Garatea 4:6 - Ashiri Aeuitaknup Iyohaichish Yona 1897

⁶ Orowa, echi utara poho echi ne wa gusu, Kamui anak ne koro Poho kon Ramat chikoro keutura ta ahunge wa, Abba, Michihi, yere nisa ruwe ne.

Garatea 4:6 ပူးပေါင်းရင်းမြစ်များ

Markos 14:36

Awa, ene itak-hi :— Abba, Michihi, Aokai ki eaikapbe nep ne yakka isama: tan itangi En orowa no uk wa En kore; koroka, Ku rengaine korachi shomo ne, E rengaine nei no ki wa En kore, ari itak.

Roukos 11:13

Tambe gusu echi utara, wen utara echi ne wa pirika ambe echi po utara otta koropare katu eramʼan yakun, kasu no, otta koramkoro utara orota kando un Michi anak koro Ashkanne Ramat koropare shomoki ya?

Roukos 11:2

Nei utara orota Shinuma ene itak-hi :— Echi utara inonno-itak ki ita ene korachi ye :— Michi, E reihei orota aeoripak kuni ne ki wa un kore.

Yoannes 14:16

Orowa, Michi Ku koramkoro wa hembara pakno ne yakka echi tura no an gusu Shinuma moshima no an Kotchane ki kunip echi kore kusu ne, nei ambe anak ne Sone an Ramat ne:

Yoannes 15:26

Koroka, Michi orowa no echi utara otta Ku omande kusu ne Kotchane ki kunip, Michi orowa no hetuku Sone an Ramat ek chiki, Shinuma anak ne En gusu paweteshu ki kusu ne;

Yoannes 16:7

Yakka, son no ambe echi nure ash na; Kuani Ku oman-i anak ne echi utara gusu pirikap ne: inambe gusu ne yakun, Ku oman shomoki chiki nei Kotchane ki kunip echi otta ek shomoki kusu ne na; koroka, Ku oman yakun echi otta Shinuma Ku omande kusu ne na.

Yoannes 3:34

Inambe gusu ne yakun, Kamui orowa no aomande gurʼanak ne Kamui itak ye: Shinuma anak pakari wa Ramat kore shomoki ruwe ne gusu ne na.

Yoannes 7:39

Koroka, Shinuma tan itak ye katu anak ne Shinuma eishokoro kusu ne utara uk kuni Ramat epeka no an itak ne: inambe gusu ne yakun, Yesu naa shomo anupektere gusu, Ramat anak ne naa shomo an ruwe ne.

Apostoro ikip oma kambi 16:7

aige, Musia kotan ehange no araki chiki, Bitunia kotan orun paye kuni aramu nisa; awa, Yesu kon Ramat ramuoshma shomoki nisa ruwe ne;

Roma 5:5

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

Roma 8:9

Echi onnaigeta Kamui Ramat anak uni ne koro yak anak ne kam onnaigeta shomo echi okai, koroka, ramat onnaigeta echi okai ruwe ne. Koroka, nen ne yakka Kiristo kon Ramat shomo koro guru an chiki; nei guru anak Shinuma otta ko-an guru shomo ne ruwe ne.

I Korintos 15:45

Ene anuye wa an korachi :— Hoshike no an Ainu ne Adam anak ne shiknu ramat ne. Iyoshi no an Adam anak shiknure ramat ne ruwe ne.

II Korintos 1:22

Shinuma anak ne un otta han omare, aine, chikoro sambe oshiketa Ramat emkoso kore nisa ruwe ne.

II Korintos 3:17

Utarapa anak ne nei Ramat ne ruwe ne: aige, Utarapa kon Ramat an ushiketa rengaine an ambe an ruwe ne.

Epesos 1:13

echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

Epesos 2:18

inambe gusu ne yakun, Shinuma gusu tup ne okai chi utara anak ne shine Ramat otta Michi orun ehange no arakire nisa ruwe ne gusu ne na.

Epesos 4:30

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

Epesos 6:18

shui, ramma-kane Ramat otta obitta no okai inonno newa koramkorobe ani inonno-itak ki, orowa, nei okaibe gusu shiure wa obitta no okai ashkanne utara gusu yaishiporore hine koramkoro,

Piripoi 1:19

Inambe gusu ne yakun, tap okaibe anak ne echi koro ki koramkorobe newa Yesu Kiristo kon Ramat ikashui ambe an gusu en kashiobiuki kusu ne na,

I Tessaronike 4:8

Tambe gusu, emaka gurʼanak ne ainu emaka shomoki, koroka, echi otta Ashkanne Ramat koropare Kamui emaka ruwe ne na.

I Petros 1:11

etoko wano Kiristo ayairamshitnere ambe hene, okaketa an kusu ne nupeki ambe paweteshu ki ita nekon a paha epeka ruwe he an? nei utara chimchimi nisa ruwe ne.

Youdas 1:20

Koroka, aomap an utara echi utara anak ne Ashkanne Ramat oshiketa inonno-itak ki,

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.