Orowa, ku iriwak utara, echi utara yaikota pirikap ani aeshik, obitta no okai eramushbe ani aeshik, aine, utashpa uepakashnu eashkai kuni ku eishokon ruwe ne na.
Tambe gusu, echi utara anak ne shungep ande wa pishno pishno aun guru otta son no ambe ye yan: chi utara anak ne uwe-utashpa an awehe ne ruwe ne gusu ne na Irushka wa iteki katpak ki:
samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.
Koroka poho gusu; — Aa Kamui, E koro amset auak ne otusashuishiri wano otusashuishiri pakno an ambe ne; Aokai esapane kuni mondum anak ne oupeka mondum ne ruwe ne. Aokai anak ne oupekap omap wa wenbe etunne nisa ruwe ne;
Aomap an utara, wenbe iteki koikara, koroka, pirikap koikara yan. Pirikap iki gurʼanak ne Kamui orowa no an gunʼne; wenbe iki gurʼanak ne shomo Kamui nukan ruwe ne.