Epesos 5:6 - Ashiri Aeuitaknup Iyohaichish Yona 1897

⁶ Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

Epesos 5:6 ပူးပေါင်းရင်းမြစ်များ

Iyohaichish 78:31

Nei utara epeka no Kamui irushka wa, Iyotta mimush utara ronnu, Israeru un upen utara ronnu nisa ruwe ne.

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Mattaios 24:4

Yesu ese wa nei utara otta ene itak-hi :— Inan guru orowa no ne yakka iteki echi kokandama kuni ne yaitubare yan.

Markos 13:22

inambe gusu ne yakun, shunge Kiristo shunge uweingara utara hetuku wa eashkai chiki anumge utara shiren wa turainure kuni gusu shirosh newa iyokunnurep nukare kusu ne na.

Markos 13:5

Orota Yesu ene itak heashi :— Iteki moshima guru echi shiren wa kokandama kuni yaitubare yan.

Roma 1:18

Oupeka sak wa sonep shirikonumba wa okai utara koro obitta no okai Kamui koatcha ambe newa oupeka sak-i gusu, Kamui irushka-hi kando orowa no aekambak wa an;

Korosai 2:18

Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

Korosai 2:4

Inan guru ne yakka iteki shisak itak ani echi kokandama kuni ne, tambe ku ye ruwe ne.

Korosai 2:8

Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

Korosai 3:6

tap okaibe rengap gusu itakkashi poho utara otta Kamui irushka ambe ek ruwe ne;

II Tessaronike 2:3

an arabe ne; nep ne yakka gusu iteki inan guru ne yakka echi kokandamare yan: inambe gusu ne yakun, hoshiki no eyaikoemaka arabe an, samata, nei a chikokatpak ainu, nei a aisamka ambe poho anukara shomoki chiki,

Hebraios 13:9

Usa okai newa oya an epakashi gusu iteki aeyaiutumashire yan: inambe gusu ne yakun, irenga gusu keutum aeumashnure ambe pirika ruwe ne; otta apkash utara anak ne shomo eyaiepirikare aep gusu shomo ne na.

Hebraios 3:19

Nei utara anak ne eishokor-i sakbe ne wa gusu otta ahup eaikap ne sekoro chi nukara ash ruwe ne na.

I Petros 2:8

Orowa, Eshitchiure kuni shuma, epetchiure kuni watara ne akan nisa ruwe ne: inambe gusu ne yakun, nei utara itakkashi wa eshitchiu ruwe ne; nei ambe gusu poka nei utara anak ne aashte nisa ruwe ne.

I Yoannes 4:1

Aomap an utara, obitta no okai ramat pishno iteki eishokoro yan, koroka, Kamui orowa no okaibe ne ya shomo ne ya ingara kuni ne, nei ramat uwande yan: inambe gusu ne yakun, inne no okai shunge uweingara utara moshiri orota paye nisa ruwe ne gusu ne na.