

Garatea 5:17 ပူးပေါင်းရင်းမြစ်များ

Iyohaichish 119:133

Ku goro chikiri E korʼitak orun omande wa en kore; Orowa nep irarape ne yakka iteki en esapanere kuni ne kara wa en kore.

Iyohaichish 119:159

Hemanda kuani E koro ipawetenge ko-omap ya esanniyo wa en kore; Aa Ehoba, E koro omap-an-ramubauge-hi an korachi en shiknure wa en kore.

Iyohaichish 119:176

Bu turainu hitsuji nei no kuani ru turainu nisa ruwe ne; E koro uitek guru hunara wa en kore; E koro ipawetenge shomo ku oira ruwe ne gusu ne na.

Iyohaichish 119:20

Ramma E koro aesanniyop eyaikatekara gusu Ku ramat anak ne pereke ruwe ne.

Iyohaichish 119:32

E koro ikashpaotte oma ruhu otta ku hoyupu kusu ne, Nei i orota Aokai ku goro sambe porore kusu ne na.

Iyohaichish 119:35

E koro ikashpaotte oma ru otta en apkashte wa en kore; Inambe gusu ne yakun, nei ambe ku enupetne ruwe ne gusu ne na.

Iyohaichish 119:40

Ingarʼan, E koro ipawetenge ku eyaikatekara nisa; E koro oupeka ambe gusu en shiknure wa en kore.

Iyohaichish 130:3

Yah, Aokai anak ne wen-buri esanniyo chiki, Aa Utarapa, ash kuni guru nen ne ruwe?

Iyohaichish 65:3

Wen-buri anak ne en annokara: Koroka, Aokai anak ne chikoro ohaitarep isamka kusu ne.

Mattaios 12:30

En tura no iki shomoki gurʼanak ne En epokba gunʼne; orowa, En tura no uwekarapare shomoki gurʼanak ne chieshitchari ruwe ne.

Mattaios 16:17

Orowa, shinuma otta Yesu ese wa ene itak-hi :— Simon Bar-Yona, tap ambe e epakashnu gurʼanak ne kam newa kem shomo ne, kando otta an Ku Michi anak tan orushpe e eramande nisa ruwe ne gusu, anunuke ainu e ne ruwe ne.

Mattaios 16:23

Koroka, Shinuma hosari wa Petros otta ene itak-hi :— Satan, En oshmake un oman; eani anak ne En gusu an ureepetchiurep e ne, eani anak ne Kamui gusu an orushpe esanniyo shomoki, ainu gusu an orushpe esaniyo ruwe ne gusu ne na, sekoro itak.

Mattaios 26:41

Iteki akoramnukara kuni ne shiruwande wa inonno-itak ki yan: ramat anak ne ki rusuibe ne, koroka kam anak katchakbe ne ruwe ne.

Mattaios 5:6

Ibe rusui iku rusui korachi oupekap kon rusui utara anak ne anunuke ne; nei utara akironnure ruwe ne kusu ne gusu ne na.

Roukos 22:33

Orota, shinuma ene itak-hi :— Utarapa, upakashnu chisei otta hene, rai-i otta hene Aokai tura no ku oman kuni ku etokooiki wa an.

Roukos 22:46

Hemanda gusu echi mokoro ya? Hopumba wa iteki echi akoramnukara kuni ne inonno-itak yan, ani itak.

Yoannes 3:6

Kam gusu hekatup anak ne kam ne, Ramat gusu hekatup anak ne ramat ne ruwe ne.

Roma 8:13

inambe gusu ne yakun, kam gusu echi shiknu chiki, echi rai kusu ne ap; koroka, netobake iki ikip ramat ani echi raige yakne echi shiknu kusu ne.

Garatea 3:21

Yakun, tuitak anak ne Kamui ki eitakamkirep epokba ruwe he an? oara shomo: inambe gusu ne yakun, shiknure eashkai tuitak akoropare wa okai chiki, son no ka un, oupeka ambe anak ne tuitak an gusu an ap ne.

Yakob 3:2

Inambe gusu ne yakun, inne no okaibe gusu chi utara obitta ureepetchiu ruwe ne gusu ne na. Itak gusu ureepetchiu shomoki guru an chiki, shinuma anak aeramushinne ainu ne, kon netobake ne yakka ebitta shikkashima eashkaibe ne.