Garatea 5:1 - Ashiri Aeuitaknup Iyohaichish Yona 1897

¹ Son no rengaine an nrondum ari an an ambe ani Kiristo anak ne un honnere nisa ruwe ne: tambe gusu, roshki wa iteki ausshiune an rekuchi orunbe gusu aeyausshiunere yan.

Garatea 5:1 ပူးပေါင်းရင်းမြစ်များ

Iyohaichish 51:12

E koro kashiobiuki-hi gusu an nupetne ambe kannashui en kore: Orowa, irenga an ramat ani en nitata wa en kore.

Mattaios 23:4

Ruwe un, nei utara anak ne pase wa sei hokamba shikehe kara wa ainu utara tapsutu kata ande, koroka, koro shine ashikepet ani nei ambe koshnere shomoki ruwe ne.

Roukos 5:38

Koroka, ashiri tonoto ashiri kapu-pukuru otta aomare kusu ne ap ruwe ne.

Apostoro ikip oma kambi 15:10

Tambe gusu, tane hemanda gusu echi utara anak ne chikoro ekashi ne yakka chi utara ne yakka sei eaikap no an rekuchi orumbe koikara utara koro rekuchi eunu wa Kamui koramnukara ruwe he an?

Roma 6:14

Katpak anak ne shomo echi esapane kusu ne; tuitak choropoketa okai utara shomo echi ne, koroka, irenga choropoketa echi okai ruwe ne gusu ne na.

Roma 6:18

aige, katpak orowa no ahonnere wa oupekap otta ausshiune utara echi ne nisa ruwe ne.

Roma 7:3

Tambe gusu, koro hoku shiknu wa an rapoketa nei shiwentep anak ne moshima ainu otta akore chiki, omoinu koro shiwentep ani aye kusu ne; koroka, koro hoku rai wa isam okaketa, moshima ainu otta akore yakka, omoinu koro guru shomo ne, nei tuitak otta ahonnere ruwe ne gusu ne na.

Roma 7:6

Koroka, tane anak nei tuitak orowa no chi utara ahonnere wa okai, teeda ani atupe ambe orun rai nisa ruwe ne gusu ne na; tambe gusu, chi utara auak ne ausshiune wa ashin no ramat otta iki, nei fushko ikiri otta shomo iki ruwe ne na.

Roma 8:15

Echi utara ishitoma gusu kanna-shui ausshiune utara ne kuni gusu ramat akore shomoki, koroka, nei ambe ani Abba, Michihi, ari an itak ani ye kuni poho ne akara kuni gusu an ramat echi kore nisa ruwe ne na.

Roma 8:2

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

I Korintos 15:58

Tambe gusu, ku omap an iriwak ne utara, kiroro atte wa moimoyege shomoki no okai yan, ramma Utarapa gusu ki kuni ikip kara yan; Utarapa gusu ki kuni ikip shomo raka-sakbe ne sekoro ku eraman ruwe ne gusu ne na.

I Korintos 16:13

Shiruwande yan, eishokor-i atte wa nishuwamne no roshki yan, okkaiyo ramkoro yan, yaitumashnure yan.

I Korintos 7:22

nei ambe eiwange yan. Inambe gusu ne yakun, ausshiunere wa an, aine, Utarapa gusu ahotuyekara gurʼanak ne, Utarapa koro ahonnere wa an gunʼne: nei no korachi, ahonnere wa an, aine, ahotuyekara gurʼanak ne Kiristo koro usshiune guru ne ruwe ne.

II Korintos 11:20

Inambe gusu ne yakun, nen ka echi usshiune kara, echi ruki, echi tekepashte, yaikota yairiknare, echi koro nanuhu kokik chiki, echi utara nei guru eyaishiporore ruwe ne.

II Korintos 3:17

Utarapa anak ne nei Ramat ne ruwe ne: aige, Utarapa kon Ramat an ushiketa rengaine an ambe an ruwe ne.

Garatea 2:4

nei ambe anak nuina no aahupte shunge iriwak utara gusu an ambe ne; nei utara un usshiune utara ne akara kuni ne, Kiristo Yesu otta chikoro rengaine an nrondum nukara kuni gusu arorokishne no ahup nisa ruwe ne:

Garatea 3:25

Koroka, tane anak ne eishokor-i ek wa an gusu, chi utara shomo un epakashnu guru otta ko-okai.

Garatea 4:26

Koroka, rikta an Yerusarem anak ne ausshiune ambe shomo ne, shinuma anak chikoro unu ne ruwe ne.

Garatea 4:31

Tambe gusu, iriwak utara, chi utara anak ne nei uitek-mat koro poho shomo chi ne, koroka nei shomo auitek an mat koro poho chi ne ruwe ne na.

Garatea 4:9

koroka, tane Kamui echi eamkiri, tane Kamui orowa no echi aeamkiri an hine, hemanda gusu, otta kanna-shui ausshiunere rusui katchak aepange an isaika ambe otta koshikiru ya?

Garatea 5:13

Iriwak utara, echi utara anak ne rengaine an nrondum akore kuni ne ahotuyekan nisa ruwe ne; awa, kam irenga gusu iteki nei a echi akore rengaine an nrondum eiwange yan, koroka, omap ki wa gusu uweutashpa uweyaiusshiunere yan.

Epesos 6:14

Tambe gusu, echi roshki kane sonep ani kutkoro,

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

I Tessaronike 3:8

inambe gusu ne yakun, Utarapa oshiketa pirika no echi roshki chiki,

II Tessaronike 2:15

Tambe gusu iriwak utara, tumashnu no roshki, orowa, itak ani hene ne ya chi nuye kambi ani hene ne ya aepakashnu oina shikkashima yan.

Hebraios 10:23

chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

Hebraios 3:6

koroka, Kiristo anak ne poho korachi Shinuma kora kenru esapanep ne; aige, chi utara anak ne okese pakno tumashnu no rametok koro wa chipachipa gusu an yaiyomonnure-hi shikkashima yakun, Shinuma kora kenru chi ne na.

Hebraios 4:14

Tambe gusu, kando oboso wa ahun Kamui otta yaishieiwangere iyotta pase guru ne Kamui koro Poho Yesu an gusu, chikoro eishokoro ambe shiyuppa no shikkashima anro.

I Petros 2:16

rengaine an mondum koro yakka wenbe akamurep ne gusu iteki nei a echi koro rengaine an mondum koro yan; koroka, Kamui usshiune utara korachi echi okai yan.

II Petros 2:19

yaikota aisamka gusu an ambe otta yaiusshiunere wa okai rapoketa, rengaine an raondum koropare kuni eitakamkire ruwe ne; inambe gusu ne yakun, orowa no aannokara gusu anak ne,

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.

Ekambakbe 2:25

Yakka, echi koro wa an ambe Ku ek pakno shiyuppa no shikkashima yan.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.