Garatea 2:11 - Ashiri Aeuitaknup Iyohaichish Yona 1897

¹¹ Koroka, Kepas anak ne Antiok kotan ta ek ita, shinuma akokatpakte kuni guru ne wa gusu kuani shinuma kopao nisa ruwe ne.

Garatea 2:11 ပူးပေါင်းရင်းမြစ်များ

Jona 1:3

Koraka, Yona anak ne Yehoba shik sama orowa no Tarshish kotan orun ko-kira kuni ne hopuni nisa ruwe ne; awa, Yoppa kotan orun san wa Tarshish kotan orun paye shine chip nukara: tambe-gusu chip o ataye sange wa, Yehoba shik sama orowa no Tarshish kotan orun nei utara tura no oman wa ko-kira kuni ne chip orun ahun ruwe ne.

Jona 4:9

Orowa Yona otta Kamui ene itak-hi:— Fukube-ni gusu e irushka ko anak ne pirika ya? sekoro itak. Ku rai pakno ku irushka yak pirika na, shinuma, ye nisa ruwe ne.

Mattaios 16:23

Koroka, Shinuma hosari wa Petros otta ene itak-hi :— Satan, En oshmake un oman; eani anak ne En gusu an ureepetchiurep e ne, eani anak ne Kamui gusu an orushpe esanniyo shomoki, ainu gusu an orushpe esaniyo ruwe ne gusu ne na, sekoro itak.

Yoannes 1:42

Orowa, shinuma Yesu otta atura wa ek. Yesu shinuma nukara wa ene itak-hi :— Yoannes poho Simon e ne ruwe ne: eani Kepas ani aye kusu ne (tan itak eipakita ne yakun “Shuma” ani an itak ani ibehe kon ruwe ne).

Apostoro ikip oma kambi 11:19

Tambe gusu, Stepanos gusu hopuni aramuchuptekbe ankushkerai usa-pishkane shitchari utara anak ne Poinikea newa Kupros newa Antiok pakno payekai wa ouse Yudea un utara otta patek nei itak ye nisa ruwe ne.

Apostoro ikip oma kambi 11:20

Koroka, nei utara tumugeta Kupros newa Kurenai utara okai, nei utara Antiok kotan ta araki chiki, Utarapa ne Yesu eupaskuma wa Herenes un utara otta ne yakka itak ki nisa rawe ne.

Apostoro ikip oma kambi 11:22

Orowa, nei utara gusu an pahau anak ne Yerusarem kotan ta okai karisia koro kisara otta anu nisa ruwe ne, awa, nei utara Antiok kotan pakno Barnabas omande:

Apostoro ikip oma kambi 11:27

Orosama, tapan toho pakita Yerusarem kotan wano Antiok kotan otta sap wa araki uweingara utara okai.

Apostoro ikip oma kambi 15:1

Orowa, Yudea moshiri wano okai utara anak ne sap wa epakashnu hine ene itak-hi :— Mose oma buri korachi okarituye buri akore shomoki yak anak ne kashiaobiuki eaikap ruwe ne.

Apostoro ikip oma kambi 15:5

Koroka, Parisee ikiri un okai eishokoro utara anak ne hopumba wa okarituye buri akire wa Mose tuitak ashikashimare kunip ne, ari itak.

II Korintos 11:5

eyaishiporore yak pirika Kuani anak ne nei iyotta pase Apostoro utara gusu pon no ka pokashnu guru shomo ku ne ruwe ne ari ku yainu ruwe ne gusu ne na.

II Korintos 12:11

Ramat-sakbe ku ne okere: nei no ku an kuni ne echi ikichi okai; echi utara orowa no a en aashte kunip ku ne: inambe gusu ne yakun, kuani nep ka aeramu kunip shomo ku ne a yakka, iyotta pase apostoro utara pokashnu an ambe shomo ku ne ruwe ne gusu ne na.

II Korintos 5:16

Tambe gusu, tewa no poka, chi utara anak ne kam gusu an ainu eamkiri shomoki: aige, kam gusu an Kiristo chi eamkiri nisa a yakka, tane anak ne nei no chi eamkiri shomoki ruwe ne gusu ne na.

Garatea 1:18

Orowa, re pa okaketa Kepas hotanukara gusu Yerusarem kotan ta ku hemesu wa ashikne to ikashima wan to uturu shinuma tura ku riya nisa ruwe ne.

Garatea 2:14

Koroka, nei utara anak pirika shongo oma sonep nei no oupeka no shomo apkash ambe ku nukara chiki, obitta no okai nei utara kotchaketa Kepas otta ene ku itak-hi:— Aokai anak ne Yudea un guru a ne wa, Yudea un utara shomo ne no Oya utara korachi e an chiki, hemanda gusu, Oya utara anak Yudea un utara korachi okai kuni ne e ki ya?

Garatea 2:5

pirika shongo oma sonep echi otta an kuni ne, nei utara otta shine pakihi pakno ka shomo chi utara koitaknu nisa ruwe ne.

Garatea 2:7

sekoro, ku ye: koroka, shinnai kane, Petros otta okarituye buri akire utara gusu pirika shongo ashikkashimare korachi, shomo okarituye buri akire utara gusu nei pirika shongo a en shikkashimare ne sekoro nei utara nukara chiki (inambe gusu ne yakun,

Garatea 2:9

orowa, en orun koropare an irenga nei utara nukara chiki, ikushpe ne aesanniyo wa an Yakob newa Kepas newa Yoannes anak ne iriwak ne kuni shimon tekehe en otta newa Barnabas otta koropare nisa ruwe ne, tambe anak nei utara okarituye buri akire utara otta paye, orowa, chi utara anak ne Oya utara otta paye ash kuni gusu an ambe ne:

I Timoteos 5:20

Chikokatpak utara okai chiki, moshima okai utara ishitoma kuni ne obitta no okai utara shik-samata pakashnu yan.

Yakob 3:2

Inambe gusu ne yakun, inne no okaibe gusu chi utara obitta ureepetchiu ruwe ne gusu ne na. Itak gusu ureepetchiu shomoki guru an chiki, shinuma anak aeramushinne ainu ne, kon netobake ne yakka ebitta shikkashima eashkaibe ne.

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.