Epesos 5:5 - Ashiri Aeuitaknup Iyohaichish Yona 1897

⁵ Echi utara pirika no tambe uonnere na, hoiyo ki guru hene, ichakkere guru hene, yaikoshipuinere ki guru hene, potoki ko-ongami guru hene, Kiristo newa Kamui moshiri oara eikeshkoro shomoki ruwe ne gusu ne na.

Epesos 5:5 ပူးပေါင်းရင်းမြစ်များ

Apostoro ikip oma kambi 20:32

Orowa, tane, Kamui otta hene Shinuma korʼirenga gusu an itak otta hene echi iko-ande ash ne, nei arabe anak ne echi roshkire hemhem ki, obitta no okai aashkannere utara tumugeta echi eikeshkore eashkaibe ne ruwe ne.

Apostoro ikip oma kambi 8:21

Tan orushpe gusu eani anak ne irenga newa moni isam, e koro sambe Kamui tek-samata oupeka shomo ne ruwe ne gusu ne na.

Garatea 5:19

Kain gusu iki ikip anak ne anukara wa an ruwe ne; aige, tapne an ruwe ne:— Hoiyop hene, ichakkere ambe hene, ramupelcerep hene, potoki ko ongami ambe hene,

Garatea 5:21

iku-sakayo hene, nei no okaibe anak kam gusu iki ikip ne ruwe ne: tap okaibe gusu etokota echi nure ash korachi, irammakaka echi nure na, nei okaibe iki utara anak ne Kamui moshiri eikeshkore shomoki kusu ne na.

Epesos 5:3

Koroka, hoiyo newa obitta no okai ichakkere ambe hene, yaikoshipuinere ambe ne yakka, ashkanne kuni utara an korachi, echi tumugeta porose poka iteki ki yan;

Korosai 1:13

Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

Korosai 3:5

Tambe gusu, moshiri kata okai echi koro awehe raige yan; hoiyo hene, ichakkere arabe hene, wenkatcham hene, wenbe ki rusui keutura hene, potoki koongami ari an yaikoshipuinere arabe hene raige yan;

I Timoteos 6:10

Inambe gusu ne yatun, ichen omap ambe anak ne usa okai wenbe koro shinrit ne ruwe ne: sereke okai utara anak ne nei ambe epa kuni iki hine eishokor-i wano ashiren, aige, inne no okai shirikirap ani yaiotke kushna nisa ruwe ne na.

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

Hebraios 13:4

Obitta no okai utara tumuta umurek guru nei-hi hemhem, akoatcha shomoki shotki hemhem kooripak yan: inambe gusu ne yakun, Kamui anak ne hoiyo utara newa omoinu koro utara koipishi kusu ne gusu ne na.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.

Ekambakbe 22:15

Soigeta anak seta okai, pon-itak ki utara okai, hoiyo utara okai, keuk utara okai, potoki-koongami utara okai, orowa, shunge omap wa shungep iki ambe koomap obitta no okai utara pishno an ruwe ne na.