Epesos 5:8 - Ashiri Aeuitaknup Iyohaichish Yona 1897

⁸ inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

Epesos 5:8 ပူးပေါင်းရင်းမြစ်များ

Iyohaichish 74:20

E koro uitaknu ambe orun ingara: Moshiri kunne i anak ne niwenbe oshiroma-i ani aeshik ruwe ne gusu ne na.

Mattaios 3:8

Tambe gusu, yaikotatpak kopakeat buri echi ki yan:

Mattaios 4:16

Nei utara otta pekere hetuku nisa ruwe ne na, sekoro uweingara guru ne Isaya ye itak auweomare kuni gusu an ambe ne ruwe ne na.

Roukos 1:79

Mo an ru otta chikoro kema aomande kuni ne, Rai kurihi otta hene, kunne-i otta hene rok wa okai chi utara gusu atte pekere ruwe ne, ari Zakarias itak.

Roukos 16:8

Orowa, kon nishpa anak ne, nei oupeka sak chisei epungine uitek guru wayashnu no ki nisa ruwe ne gusu, iramye nisa ruwe ne na; inambe gusu ne yakun, pekere un poho kasu no anak ne moshiri un poho koro ikiri ta naa wayashnu wa okai ruwe ne gusu ne na.

Yoannes 1:9

an gunʼne. Moshirʼotta ek nen ne yakka otta pekere atte son no pekere an ruwe ne.

Yoannes 12:35

Tambe gusu, nei utara otta Yesu ene itak-hi :— Naa irukai pekere anak ne echi tumta an. Shirikunne echi oshkoni shomoki kuni gusu pekere echi koro rapoketa apkash yan; shirikunne ta apkash gurʼanak ne ine un oman shiri erampeutek ruwe ne.

Yoannes 12:36

Pekere poho echi ne kuni gusu nei pekere echi otta an rapoketa, nei pekere eishokoro yan. Yesu tap okaibe ye okere koro, oman wa nei utara gusu yai-nuina nisa ruwe ne na.

Yoannes 12:46

En eishokoro guru anak ne iteki kunne-i ta oshiroma kuni gusu moshirʼotta ek pekere Ku ne ruwe ne.

Yoannes 8:12

Tambe gusu, shui Yesu nei utara otta itak wa ene ye-hi :— Kuani anak ne moshiri pekere Ku ne: En osh ek guru anak ne kunne-i otta apkash shomoki no, ishu un pekere koro kusu ne na.

Apostoro ikip oma kambi 17:30

Tambe gusu Kamui nei eramsak an pakihi emoshma no ande nisa; koroka, tane anak neita okai yakka obitta no okai utara yaikokatpak kuni kashpaotte ruwe ne:

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Roma 1:21

nei utara anak ne Kamui eraman hine Kamui otta aki kuni korachi shomo kooripak, shomo koyaiiraige nisa; koroka, raka sak no an ramepakari ki, aige, koro ramu-isam sambe akunnere nisa ruwe ne.

Roma 13:12

Kunne-to naanihungo aokere, tokap-to tane an kushki: tambe gusu, kurokok buri shirairaye wa pekere hayokbe yaimire anro.

Roma 2:19

samata, aokai yaikota shiknak utara ru epakashnu guru ne, kunne-i ta okai utara gusu pekere ne,

I Korintos 1:30

Koroka, Shinuma ankushtapne echi utara anak ne Yesu Kiristo oshiketa okai hine un gusu Kamui orowa no wayashnu ambe, oupeka ambe,

II Korintos 3:18

Koroka, obitta no okai chi utara anak ne nankamup isam no yaikunnu-karape otta an nei no Utarapa koro nupeki nukara hine Ramat ne Utarapa orowa no an korachi poka nupeki wano nupeki otta nei shinep ne an noka nepkoro a un ekarakara an ruwe ne na.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

II Korintos 6:14

Shomo eishokoro utara tura iteki aouhaita no userekotukka yan; ikashpaotte otereke ambe anak oupeka ambe gusu nep tura no ikichi kuni ambe an a? Orowa, nekon a pekere anak ne kunne-i tura ikoan ruwe he an?

Garatea 5:25

Chi utara Ramat gusu ishu chiki, Ramat gusu apkash ne yakka ki yanro.

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Epesos 4:18

Kamui inotu orowa no uwoyakta an wa eraman kuni mondum akunnere wa an gusu apkash korachi, iteki nei no echi apkash yan;

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Epesos 6:12

Inambe gusu ne yakun, chi ki ukotereke ambe anak ne kem newa kara tura ikip shomo ne, koroka, esapanep tura hene, mondum korobe tura hene, tapan kunne-i moshiri esapanep tura hene, kando un ushiketa okai wen ramat tura hene ukotereke ambe ne ruwe ne.

Korosai 1:12

orowa, pekere otta okai ashkanne utara tura aeikeshkoro kuni an ambe chi uina kuni ne un kopakeatte Michi otta koyaiiraige ki;

Korosai 1:13

Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.