Garatea 1:4 - Ashiri Aeuitaknup Iyohaichish Yona 1897

⁴ chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Garatea 1:4 ပူးပေါင်းရင်းမြစ်များ

Iyohaichish 40:8

Aa ku goro Kamui, E korʼirenga ku ki kuni ku konoburu na; Ruwe ne wa, E koro tuitak anak ne ku keutum ta an ruwe ne.

Mattaios 13:22

Orowa, ai-ush ni an ushiketa aetoita gurʼanak ne, tambe anak nei itak nu; orowa, kanna moshiri gusu an nishomap ambe hene, aeoteknu ambe gusu an kokandama ambe hene gusu, nei itak ateye, aige, ibehe shomo hetukure gunʼne.

Mattaios 20:28

tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.

Mattaios 26:28

Echi utara obitta tambe iku yan; tambe anak ne inne utara koro chikokatpak atusare kuni ne aohetu aeuitaknu gusu an Ku kemihi ne ruwe ne.

Mattaios 26:42

Shui, Shinuma kanna oman, aige, inonno-itak hine ene itak-hi :— Aa Ku Michi, tambe Ku iku shomoki chiki shi maka aoraye eaikap yakun E korʼirenga aki kusu ne, ari itak.

Mattaios 6:9

Tambe gusu, tap korachi inonno-itak ki yan: Kando otta an chikoro Michi, E kon reihei orota aeoripak kuni ne ki wa un kore.

Markos 10:45

Inambe gusu ne yakun, son no newa Ainu Poho anak ne moshima utara eiwange kuni gusu ek shomo ne, koroka, yaishieiwangere kuni gusu ek, inne utara kikiraye gusu, koro inotu kore kuni gusu ek nisa ruwe ne na.

Roukos 22:19

Orowa, Shinuma pantak uk wa yaiiraige okere chiki meshpa, orowa, nei utara otta kore wa ene itak-hi :— Tambe anak ne echi utara gusu akore ku netobake ne: En eshkarun kuni gusu tambe echi ki yan, ari itak.

Roukos 22:42

Michi, Aokai ramuoshma yakun, tan itangi En orowa no oyakta ande wa En kore: koroka, Ku rengaine gusu shomo ne wa E rengaine ki wa en kore, ari itak.

Yoannes 10:11

Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

Yoannes 12:31

Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

Yoannes 5:30

Kuani anak ne yaikota nep ne yakka ki eaikap: Ku nu korachi ku koipishi ruwe ne: Ku koipishi-i anak ne oupeka ambe ne ruwe ne; Kuani yaikota koro irenga hunara shomoki, En omandep koro irenga Ku hunara ruwe ne gusu ne na.

Yoannes 6:38

Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na.

Roma 1:7

Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

Roma 4:25

Shinuma anak ne chikoro katpak gusu aekoshi, orowa, a un oupekare gusu hetopo-ashiknure nisa ruwe ne na.

Roma 8:27

orowa, sambe chimchimi guru anak ne Ramat koro keutum eraman, Kamui irenga nei no ashkanne utara gusu yaikurukata koramkon ruwe ne gusu ne na.

Roma 8:3

Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

Roma 8:32

Yaikota koro Poho shihopinupka shomoki, koroka, un gusu Shinuma ekoshi gurʼanak ne, nekon a iki wa Shinuma tura oro-isam no obitta no okaibe un koropare ne yakka shomoki ruwe he an?

I Korintos 15:3

Echi utara otta iyotta hoshiki no ku sangep anak, Kamui kambi-sosh kata chieshinnuye wa an korachi, Kiristo anak ne chikoro katpak gusu rai wa iyurui orota aomare;

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

Garatea 2:20

Kuani Kiristo tura no utasa chikuni otta akotukka okere; yakka, ku ishu wa an; kuani shomo ne, koroka, en oshiketa Kiristo ishu ruwe ne: orowa, tane kam otta ku ishu inotu anak eishokoro ambe an gusu an ambe ne ruwe ne, nei ambe anak en omap wa en gusu yaiyange Kamui Poho gusu an ambe ne ruwe tapan na.

Garatea 6:14

Koroka, chikoro Utarapa ne Yesu Kiristo koro utasa chikuni gusu moshima oara shomo ku yaiomonnure ku ki na; nei ambe ani en gusu moshiri utasa chikuni otta akotukka, samata, moshiri gusu kuani utasa chikuni otta akotukka nisa ruwe ne.

Epesos 1:11

nep ne yakka yaikota rengaine ukoramkoro wa iki, aige, keutum an korachi etoko wano un esanniyo wa koro eikeshkorobe ne kuni un kara nisa ruwe ne;

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Epesos 5:16

toho wen wa gusu pakihi kikiraye yan.

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Epesos 6:12

Inambe gusu ne yakun, chi ki ukotereke ambe anak ne kem newa kara tura ikip shomo ne, koroka, esapanep tura hene, mondum korobe tura hene, tapan kunne-i moshiri esapanep tura hene, kando un ushiketa okai wen ramat tura hene ukotereke ambe ne ruwe ne.

Piripoi 4:20

Tane shashuishiri wano shashuishiri pakno chikoro Kamui ne Michi orota arakuru an na. Amen.

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

I Tessaronike 3:11

Tane, chikoro Kamui newa Michihi yaikota, orowa, chikoro Utarapa ne Yesu anak ne echi orun araki ash gusu un epakashnu kuni ne akoramkoro, aige, echi

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

II Tessaronike 2:16

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

I Timoteos 2:6

Kiristo Yesu ne, Shinuma anak ne obitta no okai utara kikiraye gusu yaikota yaiyange nisa ruwe ne; aige, yaikota koro pakihi ta aepaweteshu an ambe ne na;

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 2:5

Inambe gusu ne yakun, gusu aye ek kushki moshiri Shinuma anak ne hauturumbe otta itaknure shomoki nisa ruwe ne. Koroka,

Hebraios 6:5

Ashkanne Ramat akore hemhem ki, Kamui pirika

Hebraios 9:14

shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?

Yakob 4:4

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

I Petros 2:24

Shinuma yaikota kon netobake oshiketa chikoro chikokatpak koro hine chikuni otta sei wa arapa, nei ambe anak ne chi utara katpak otta rai wa oupekap otta shiknu gusu ne a ambe ne; Shinuma akore shirikik-hi gusu echi utara aiwangere nisa ruwe ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

I Yoannes 2:2

Shinuma anak ne chikoro katpak gusu an imommuyep ne ruwe ne; ouse chikoro katpak gusu patek shomo ne, koroka, ingi-nroshiri gusu an ap gusu ne yakka ne ruwe ne na.

I Yoannes 3:16

Shinuma anak ne un gusu koro inotu ande-hi gusu, tambe gusu omap ambe chi eraman; chi utara ne yakka iriwak utara gusu koro inotu ande kusu ne ap ruwe ne.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,

Ekambakbe 7:9

Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;