Epesos 6:20 - Ashiri Aeuitaknup Iyohaichish Yona 1897

²⁰ nei ambe gusu shomo ehonnai no ku ki wa ku ye kusu ne ap korachi ku ye kuni ne, en gusu koramkoro yan; nei ambe gusu kani shinkop eok ateshkara guru ku ne ruwe ne na.

Epesos 6:20 ပူးပေါင်းရင်းမြစ်များ

Apostoro ikip oma kambi 21:33

Tata otta tumi-koro utara ikiri esapane guru karange no ek wa shinuma kishima, aige, tu kani-shinkop ani atupetupe kuni ne ikashpaotte nisa ruwe ne; orowa, nekon a an ainu ne ya? hemanda iki guru ne ya? uwepekennu nisa ruwe ne.

Apostoro ikip oma kambi 26:29

Pauros ene itak-hi :— Poron no ani ne yakka pon no ani ne yakka, aokai patek shomo ne, koroka, tanto en nu shiriki obitta no okai utara ne yakka, tap atupepeoktep moshima, en korachi ne akara kuni Kamui ku koramkon na, ari itak.

Apostoro ikip oma kambi 28:20

Tambe gusu tan ikkewehe an gusu kuani echi nukara wa tura no ukoitak kuni ku koramkon nisa ruwe ne: inambe gusu ne yakun, Israeru un utara ki chipa-chipa arabe gusu tan shinkop ani a en tupetupe an ruwe ne gusu ne na.

Apostoro ikip oma kambi 28:31

poro rametok koro wa Utarapa ne Yesu Kiristo gusu an orushpe epakashnu hemhem ki, aige, nen ka hattoho ki guru isam ruwe ne na.

Apostoro ikip oma kambi 5:29

Koroka, Petros newa Apostoro utara ese wa ene itak-hi :— Ainu utara orun koitaknu kuni ambe kasu no, Kamui orun koitaknu kunip chi ne ruwe ne.

II Korintos 3:12

Tap korachi an chipachipa ambe chi koro gusu, shiri rametok koro itak chi eiwange ruwe ne;

II Korintos 5:20

Tambe gusu, chi utara anak ne Kiristo gusu ateshkara utara chi ne, Kamui chi utara ani onishnishi shiriki korachi nep.

Epesos 3:1

Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 6:19

samata, ku paroho ku maka wa pirika shongo gusu an anuina ambe ku eupaskuma ehonnai shomoki no a en itakte kuni ne,

Piripoi 1:20

sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Korosai 4:3

samaketa, un gusu ne yakka iki, Kiristo gusu an anuina ambe aye hine itak arabe ahun gusu, un orun Kamui apa maka kuni ne ki yan,

Korosai 4:4

nei okaibe gusu ku atupetupe an na; samata, nekon a katu ani ku ye kunip ne ya aeramande kuni gusu ki yan.

I Tessaronike 2:2

echi onnere korachi, etokota piripoi kotan ta aeramushitnere wa a un ko shomo yaikatanu okere chiki, chi utara anak ne Kamui gusu yai-rametok koro hine shi no yairamkoiki wa Kamui pirika Shongo echi orun ye nisa ruwe ne.

II Timoteos 1:16

Onesiporos koro uni un utara Utarapa erampokiwen wa kore kuni ku koramkoro; inambe gusu ne yakun, shinuma anak ne kanna-kanna en sambe shiturire nisa, orowa,

II Timoteos 2:9

nei shongo gusu wen-buri ki guru korachi a en tupetupe wenbe eyairamshitne wa an na; koroka, Kamui itak anak ne atupetupe shomoki ruwe ne.

Pirimon 1:10

atupetupe wa an rapoketa ku shikore ku poho ne Onesimos gusu e orun ku koramkon ruwe ne, shinuma anak ne etoko wa en gusu raka-sak guru ne,

Pirimon 1:9

Kiristo oshiketa, nep rametokkorobe ka ku goro yakka, omap ambe ankushkerai ku onishnishi ash ruwe ne, onne Pauros ku ne gusu, samata, tane Kiristo Yesu koro epashkanu guru ku ne wa gusu ne na:

I Yoannes 3:16

Shinuma anak ne un gusu koro inotu ande-hi gusu, tambe gusu omap ambe chi eraman; chi utara ne yakka iriwak utara gusu koro inotu ande kusu ne ap ruwe ne.

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.