Garatea 3:26 - Ashiri Aeuitaknup Iyohaichish Yona 1897

²⁶ Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne.

Garatea 3:26 ပူးပေါင်းရင်းမြစ်များ

Yoannes 1:7

Nei guru paweteshu-i gusu ek, utara obitta shinuma gusu aeishokoro kuni ne nei pekere gusu paweteshu ki nisa ruwe ne na.

Yoannes 20:17

Orota Yesu ene itak-hi :— Iteki En tomooshma yan; naa shomo Michi otta Ku rikin nisa ruwe ne gusu ne na: koroka, Ku iriwak otta arapa wa, orota, Kuani anak ne Ku goro Michi newa echi koro Michi, Ku goro Kamui newa echi koro Kamui otta Ku rikin ruwe ne, ani an itak ani ye yan, ari itak.

Roma 8:1

Tambe gusu, Kiristo Yesu oshiketa okai utara gusu tane katpak akore-i isam ruwe ne.

Roma 8:19

Akara okaibe earikinne echipachipap anak ne Kamui poho utara anukara-hi etere ruwe ne.

II Korintos 1:1

Kamui irenga ankushkerai Kiristo Yesu koro Apostoro ne Pauros, akoro iriwak ne guru Timoteos tura Korintos kotan ta an Kamui karisia otta hene Akaya moshirʼebitta ta okai ashkanne utara otta hene kambi omande na:

II Korintos 6:18

Aine, echi utara gusu Michihi Ku ne kusu ne, Echi utara anak ne Ku okkai poho Ku matne poho echi ne kusu ne na, ari nep ne yakka ki eashkai Utarapa ye nisa ruwe ne.

Garatea 3:28

Yudea un guru hene, Herenes un guru hene okai eaikap, ausshiune guru hene, rengaine an guru hene okai eaikap, okkai hene matnep hene okai eaikap ruwe ne: inambe gusu ne yakun, Kiristo Yesu otta obitta no okai echi utara anak ne shinep ne ruwe ne gusu ne na.

Garatea 4:14

orowa, ku kam gusu echi koramnukara ambe anak shomo echi etunne, shomo echi emaka nisa ruwe ne; koroka, Kamui hauturumbe korachi, Kiristo Yesu korachi echi utara en uk nisa ruwe ne.

Garatea 5:24

Orowa, Kiristo Yesu kore utara anak ne kam hene, kara gusu an ayairamshitnere ambe newa ibeporore ambe tura utasa chikuni otta kotukka nisa ruwe ne na.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Epesos 1:1

Kamui rengaine an gusu Kiristo Yesu koro Apostoro ne Pauros anak ne Epesos kotan ta okai aashkannere utara newa Kiristo Yesu gusu ikipniukesh utara otta kambi omande:

Epesos 1:5

Shinunra etoko wano Yesu Kiristo ankushkerai gusu Kamui yaikota koro poho ne kuni uir kara gusu an ambe esanniyo,

Epesos 5:1

Tambe gusu, aomap an poho utara nei no Kamui eikosamba utara ne yan; orowa, omap ki wa apkash,

Piripoi 1:1

Kiristo Yesu koro usshiune utara ne Pauros newa Timoteos anak ne Piripoi kotan ta okai ashkanne utara episkopos newa deakonos tura orota kambi omande na:

Piripoi 1:8

Yesu Kiristo koro keutura ta obitta no okai echi utara gusu ku yaikatekara ambe Kamui paweteshu ruwe ne.

Piripoi 2:15

oromam newa upaore shomoki no nep ne yakka kara yan:

Korosai 1:4

eeshiri echi otta ek pirika shongo oma son no arabe an itak ani echi nu kando otta echi utara gusu eumashnu wa an aechipachipa ambe gusu,

Korosai 2:6

Tambe gusu, echi utara Utarapa ne Kiristo Yesu akore korachi, Shinuma oshiketa apkash yan; Shinuma oshiketa shinrichi koro hine aeyairoshkire, aige,

Pirimon 1:1

Kiristo Yesu koro apakashnu guru Pauros newa akoro iriwak ne Timoteos anak ne, un tura no iki aomap an akoro Pirimon otta hemhem, akoro matiriwak ne Appia otta hemhem,

Pirimon 1:9

Kiristo oshiketa, nep rametokkorobe ka ku goro yakka, omap ambe ankushkerai ku onishnishi ash ruwe ne, onne Pauros ku ne gusu, samata, tane Kiristo Yesu koro epashkanu guru ku ne wa gusu ne na:

Ekambakbe 21:7

Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.