Garatea 1:10 - Ashiri Aeuitaknup Iyohaichish Yona 1897

¹⁰ Tane kuani anak ne utara onishnishi ruwe he an? Kamui onishnishi ruwe he an? Shui, utara nupetnere kuni ambe ku hunara ya? Tane poka utara nupetnere ku ki chiki, Kamui usshiune guru shomo ku ne ruwe ne na.

Garatea 1:10 ပူးပေါင်းရင်းမြစ်များ

Mattaios 22:16

Awa, shinuma utara koro koikara utara Herodian un utara tura Shinuma otta payere wa ene itakte-hi :— Epakashnu guru, Aokai an at ne sone an guru ne ruwe ne, orowa, son no Kamui ruhu epakashnu wa nen ne yakka koishitoma shomoki ruwe ne; ainu E esanniyo shomoki ruwe ne gusu ne na.

Mattaios 28:14

Orowa, esapane guru anak ne tan orushpe nu yakun, echi utara iteki nishomap kuni ne, otta itak wa onishnishi ash kusu ne na, ari itak.

Mattaios 6:24

Tu sapane guru orota yaishieiwangere eashkai guru isam: inambe gusu ne yakun, shinen kowen, shinen omap; shinen kopuri pirika, shinen kopuri wen nangoro; Echi okai utara Kamui newa ikoro newa tup ne kane orota yaishieiwangere eaikap ruwe ne.

Apostoro ikip oma kambi 12:20

Orowa, shinuma anak ne Turos newa Sidon kotan un uirup gusu shi no irushka: aige, nei utara shine ikinne shinuma orota araki, orowa, Moshiri esapane ne guru shotki tumbu epungine guru ne Brastos ani katairotke guru ne kara chiki, itomo irenga koramkon nisa, koro kotan anak ne esapane guru koro moshiri orowa no oreshpa wa okai ruwe ne gusu ne na.

Apostoro ikip oma kambi 5:29

Koroka, Petros newa Apostoro utara ese wa ene itak-hi :— Ainu utara orun koitaknu kuni ambe kasu no, Kamui orun koitaknu kunip chi ne ruwe ne.

Roma 1:1

Apostoro ne kuni gusu anishuk, Kamui pirika shongo gusu shinnai no aande, Yesu Kiristo koro usshuine guru ne Pauros:

Roma 2:29

orowa, okarituye buri anak ne keutum an ambe ne, ikiri otta an ambe shomo ne, ramat unbe ne ruwe ne; nei okaibe ramuayore-hi anak ne utara orowa no an ambe shomo ne, koroka, Kamui orowa no an ap ne ruwe ne na.

Roma 2:8

koroka, sakayo ki wa sonep itakkashi, aige, oupeka sakbe koitaknu utara otta,

I Korintos 10:33

Kuani anak ne nep ne yakka gusu obitta no okai utara nupetnere korachi nep, aine, utara kashiaobiuki gusu inne no okai utara epirikare kuni esanniyo wa yaikota eyaiepirikare ambe shomo yainu korachi ne ruwe ne na.

II Korintos 12:19

Chi utara tap ramma-kane echi utara gusu yaiyapapu ash ruwe ne ari echi ramu. Kamui teksamata okai wa Kiristo oshiketa chi ye ruwe ne. Koroka, aeomap utara, obitta no okaibe anak echi aroshikire ash gusu nep ruwe ne.

Epesos 6:6

utara nupetnere anukara kuni gusu shomo ne no, koroka, sarabe osshi wano Kamui irenga ki hine Kiristo koro usshiune utara korachi ki yan;

Piripoi 1:1

Kiristo Yesu koro usshiune utara ne Pauros newa Timoteos anak ne Piripoi kotan ta okai ashkanne utara episkopos newa deakonos tura orota kambi omande na:

Korosai 3:22

Ausshiune okai utara, nep ne yakka gusu kara epeka an echi esapane utara koitaknu yan; ainu nupetnere gusu aeshikkoingara kuni korachi shomo ne, koroka, Utarapa gusu iki nei no oheuge sak sarabe koro yan: nep ne yakka echi ki chiki,

I Tessaronike 2:4

koroka, pirika shongo a un shikkashimare kuni pakno an utara chi ne kunak Kamui anak esanniyo korachi; tambe nei no chi ye ruwe ne; utara nupetnere kuni korachi shomo ne, koroka chikoro sambe uwande wa ingara Kamui nupetnere kuni gusu itak ruwe ne.

Yakob 4:4

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

I Yoannes 3:9

Nen ne yakka Kamui orowa no hekatu gurʼanak ne katpak shomo ki ruwe ne. Shinuma koro piyehe nei guru onnaigeta oshiroma ruwe ne gusu ne na: nei guru anak ne katpak ki eaikap, Kamui orowa no hekatu nisa ruwe ne gusu ne na.