Epesos 6:13 - Ashiri Aeuitaknup Iyohaichish Yona 1897

¹³ Tambe gusu, wen toho ta echi eshishi hemhem ki, orowa, obitta no okaibe kara wa echi roshki hemhem ki eashkai kuni ne, Kamui koro obitta no okai hayokbe koro yan.

Epesos 6:13 ပူးပေါင်းရင်းမြစ်များ

Roukos 21:36

Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.

Roukos 8:13

Orowa, watara kata okaibe anak ne itak nu chiki yaikopuntek wa nei itak koro; orowa, tan utara shinrit sak wa irukai tomta eishokoro, orowa, akoramnukara ita anak ne yaikoemaka ruwe ne.

Roma 13:12

Kunne-to naanihungo aokere, tokap-to tane an kushki: tambe gusu, kurokok buri shirairaye wa pekere hayokbe yaimire anro.

II Korintos 10:4

kam iki nei no shomo tumichikon ruwe ne (tumi gusu an chi koro eshipopkep anak ne kam orowa no an ambe shomo ne, koroka, kiroroashnu ambe hokushte gusu Kamui tek-samata okirashnup ne ruwe ne);

Epesos 5:16

toho wen wa gusu pakihi kikiraye yan.

Epesos 5:6

Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

Yakob 4:7

Tambe gusu, Kamui koitaknu yan; koroka, nitne kamui esbishi yan, yakun shinuma echi orowa no shaot kusu ne na.

I Petros 4:1

Tambe Kiristo anak ne kam otta ayairamshitnere gusu, tambe gusu, echi utara ne yakka nei no an yainu-hi ani yaikota echi yaimutkare yan; inambe gusu ne yakun, kara otta ayairamshitnere guru anak ne katpak shiokere nisa ruwe ne na;

Ekambakbe 3:10

Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.

Ekambakbe 6:17

inambe gusu ne yakun, nei utara gusu an poro kinrakara toho ek an na, aige, hunna roshki eashkai ruwe he an?