Garatea 3:8 - Ashiri Aeuitaknup Iyohaichish Yona 1897

⁸ Orowa, Kamui anak ne eishokor-i an ambe ani Oya utara oupekare kusu ne sekoro Kamui kambi-sosh teeda wano nukara gusu, — Aokai gusu obitta no okai moshiri uirup ikiri anak ne annkannukara kusu ne, — sekorʼan pirika shongo ani etoko wano Abraham otta eupaskuni a ki nisa ruwe ne.

Garatea 3:8 ပူးပေါင်းရင်းမြစ်များ

Iyohaichish 72:7

Shinuma toho ta oupeka utara shipiraspa; Orowa, kunne chup isam pakno itomo nuye an no an kusu ne na.

Yoannes 19:37

Orowa, shui Kamui nuyere moshima no an itak ene ye-hi :— Aotke guru orun nei utara ingara kusu ne na.

Yoannes 7:38

En eishokoro gurʼanak ne, Kamui nuyere kambi ye korachi, shinuma koro honi orowa no ishu wakka an pet san kusu ne na, ari itak.

Yoannes 7:42

Kiristo anak ne Dabid sanikiri ne, orowa, Dabid koro kotan, Betrehem kotan orowa no hetuku kuni ne sekoro Kamui nuyere kambi ye shomoki ya? ari an itak ani ye utara okai.

Apostoro ikip oma kambi 2:35

Ku shimon-tek samata a yau, ari itak.

Roma 9:17

Inambe gusu ne yakun, Parao otta Kamui Kambi ene itak-hi :— Ku koro kiroro e nukare ash hemhem ki, moshiri kata Ku reihei assuru aashte kuni gusu hemhem aki kuni ne tap ambe gusu Kuani e hopunire ash nisa ruwe ne.

Roma 9:30

Yakun, hemanda chi ye kusu ne ya? Oupekap shomo keseamba Oya un utara anak ne, oupeka ambe, eishokor-i gusu an nei oupeka ambe, kon nisa ruwe ne sekoro chi ye kusu ne ya?

Garatea 3:16

Eitakarakirep anak ne Abraham newa Abraham koro sanike otta aye nisa ruwe ne. Innep gusu aye korachi, koro sanike utara, ari an itak ani seenne ye, koroka, shinep gusu ye nei no, E koro sanike, ari an itak ani ye

Garatea 3:22

Koroka, Yesu Kiristo eishokoro gusu an eitakamkirep anak ne eishokoro ki utara otta akoropare kuni ne, Kamui kambi-sosh anak obitta no okaibe otta chikokatpak kashiomare nisa ruwe ne na.

Garatea 4:30

Yakka, Kamui kambi-sosh hemanda ye ya? Nei uitek-mat poho tura emaka yan: inambe gusu ne yakun, uitek-mat koro poho anak ne shomo auitek an mat koro poho tura okaibe eikeshkore shomoki gusu ne na.

Hebraios 4:2

Inambe gusu ne yakun, son no poka nei utara otta korachi un otta ne yakka pirika orushpe aeupaskuma an na: koroka, anu itak anak ne nei utara pirikare shomoki, eishokor-i ani nei utara anak ne anure utara tura shomo ukopoye nisa ruwe ne gusu ne na.

Ekambakbe 11:15

Orowa, nei arawan ikinne an hauturumbe rappa rekte; aige, kando onnaigeta poro hawe hetuku wa ene itak-hi :— Moshiri esapane kuni ambe anak ne chikoro Utarapa newa Shinuma koro Kiristo korobe ne akara: awa, Shinuma ramma-ramma pakno esapane kusu ne na.