Garatea 2:16 - Ashiri Aeuitaknup Iyohaichish Yona 1897

¹⁶ ashikore wano Yudea un utara chi ne ruwe ne, yakka, ainu anak tuitak ikip gusu aoupekare shomoki no ouse Yesu Kiristo eishokoro ari an ambe ani aoupekare ne sekoro chi eraman gusu, chi utara ne yakka tuitak ikip gusu shomo ne wa Kiristo eishokoro ari an ambe ani a un oupekare kuni ne Kiristo Yesu eishokon nisa ruwe ne na. Inambe gusu ne yakun, inan kara aye yakka tuitak ikip gusu shomo aoupekare kusu ne gusu ne na.

Garatea 2:16 ပူးပေါင်းရင်းမြစ်များ

Iyohaichish 143:2

Orowa, E tek-samata katpak isam no an shiknu guru isam ruwe ne; Tambe gusu, iteki E uitek guru esanniyo wa en kore.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Apostoro ikip oma kambi 4:12

Shinuma gusu shomoki yakun kashiobiuki ambe isam ruwe ne: inambe gusu ne yakun, kando choropoketa utara tumta akore nei reihei moshima un kashiobiuki kuni reihei isam ruwe ne gusu ne na.

Roma 1:17

Nei oshiketa eishokor-i wano eishokor-i pakno Kamui oupeka-hi aekambakte wa an ruwe ne: ene chieshinnuye wa an korachi ne :— Koroka, oupeka utara anak ne eishokor-i atte gusu ishu kusu ne gusu ne na.

Roma 3:30

Kamui anak ne Shinep ne wa eishokor-i gusu okarituye-buri akire utara oupekare, orowa, eishokor-i ani okarituye-buri shomo akire utara oupekare yak anak ne ene ne ruwe ne.

Roma 4:2

Inambe gusu ne yakun, Abraham anak ne ki ikip gusu aoupekare yak anak ne yaiyomonnure kuni ushike an; a yakka, Kamui tek-samata isam ruwe ne.

Roma 4:24

koroka, gusu aesanniyo kusu ne chi utara chikoro Utarapa ne Yesu rai orowa no hetopo-shiknure Kamui eishokoro wa okai chi utara gusu ne yakka nei ambe chieshinnuye wa an na;

Roma 8:3

Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

Roma 9:30

Yakun, hemanda chi ye kusu ne ya? Oupekap shomo keseamba Oya un utara anak ne, oupeka ambe, eishokor-i gusu an nei oupeka ambe, kon nisa ruwe ne sekoro chi ye kusu ne ya?

I Korintos 6:11

Echi sereke utara anak ne deeda nei no okai utara echi ne a koroka, tane echi ayashke okere, koroka, echi aashkannere an na, koroka, chikoro Kamui kon Ramat newa Utarapa ne Yesu Kiristo kon reihei otta echi utara aoupekare nisa ruwe ne na.

Garatea 4:5

tambe anak ne tuitak otta okai utara kikiraye kuni gusu an ambe ne, chi utara anak poho ne akara kuni gusu an ambe ne ruwe ne.

Garatea 5:4

Tuitak gusu aoupekare kuni esanniyo echi utara anak ne Kiristo orowa no aemakap ne, Kamui irenga ehaitap ne ruwe ne na Inambe gusu ne yakun,

Piripoi 3:9

tambe anak ne Kiristo ku epirikare wa Shinuma oshiketa a en nukara, samata, tuitak gusu hetuku yaikota koro oupeka ambe koro shomoki, koroka, Kiristo otta an eishokor-i gusu hetuku oupeka ambe, — eishokor-i gusu Kamui orowa no hetuku oupeka

I Petros 1:2

Pontus, Garatia, Kappadokia, Asia newa Bitunia ta chichari hine riya wa okai anumge utara otta kambi omande: irenga newa itomo echi gusu aporore an na.

I Petros 2:24

Shinuma yaikota kon netobake oshiketa chikoro chikokatpak koro hine chikuni otta sei wa arapa, nei ambe anak ne chi utara katpak otta rai wa oupekap otta shiknu gusu ne a ambe ne; Shinuma akore shirikik-hi gusu echi utara aiwangere nisa ruwe ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

II Petros 1:1

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.

Ekambakbe 7:14

Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.

Ekambakbe 7:9

Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;