Garatea 4:13 - Ashiri Aeuitaknup Iyohaichish Yona 1897

¹³ koroka, ku kara otta katchak ushike an gusu, atpaketa echi otta pirika shongo ku eupaskuma nisa ruwe ne sekoro echi eraman:

Garatea 4:13 ပူးပေါင်းရင်းမြစ်များ

Mattaios 4:23

Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.

Apostoro ikip oma kambi 16:6

Orowa, nei utara purigia newa Garatia kotan kush, Asia moshiri ta itak nure kuni Ashkanne Ramat orowa no ahattoki nisa ruwe ne gusu ne na;

I Korintos 2:3

Orowa, echi tura no ku an ita, katchak no, ishitomo wa shiri tusushke wa an ruwe ne.

II Korintos 10:10

Inambe gusu ne yakun, shinuma ette kambi anak ne pase newa yupkep ne: koroka, koro tumama kat anak katchakbe ne, koro itak nep ne aramu kunip shomo ne ruwe ne, ani nei utara ye ruwe ne gusu ne na.

II Korintos 11:30

Nen ka aurechiure wa ku keutum shomo seisek ruwe he an? Kuani yaiomonnure ki gusu ne ap chiki, ku katchakbe gusu ku yaiomonnure kusu ne na.

II Korintos 11:6

Koroka, itak gusu ramat-sakbe ku ne a yakka, eramushbe gusu ramat-sakbe shomo ku ne; son no newa, echi utara gusu obitta no okai utara tumugeta nep ne yakka sarare ash nisa ruwe ne.

II Korintos 13:4

Shinuma katchakbe ankushtapne utasa-chikuni otta akungi-kokikkik yakka Kamui kiroro ankushtapne Shinuma ishu ruwe ne. Chi utara ne yakka Shinuma tura katchakbe ne, koroka, echi epeka no an Kamui kiroro ankushkeraipo Shinuma tura no ishu kusu ne gusu ne na.

Garatea 1:6

Kiristo korʼirenga otta echi hotuyekara Kamui orowa no tap korachi chashnu no echi utara shinnai no an pirika shongo gusu echi yaiatupte-i ku enushkari ruwe ne;

Garatea 4:12

Iriwak utara, echi utara en korachi okai kuni echi onishnishi ash, inambe gusu ne yakun, kuani anak ne echi utara korachi ku an ruwe ne:

Garatea 4:14

orowa, ku kam gusu echi koramnukara ambe anak shomo echi etunne, shomo echi emaka nisa ruwe ne; koroka, Kamui hauturumbe korachi, Kiristo Yesu korachi echi utara en uk nisa ruwe ne.

Garatea 4:18

Ouse echi tura ku an ita patek shomo ne, koroka, ramma-kane pirikap gusu shiarikiki no hunara ambe anak ne pirika ruwe ne.