Garatea 1:7 - Ashiri Aeuitaknup Iyohaichish Yona 1897

⁷ nei ambe anak ne moshima an ap shomo ne; koroka, echi keutura chiukopoyere wa Kiristo koro shongo itasare utara okai ruwe ne.

Garatea 1:7 ပူးပေါင်းရင်းမြစ်များ

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Apostoro ikip oma kambi 13:10

Obitta no okai irarape newa obitta no okai wenbe newa ani aeshik, nitne kamui koro poho, obitta no okai oupeka ambe epokba guru, Utarapa koro oupeka ruhu ohaitare kuni ambe shomo e okere kusu ne ya?

Apostoro ikip oma kambi 15:24

un orowa no paye an utara anak ne itak ani echi chiukopoyere hine echi kon ramat utumashire nisa ruwe ne sekoro chi nu ruwe ne gusu; nei utara anak ne un orowa no shomo akashpaotte ruwe ne na;

Apostoro ikip oma kambi 20:30

kusu ne-hi ku eraman; shui, koikara utara tura wa shiren gusu ehaita ambe ye utara echi yaikota tumuge wa hopumba kusu ne.

II Korintos 11:13

Inambe gusu ne yakun, nei no okai utara anak ne chinore apostoro ne, kokandama ikichi utara ne, Kiristo koro Apostoro nep kuni ne yaikota yainere utara ne ruwe ne gusu ne na.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

Garatea 1:6

Kiristo korʼirenga otta echi hotuyekara Kamui orowa no tap korachi chashnu no echi utara shinnai no an pirika shongo gusu echi yaiatupte-i ku enushkari ruwe ne;

Garatea 2:4

nei ambe anak nuina no aahupte shunge iriwak utara gusu an ambe ne; nei utara un usshiune utara ne akara kuni ne, Kiristo Yesu otta chikoro rengaine an nrondum nukara kuni gusu arorokishne no ahup nisa ruwe ne:

Garatea 4:17

Nei utara anak ne shiarikiki no echi hunara ruwe ne koroka pirikap gusu shomo ki; echi utara nei guru hunara kuni gusu, nei utara anak ne echi soita koapa shi rusui ruwe ne na.

Garatea 5:10

Echi utara anak ne shinnai no esanniyo shomoki kusu ne sekoro Utarapa gusu ku yainu ruwe ne; koroka, nen ne yakka echi chiukopo-yere gurʼanak ne nei akoipishi ambe sei kusu ne na.

Garatea 5:12

Echi chiukopoyere utara anak ne echi orowa no paye kuni ku kon rusui ruwe ne.

Garatea 6:17

Tewa no poka, nen ne yakka iteki en ramusarakka yan, inambe gusu ne yakun, Yesu koro kochihi ku netobake otta ku sei ruwe ne gusu ne na.

II Timoteos 2:18

nei utara tumugeta Humenaios newa Piritos okai ruwe ne; nei utara anak ne sonep gusu ohaita, aige, hetopo-a-shiknure ambe anak ne aokere ruwe ne sekoro ye hine sereke okai utara eishokor-i hokushte ruwe ne.

I Yoannes 2:26

Echi shiren wa turainure utara gusu tap okaibe ku nuye nisa.

I Yoannes 4:1

Aomap an utara, obitta no okai ramat pishno iteki eishokoro yan, koroka, Kamui orowa no okaibe ne ya shomo ne ya ingara kuni ne, nei ramat uwande yan: inambe gusu ne yakun, inne no okai shunge uweingara utara moshiri orota paye nisa ruwe ne gusu ne na.

II Yoannes 1:10

Nen ka e orun araki wa tap epakashnu ambe koro shomoki chiki, iteki e kot chisei ta akunge, iteki shinuma rangarap yan:

II Yoannes 1:7

Inne no okai kokandama ki utara anak ne moshiri orota araki wa okai, Yesu Kiristo ainu netoba koro wa ek sekoro ambe shomo pushpusu utara tambe ne ruwe ne. Tambe anak kokandama ki guru ne, nei a anti-kiristo ne ruwe tapan na.

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 13:14

Aige, nei chikoikip kotchaketa akire kuni gusu an shirosh ankushkerai shinuma anak ne moshiri kata oshiroma utara kokandama; nei a rangetam eshirikik piri koro wa shiknu chikoikip gusu nokaha kara kuni ne moshiri kata oshiroma utara otta ye ruwe ne.

Ekambakbe 19:20

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne:

Ekambakbe 2:2

E iki ambe hemhem, e tumutui ambe hemhem, e yaiyupupu ambe hemhem, samata, wen utara tura e an eaikapbe, orowa, Apostoro shomo ne okai hine apostoro ari an reihei ani yaiporose utara uwande wa shunge utara ne sekoro e nukara ambe Ku eraman;

Ekambakbe 2:20

Koroka, e epeka gusu an ambe an, yaikota uweingara guru ne ari itak nei a shiwentep anak ne Yesaberu e aude ruwe ne gusu ne na; nei shiwentep anak ne Ku goro usshiune utara hoiyo hemhem ki, potoki otta ayange okaibe ibe hemhem ki kuni epakashnu wa kokandama ruwe ne.

Ekambakbe 2:6

Koroka, tambe, e otta an ruwe ne, Nikoraitan un utara iki ikip e etunne, Kuani ne yakka nei okaibe Ku etunne ruwe ne na.

Ekambakbe 20:3

aige, nei ambe seshke wa shinuma kashita numpe ani kotukka nisa; tambe anak ne nei ashikne shine wan hotne pa aokere pakno tewa no moshiri uirup iteki kokandama kuni gusu an ambe ne: nei okaketa irukai uturuta apita kusu ne na.