Epesos 6:9 - Ashiri Aeuitaknup Iyohaichish Yona 1897

⁹ akore kusu ne na, sekoro uonnere yan. Orowa, nishpa ne echi utara, shinuma utara gusu nei no ki wa, iteki kosakayokara yan; aige, nei utara kon nishpa ne yakka echi kon nishpa ne yakka kando oshiketa an sekoro esanniyo yan, orowa, Shinuma anak ne ainu chari ainu kowen keutura shomo kon ruwe ne na.

Epesos 6:9 ပူးပေါင်းရင်းမြစ်များ

Iyohaichish 140:12

Ehoba anak ne ayairamshitnere utara ikemnu, Orowa, irapokkari utara gusu an aesanniyop ashte kusu ne sekoro ku eraman.

Mattaios 22:10

Orowa, nei ausshiunere utara ru orun paye wa nen ne yakka nukara guru, pirika guru hene wen guru hene uwekarapare: aige, marapto urokte utara inne nisa

Mattaios 22:8

Orowa, koro usshiunere utara otta ene ye-hi :— Shuke iwai anak ne etoko-a-oiki an okere, koroka, orota ahotuyepakara utara araki kuni upak utara shomo ne ruwe ne.

Mattaios 24:48

Koroka, wen ausshiunere guru keutumu ta ku kon nishpa ek moire ari ye;

Mattaios 24:51

orowa, kankapkapeka utara tura no eimekbe koropare kusu ne: nei ita anak ne chish hemhem niyorokara hemhem an kusu ne na.

Mattaios 7:12

Tambe gusu, moshima guru orowa no nep ki ambe echi kon rusui nei no, shinuma otta ne yakka ki yan: tambe anak ne Kamui ikashpaotte newa uweingarape ne ruwe ne na.

Roukos 6:31

Orowa, echi otta moshima an guru orowa no aki kuni echi kon rusuibe, echi utara ne yakka nei utara otta iki yan.

Yoannes 13:13

Echi utara anak ne Epakashnu guru ari an itak ani hene Utarapa ari an itak ani hene En ye: nei no ye katu anak ne pirikap ne; nei ambe Ku ne ruwe ne gusu ne na.

Apostoro ikip oma kambi 10:34

Orowa, Petros anak ne koro paro maka hine ene itak-hi :—

Roma 2:11

orowa, Herenes un guru otta an na: inambe gusu ne yakun, Kamui otta utara eankeshbe isam ruwe ne gusu ne na.

I Korintos 1:2

Kiristo Yesu otta aashkannere, ashkanne utara ne kuni gusu anishuk, inan ita ne yakka nei utara newa chikoro Utarapa ne Yesu Kiristo konishuk utara orun:

I Korintos 7:22

nei ambe eiwange yan. Inambe gusu ne yakun, ausshiunere wa an, aine, Utarapa gusu ahotuyekara gurʼanak ne, Utarapa koro ahonnere wa an gunʼne: nei no korachi, ahonnere wa an, aine, ahotuyekara gurʼanak ne Kiristo koro usshiune guru ne ruwe ne.

Korosai 3:25

Inambe gusu ne yakun, wenbe ikichi gurʼanak ne aki okere wenbe gusu tasa akore kusu ne: aine, utara kowen utara kopirika keutum isam ruwe ne gusu ne na.

Korosai 4:1

Nishpa ne utara, echi koro usshiune utara otta oupeka newa oupak an ambe kore yan; aige, echi utara ne yakka kando oshiketa Nishpa kon ruwe ne kunak eramu yan.

Yakob 2:13

Inambe gusu ne yakun, erampokiwen wa kore shomoki guru anak ne shomo aerampokiwen wa akoipishi kusu ne na: koipishi ambe anak ne rampoken gusu anrapoki akari kusu ne ruwe tapan na.

Yakob 2:8

Yakka, echi utara anak ne Kamui kambi kata chieshinnuye wa an — Eani yaikota yai-omap korachi aota un guru omap yan, — ari an sapane an tuitak uweomare chiki, pirikap echi iki na;

Yakob 5:4

Ingarʼan, echi utara iramisamka ki wa echi kot toi mose-kara gusu auitek utara koro pummaha hawe ashte ruwe ne: mose-kara ki utara koro hawehe anak ne Sabaot koro Utarapa kisaraha orun ahun nisa ruwe ne na.