Garatea 3:1 - Ashiri Aeuitaknup Iyohaichish Yona 1897

¹ Ramu-isambe Garatea un utara, echi koro shik samata Yesu Kiristo aande wa anukan no utasa chikuni otta araige, awa, echi shiren guru nen ne ruwe he an?

Garatea 3:1 ပူးပေါင်းရင်းမြစ်များ

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Mattaios 7:26

wa an ruwe ne gusu ne na. Orowa, tap Ku ye itak nu wa nei no ki shomoki utara anak ne ota kata chisei kara ramu isam guru ukoheraye ruwe ne.

Roukos 24:25

Tata otta Shinuma anak ne nei utara otta ene itak-hi :— Uweingara utara obitta no ayep an, aine, eishokoro kuni moire keutum koro haita utara!

Apostoro ikip oma kambi 16:6

Orowa, nei utara purigia newa Garatia kotan kush, Asia moshiri ta itak nure kuni Ashkanne Ramat orowa no ahattoki nisa ruwe ne gusu ne na;

Apostoro ikip oma kambi 6:7

Orowa, Kamui itak shipiraspa; shui, koikara utara anak ne Yerusarem kotan ta shi no ainnere nisa; samata, Kamui kora kenru esapane utara tumuge un shiri inne utara nei eishokor-i koitaknu nisa ruwe ne.

Roma 10:16

Koroka, nei utara obitta anak ne pirika shongo otta shomo inu. Awa, Isaya ene itak-hi :— Utarapa, chikoro shongo eishokoro guru nen ne ruwe he an? sekoro itak.

Roma 2:8

koroka, sakayo ki wa sonep itakkashi, aige, oupeka sakbe koitaknu utara otta,

Roma 6:17

Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;

I Korintos 11:26

Inambe gusu ne yakun, hembara ne yakka tan pan echi ibe henhem ki, tuki echi iku hemhem ki chiki, Utarapa ek pakno Shinuma rai ambe echi assuru ashte ruwe ne gusu ne na.

I Korintos 2:2

Inambe gusu ne yakun, Yesu Kiristo newa utasa chikuni otta akungi kokikkikbe moshima, echi tumugeta nep ne yakka ku erampeutek kuni ku ramuoshitchiu nisa ruwe ne.

II Korintos 10:5

aesanniyo ambe newa nep ne yakka Kamui eramushbe epokba ariknare an ri ambe obitta hokushte, samata, obitta no okai yainu-hi Kiristo otta koitaknure kuni ne usshiunere ruwe ne;

II Korintos 11:3

Koroka, ikineipeka nekon a ka, okokko irara wa Hefa kokandama korachi, echi koro keutum anak Kiristo epeka kuni gusu an sonep newa turu-sakbe gusu awende kuni ku ishitoma ruwe ne.

Garatea 1:2

no hetopo-shiknure Michi ne Kamui ani) Apostoro ne akara Pauros newa en tura no an obitta no okai iriwak utara Garatea un karisia utara otta kambi omande na:

Garatea 1:6

Kiristo korʼirenga otta echi hotuyekara Kamui orowa no tap korachi chashnu no echi utara shinnai no an pirika shongo gusu echi yaiatupte-i ku enushkari ruwe ne;

Garatea 2:14

Koroka, nei utara anak pirika shongo oma sonep nei no oupeka no shomo apkash ambe ku nukara chiki, obitta no okai nei utara kotchaketa Kepas otta ene ku itak-hi:— Aokai anak ne Yudea un guru a ne wa, Yudea un utara shomo ne no Oya utara korachi e an chiki, hemanda gusu, Oya utara anak Yudea un utara korachi okai kuni ne e ki ya?

Garatea 3:3

an shongo gusu akore ruwe he an? Nei oro pakno echi ramusakbe ne ruwe? Ramat gusu echi heashi wa tane kara gusu echi aeramushinnere ya?

Garatea 4:9

koroka, tane Kamui echi eamkiri, tane Kamui orowa no echi aeamkiri an hine, hemanda gusu, otta kanna-shui ausshiunere rusui katchak aepange an isaika ambe otta koshikiru ya?

Garatea 5:11

Koroka, iriwak utara, kuani anak ne okarituye orushpe eupaskuma yakun, nep gusu tane ne yakka, a en keslike wa an a? Yak anak ne utasa chikuni gusu an ureepetchiurep anak aisamka nisa ruwe ne na.

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Epesos 4:14

tewa no chi utara anak ne nokan utara shomo chi ne wa, irara wa utara chinorep gusu shomo ashiren wa obitta no okai epakashi gusu koshunge an kokandama ambe ari aye rera ani iteki ekeshne-ekeshne ashishuye kuni gusu an ambe ne;

Epesos 5:15

Tambe gusu, nekon a echi apkash ya yaitubare yan; wayasap guru korachi shomo ne no wayashnu guru nei no ki yan;

II Tessaronike 1:8

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

I Timoteos 6:4

nei guru anak nep ne yakka erampeutek wa pittaranne, koroka, Kamui kooripak ambe anak ani eyaiepirikare kunip ne sekoro yainu wa eyaitunnap keutum hemhem, upaore ambe hemhem, Kamui koatcha ambe hemhem, wenbe eyainu ambe hemhem, keutura munin wa

Hebraios 11:8

Eishokor-i an gusu Abraham anak ne anishuk ita, aeikeshkoro kuni ushike orun arapa kuni koitaknu nisa; awa, nei oro arapa ya eramushkare no shinuma oman nisa ruwe ne.

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 4:17

Inambe gusu ne yakun, Kamui kora kenru ta akoipishi heashi kuni pakihi anak ne an; aige, hoshiki no un gusu aheashire chiki, Kamui pirika shongo koitak-nu shomoki utara okesehe anak ne nekon a ambe ne kusu ne ya?

II Petros 2:18

Inambe gusu ne yakun, raka-sak ashipushkere wa an ambe sange hine, wenbe ki wa ishu utara orowa no ohaitare shiri okai utara, ramupekere ambe ani, kara oma ibeporore otta shiren ruwe ne gusu ne na;

Ekambakbe 18:3

Inambe gusu ne yakun, obitta no okai moshiri uirup utara anak ne shinuma koro hoiyo gusu an kinrakarape oma tonoto ankushkerai hachiripa nisa ruwe ne; orowa, moshiri shikkashima utara anak ne shinuma tura hoiyo iki, aine, moshiri ta okai ihok utara anak ne shinuma iki yaiomonnure ambe kiroro gusu yaioteknure okere ruwe ne gusu ne na, ari itak.

Ekambakbe 2:20

Koroka, e epeka gusu an ambe an, yaikota uweingara guru ne ari itak nei a shiwentep anak ne Yesaberu e aude ruwe ne gusu ne na; nei shiwentep anak ne Ku goro usshiune utara hoiyo hemhem ki, potoki otta ayange okaibe ibe hemhem ki kuni epakashnu wa kokandama ruwe ne.